Read Zokam Ezekiel 40 Bible Online

Ezekiel 40 - Zokam bible

Ezekiel 40

¹Khuapi a puk zawh a kum sawm le lina kum, sal-a hong kikaih a kum sawm nih le ngana kum kipat tung tua kha a ni sawm ni - tua ni tektekin TOPA khut ka tungah hong tunga, tua lai-ah kei hong puak hi.

²Pasian mang ka muhna ah, Israel gamah hong paipih a mual sangpi dawn khatah hong koih hi; tua mual leitaw-lam pangah khuapi tawh a kibang inn lianpipi omna khat a om hi.

³Amah in tua lai-ah kei hong tuna a mel puakzia sumngo tawh a kibang mi khat ka mu hi. Tuapa in a khutah pikhau le piciang tawi-in kongpi laizangah na ding hi.

⁴Mipa in kei kiangah, "Mihing tapa aw, na mitin en inla, na bilin za-in, kong lah dingte khempeuh limtakin thudon in, ahang in, tua dingin nang hih lai-ah hong kipuak ahi hi. Na muh khempeuh Israel innkuante tungah gen in," hong ci hi.

⁵Biakinnpi huang a umcih bikbek kulh khat ka mu hi. Mipa khuta tehna pen a sauna tong guk hi a, tong khat pen tong b[101] khat le zapek c[102] ahi hi. Amah in kulh teh a; kulh a sahna piciang khat hi-in, piciang khat mah sang hi.

⁶Tua ciangin nisuahna-lam nga kongpi ah a pai hi. Kahleite ah kahto in kongpi lutna teh a, piciang tun khat a thuk d[103] hi.

⁷Galvilte galvil bukte piciang khat sau-in, piciang khat a zai a, galvil buk khat le khat kawmna kulhte zong tong nga mah a sah hi. Biakinnpi lam nga talaap zoma kongpi vang zong piciang khat mah a thuk hi.

⁸Tua ciangin kongpi talaap a teh hi.

⁹Tua e[104] pen tong giat thukin a kongnangte tong nih a sah hi. Kongpi a talaap pen biakinnpi lam nga hi.

¹⁰Nisuahna kongpi sunglam lang tuakah galvil buk thum tuak om a; a thumin kikima a kikala kawm sahna zong a kikim hi.

¹¹Tua ciangin lutna kongpi zaina a teh hi; tua pen tong sawm hi-a tong sawm le thum a sau hi.

¹²Galvil bukte mai ciatah tong khat a sah kawm om a, a galvil bukte tongguk ningkim ahi hi.

¹³Tua ciangin galvil buk kawm nunglam ah a gala galvil buk kawm nunglam dong galdal-kulh teh a; galvilbuk khat pan a gal-a khat dong tong sawmnih le tong nga a pha hi.

¹⁴Amah in kulh tung zui-in kongpi sungnung teh a, - tong sawmguk a pha hi. A tehna pen inntual f[105] lam a nga talaap g[106] dong a teh ahi hi.

¹⁵Tumna kongpi panin a talaap mongdawn dong tong sawmnga a pha hi.

¹⁶Lutna kongpi sunglam a, kulh khuam le galvil bukte a kimkot kihonga talaap tawh a kibangin vangneu a kineisak ciat hi. Tua khuam pang khempeuh nisuh kungin kizem hi.

¹⁷Tua ciangin a pualam tualah hong paipih hi. Tua lai-ah inn dei pawlkhat le inntual kimkota suangphah ka mu a; tua suangphah kimkot ah inndei sawm thum a om hi.

¹⁸Suangphah pen kongpi khat pan kongpi khat bana kiphah hi-a, a zaina le a sauna a kikim suak hi; hih pen suangphah niamzaw ahi hi.

¹⁹Tua ciangin kongpi niamzaw pena kipan huang sungnung pen pualam dong teh a, nisuahna-lam le leilu-lam kikimin tong zakhat tuak a pha hi.

²⁰Tua ciangin amah in a pualam tual paina leilu-lam maingatin asauna a teh hi.

²¹Tua a masa kongpi mah bangin a pang kimkota galvil buk thum ciatte - a kulh khuamte le a innmengte a phacia kikim hi. Tua kongpi paina pen tong sawmnga sau-in tong sawmnih le nga a zai hi.

²²A vangte, a inn mengte, nisuh kunga zepnate, nisuahna-lam a maingat kongpi-a tawh kikim hi. Tua lampi matna kahlei cial sagih pha khat om a, tuate tawh kigalsai-ah innmeng a om hi.

²³Nisuahna-lam panga om bang tektekin leilu-lam kongpi maingatin a tual sungnung kongpi a om hi. Amah in a kigalsaipih kongpi pen tawh a kikal teh a; tong zakhat a pha hi.

