Read Zokam Ezekiel 4 Bible Online

Ezekiel 4 - Zokam bible

Ezekiel 4

¹"Mihing tapa aw, tu-in leiseek pek khat la-in na mai-ah koih inla a tungah Jerusalem khuapi suai in.

²Tua ciangin a umcihna bawl in. A langah a umcihna tung in. A tungah a kawmna bawl inla a langah giahphual bawlin a kimkotah kulh khawhkhapnate koih in.

³Tua ciangin sikpek khat la inla nang le khuapi kikalah sikkulh bangin tung inla na mai tua lam ngat in. Tua pen ki-umcih dinga nang na umcih ding hi. Hih in Israel innkuan adingin lim hi ding hi.

⁴"Tua ciangin na veilam delphahin lum inla Israel innkuante mawhna nang tungah a[8] koih in. Na siklup hun tantan amaute mawhna na thuak ding hi.

⁵Amaute mawh kum zah na thuak ding ni ka seh khin hi. Tua ahi ciangin ni 390 sung Israel innkuante mawhna na thuak ding hi.

⁶Hih banga na hih na man khit ciangin na taklam delhphahin lum leuleu inla Judah innkuante mawhna thuaksak in. Ni khat ciangin kum khat a kiseh ni 40 ka sehsa ahi hi.

⁷Jerusalem ki-umna lam maingat inla na ban dawksakin a tunga thupiang ding genkhol in.

⁸Na umcih na man mateng na kihei theih loh nadingin khau-in kong hencip ding hi.

⁹"Mangbuh, mangbuh-ham, be, beli, tang le mangbuh-man la inla mekmanna kuang sungah koihin tuate anlum bawlna-in zang in. Na siklup hun ni 390 sungteng tua na ne ding hi.

¹⁰Ni khat an ding shekel b[9] sawmnih teh inla ahun ciangtanin na ne dng hi.

¹¹Tui zong hin c[10] khat sehguk suah sehkhat tehkhia inla a hun ciangtanin na dawn ding hi.

¹²Mangbuh-ham moh nek bangin an ne in; mihing ek keugaw cih inla mite muhin em in," hong ci hi.

¹³TOPA in, "Israel mite in amaute ka hawlkhiatna minamte lakah an sianglo a ne ding uh hi," hong ci hi.

¹⁴Tua ciangin, "Tua bang hi thei lo ding hi Thupipen TOPA aw! Kei le kei ka kininsak ngei kei hi. Ka neutunga kipan tu dong a sisa a kimu ahikeh gamsate thahsate ka ne ngei kei hi. Ka kam sungah sa sianglo a tumsuk nai kei hi," ka ci hi.

¹⁵Amah in, "Hoih mahmah hi, mihing ek tangin bawng ekin na anlum kong emsak ding hi," hong ci hi.

¹⁶Tua ciangin kei kiangah, "Mihing tapa aw, Jerusalem-te an ngahna ka khaktan ding hi. Mite in ciangtansa an lauthawngsa-in ne ding uh a, tui zong ciangtansa mah in lunggimpi-in a dawn ding uh hi,

¹⁷ahangin, an le tui haksa mahmah ding hi. Amaute khat le khat lauthawngsa in ki-entuah ding uh a, amaute d[11] mawh na hangin a gawngtaam ding uh hi.