Read Zokam Ezekiel 2 Bible Online

Ezekiel 2 - Zokam bible

Ezekiel 2

¹Amah in, "Mihing tapa aw, na khe in ding in; nang kong hopih ding hi," hong ci hi.

²A pau lai mahin ka sungah Kha hong tunga ka khe in hong dingsaka ama hong hopihna ka za hi.

³Amah in, "Mihing tapa aw, kei hong lehdo sa, hong lehdo minam Israel-te kiangah nang kong sawl hi; tuni mahmah ciang dong amaute le a pate un kei hong lehdo lai uh hi.

⁴Nang kong sawlna mite lungkhauhin paupeng uh hi. Amaute tungah ‘Hih in Thupipen TOPA gen ahi hi,’ ci in.

⁵Amaute in a ngai uh a, a ngai kei uh zongin - a langdo innkuan amaute ahi manun - amaute lakah kamsang khat om hi, cih a thei ding uh hi.

⁶Ahi zongin nang mihing tapa aw, amaute ahikeh a kampaute uh hangin lau kei in na kimkotah dailing le thangling in hong umin aikam lakah na teng zongin kihta peuhmah kei in. Amaute a lehdo innkuante hita leh amau genna le hong linthawnnate uh hangin lau het kei in.

⁷Amaute a lehdote ahi manun a ngai uh a, a ngai kei uh zongin ka thugente amaute tungah na gen kul ding hi.

⁸Ahi zongin mihing tapa aw, nang tunga kong gen na ngai in. Tua a lehdo innkuante bangin lehdo kei in; kamka inla kong piak pen ne in," hong a ci hi.

⁹Tua khit ciangin ka en a, khut khat kei lamah hong kizan ka mu hi. Tua khut sungah laizial khat a om hi;

¹⁰amah in ka mai-ah laizial a phel hi. A langnih tuakah tamlawhna, thumna le gimna thu a kigelh ka mu hi.