Read Zokam Ezekiel 31 Bible Online

Ezekiel 31 - Zokam bible

Ezekiel 31

¹A kum sawm le khatna, a kha thumna a ni masa ni-in TOPA thu kei tungah hong tunga:

²"Mihing tapa aw, Egypt kumpipa Pharaoh le a mipihte kiangah: "‘Na thupina kua tawh kiteh thei ding hiam?

³Khatvei lai-a Lebanon ah tamtak sing ahi, a teh tawh kilawm mahmah in, aliim in tulak a sung, sangpi-ah a hiang zau a, a teh a pha mahmah tunga a dawn dawk Assyria ngaihsun in.

⁴Tui in an vaka a thukna-a tuiphulte in sangpi in khangsak a; a bulpi kimkot khempeuh ah a luite luanga a hawkguamte in lo sunga singkung khempeuh zong a puak hi.

⁵Tua hangin lo sunga singkung khempeuh sangin sangzaw a, a paipi khangin kicingtakin tui ngah ahi manin a hiangte sau in zaam hi.

⁶Huih lak vasate in a dawn ah bu tom uh a, a hiang zaam nuai-ah gam sung ganhing khempeuh in ta suahna-in nei uh hi; minam liante khempeuh a liim nuai-ah teng uh hi.

⁷A zungte in tui kicinna mun bansak ahi manin a hiangzau tawh kilawmin melhoih mahmah hi.

⁸Pasian huana tamtaksingte tua zahin hoih lo-a, takkung hiangte zong tua zahin hoih loin, a hiangte zong taksing hiang tawh tehkak theih ding hi lo-a - Pasian huan sunga singkungte tawh a melhoihna teh theih ding ahi kei hi.

⁹Keimah in Pasian huan Eden sunga singkungte khempeuh en’ dingin kicingtakin ahiang ka phasak a, a mel ka hoihsak hi.

¹⁰"‘Tua ahi ciangin hih in Thupipen TOPA gen ahi hi: "A tehphate tung pekah a dawn khangto in a sanna a kisaktheihpihna hangin

¹¹ama gitlohna tawh kizui-in a thuaksak dingin minamte gam-ukte tungah amah ka pia hi. Amah ka pampaih a,

¹²bangmah a khual lo gamdang minamte in phukpai-in nusia uh hi. A paipite mualte tung le guam sung khempeuh ah a tuk ding uh hi; a hiangte kitangawpin tua gam kuam thuk khempeuh ah kiseng hi. A liim beel leitung minamte khempeuh paikhia-in nusia uh hi.

¹³Tua a puksa singkung ah huih lak vasa khempeuh giak uh a, a hiang kawmah gam sunga ganhingte khempeuh a om uh hi.

¹⁴Tua ahi ciangin tui gei-a po singkung dang peuhmah in a tehpha tungah a dawn khangtoin a sanna uh a kisak-theihpih kei ding uh hi. Hoihtaka tui a kibuak singkung dang khat beek tua tanin a sang ngei kei ding hi. Amaute leinuai-a kawkhuka a paisa mite lakah a sih ding uh sehsa ahi hi.

¹⁵"‘Hih in Thupipen TOPA gen ahi hi: Tua singkung hankhuk d[83] sungah a kikhiatsuk ni-in tuithukpite thumna tawh amah ka tuam hi; a luite ka lehluansak a, a kicing mahmah ama tuite a kang hi. Tua singkung hangin Lebanon maikhinga, gamsunga singkung khempeuh a kungkeu hi.

¹⁶Kawkhuk a paisukte tawh hankhuk-a ka khiatsuk ciangin ama pukna ging hangin minamte ka lingsak hi. Tua ciangin Eden a singkungte khempeuh Lebanon a, ahoih penpena a kitengkhiate, hoihtaka tui kibuak singkungte khempeuh leinuai-ah a kihehnem ding hi.

¹⁷Ama limnuai-a a teng minamte laka a beelte zong namsau-a kithatte tawh kipawlin han sungah a tumsuk khawm uh hi.

¹⁸"‘Eden sunga singkungte na ginatna le na thupina tawh a kiteh thei ding koipen om ahi hiam? Tua hi napi nang nangawn Eden singkungte tawh leinuai-ah hong kikhiasuk dinga; namsau-a kithat vun at lohte lakah na kisial ding hi. "‘Hih in Pharaoh le ama mipihte khempeuh ahi hi, Thupipen TOPA in cikhia hi,’ ci-in gen hi,’ hong ci hi.