Read Zokam Ezekiel 30 Bible Online

Ezekiel 30 - Zokam bible

Ezekiel 30

¹TOPA thu kei tungah hong tunga;

²"‘Mihing tapa aw, thu genkhol inla, ‘Hih in Thupipen TOPA gen ahi hi: "Kah-ot inla, ‘Tua ni aw, tazen aw!’ ci in.

³Ahang in, a ni naita a, minamte siat nading lungkham meiipizin ding - TOPA ni nai ta hi.

⁴Egypt-te sim dingin namsau khat kuan dinga, Cush c[75] tungah lunggimna tung ding hi. Egypt ah mi a kithah ciangin a hauhnate kipuamang dinga a bulkipte kiphukpai ding hi.

⁵Cush le Put, Lydia d[76] le Arabia khempeuh, Libya le thukhun leitang mite khempeuh Egypt tawh namsau in a pukkhawm ding uh hi.

⁶"‘Hih in TOPA gen ahi hi: "‘Egypt a panpihte puk dinga a kisaktheihpih a hatna beita ding hi. Ama sunga om namsau-in Migdol pan Aswan dong puk ding uh hi; Thupipen TOPA in cikhia hi.

⁷"‘Gamkhingte lakah amaute gamkhing khat suak ding uh a, khuapi kisiate lakah amaute khuapi kihel ding hi.

⁸Keimah in Egypt mei-in hala a panpih khempeuh ka kituatzan ciangin amaute in keimah TOPA ka hilam hong thei ding uh hi.

⁹"‘Tua ni ciangin ngaihmuanga om Cush-te a lausak dingin kei kiang pan tembaw in kamtai ka sawl ding hi. Egypt a siat ni ciangin nak buai mahmah ding hi; a tung pelmawh ding lah ahi hi.

¹⁰"Hih in Thupipen TOPA gen ahi hi: "‘Keimah in Babylon kumpipa Nebuchadnezzar khut zangin Egypt mihonte ka beisak ding hi.

¹¹Amah le a galkapte - minam kheltat pente - a gam uh susia dingin ka kuansak ding hi. Amaute in Egypt do dingin namsau dok ding uh a, a gam uh misi a dim ding hi.

¹²Nile sunga tung lui khempeuh ka kangsak dinga a leitang uh migilote tungah ka zuak ding hi; a gam uh le a sunga om na khempeuh gamdang mite susiasakin gamval ka suaksak ding hi. Keimah TOPA in ka gensa ahi hi.

¹³"‘Hih in Thupipen TOPA gen ahi hi: "‘Milimte ka susia dinga, Memphis e[77] a pasian limte ka beisak ding hi. Egypt ah kumpitapa om nawn lo dinga a gam khempeuh uh launa ka tungsak ding hi.

¹⁴Keimah in Zoan haltum in Egypt f[78] saklam ka maimangsak dinga, Thebes g[79] dan ka thuaksak ding hi.

¹⁵Egypt-te kulh muanhuai Pelsium a[80] tungah ka thangpaihna ka sung dinga, Thebes mihonte a khaktan ding hi.

¹⁶Egyp-te mei-in ka hal dinga, gimna lianpi-in Pelsium ka nuai ding hi. Ngongtatna tawh Thebes kila dinga, Memphis lungdong den ding hi.

¹⁷Heliopolis b[81] le Bubastis c[82] a khangnote, namsau in puk ding uh a, a khuapite uh amau le amau galmatin pai ding uh hi.

¹⁸Egypt hakkol ka kuaihtan ciangin Tahpanhas ah khimzing dinga; tua ciangin a kisaktheihpih a hatna beita ding hi. Tuanu meiipi in tuam dinga a khuaneute galmat a suak ding hi.

¹⁹Tua bangin Egypt dan ka tuahsak ciangin amaute in keimah TOPA ka hilam a thei ding uh hi,’ ci in," hong ci hi.

²⁰A kum sawm le khatna a kha masa, a ni sagihna ni-in TOPA thu kei tungah hong tunga:

²¹"Mihing tapa aw, Egypt kumpipa Pharaoh’ ban langkhat ka kuaitan khin hi. Namsau tawi zo zah dinga khauh dingin a dam zawh nadingin kituamin kibawlsak lo hi.

²²Tua ahi ciangin hih in Thupipen TOPA gen ahi hi: Keimah in Egypt kumpipa Pharaoh ka do hi. A ban adam lam le a kitansa lam tawh ka kuaitan khawm dinga a namsau tawilai ka kiasak ding hi.

²³Minamte lakah Egypt ka thehzak dinga, gam citeng ah ka thehthang ding hi.

²⁴Babylon kumpipa bante ka khauhsak dinga a khutah ka namsau ka koih ding hi, ahi hangin Pharaoh bante ka kuaitan dinga, nakpitaka liam mi khat bangin a mai-ah a humham ding hi.

²⁵Babylon kumpipa bante ka khauhsak dinga, Phraoh bante a zawcip ding hi. Babylon kumpipa khutah ka namsau ka koih a, amah in Egypt langkhatah a liik ciangin amaute in keimah TOPA ka hilam a thei ding uh hi.

²⁶Keimah in minamte lakah Egypt mite ka delhzak dinga gam citengah ka thehthang ding hi. Tua ciangin amaute in keimah TOPA ka hilam hong thei ding uh hi," hong ci hi.