²⁴Tua ciangin amah in leitaw-lam pangah hong paipih a, leitaw-lam a maingat kongpi khat ka mu hi. Amah in a kong nangte le a talaap teh a, a dangte tawh a kikim hi.

²⁵Kongpi lampi le innmeng in adangte neih mah bangin kong vangneu a nei ciat hi. Tua lampi pen tong sawmnga sau a, tong sawmnih le tong nga mah a zai hi.

²⁶Tua lampi mat nading kahlei cial sagih mah om a, tua tawh kigalsai-in innmeng a om hi; a kulh khuampang maitang khempeuh nisuh kungin kizem ciat hi.

²⁷A sungnung tual in zong leitaw-lam nga kongpi khat mah nei a, amah in tua kongpi panin leitaw-lam pang a pualam tual dong a teh hi; tong zakhat a pha hi.

²⁸Tua ciangin amah in leitaw-lam kongpi tawnin a sungnung tual ah kei hong paipih a leitaw-lam kongpi a teh hi. Tua zong adangte mah tawh kikim hi.

²⁹A galvil bukte a kulh khuamte le a innmengte adangte cia mah pha kim hi. A kongpi lampi le a innmengte in a kimkotah vangte a nei hi. Tua lampi tong sawm nga sau a, tong sawmnih le nga a zai hi.

³⁰(Tual sungnung kimkota kongpi lampi-a innmengte tong sawmnih le nga zai-in tong nga thuk hi.)

³¹A talaap tual puanung lam a nga hi; a kong nangte nisuh kungin kizema tua lampi mat nadingin kahlei cial giat a om hi.

³²Tua ciangin amah in tual sungnung nisuahna-lam pangah hong puak a, kongpi lampi a teh hi.

³³A galvil buk, a kulhkhuam le a talaapte zong a dangte mah tawh kikim hi. A kongpi lampi le talaap in a kimkotah a vangneu a nei hi. Tua lampi tong sawmnga sau a, tong sawmnih le nga a zai hi.

³⁴A talaap in tual puanung lam maingat hi. Kong nangte pang nisuh kungin kizem ciat a, lampi mat nading kahlei cial giat a om hi.

³⁵Tua ciangin leilu-lam kongpi ah kei hong paipih a, kongpi a teh hi. Tua zong adangte mah tawh kikim a,

³⁶galvil bukte, kulh khuamte le talaap zong tua mah bang hi-a a kimkot ah a vangte zong a nei hi. Tua lampi tong sawmnga sau-in tong sawmnih le nga a zai hi.

³⁷A talaap a[107] inntual puanung lam a nga hi; apang teng nisuh kungin kizem hi; tua lampi mat nadingin kahlei cial giat a om hi.

³⁸Tual sungnung pen kongpi lampi kima talaap zomah kongvang a nei meihal biaknate sawpna inndei khat a om hi.

³⁹Talaap sunga kongpi lampi lang tuakah meihal biakna, mawhna hanga biakna, le khialhna hanga biaknate gawhna sabuai nih tuak a om hi.

⁴⁰Kongpi lampi-a talaap kawm pualam, leilu-lam kongpi lampi lutna kahlei gei-ah sabuai nih om a, a kahlei lang tuakah nih mah a om hi.

⁴¹Tua ciangin kongpi lampi langkhat ah sabuai li om a, a vekin sabuai giat pha in - tuate tungah biak piaknate kigo hi.

⁴²Meihal biakna-a piak dingte semna a kiseek suang sabuai li zong a om hi. Khat ciangin tong khat le a lang sau a, tong khat le a lang mah zai-in tong khat a sang hi. Tuate tungah meihal biakna le adang biakna dingte a kigawh ciangin van zat dingte kikoih hi.

⁴³A gei kimkot tungah zapek tan asau ka li nei sikkawite kibulh hi. Tua sabuaite biakna-a kipia sate koh nading ahi hi.

⁴⁴Tual sungnung kongpi pua-ah inndei nih om a, khat leilu-lam kongpi lam pangah omin b[108] leitaw-lam a nga hi; adang khat leitaw-lam kongpi lam pangah c[109] omin leilu-lam a nga hi.

⁴⁵Amah in kei kiangah, "Leitaw-lam a nga inndei pen biakinnpi a nasem siampite ading hi a,

⁴⁶leilu-lam a nga inndei pen biakna-tau a nasem siampite ading ahi hi. Hihte pen TOPA kiang a nai thei, ama mai-ah na sem thei ding Zadok tapate - Levi-te bek ahi uh hi," hong ci hi.

⁴⁷Tua ciangin a inntual teh a: Ningkim in - tong zakhat sau in tong zakhat a zai hi. Biakinnpi mai-ah biakna-tau a om hi.

⁴⁸Amah in biakinnpi talaap ah kei hong paipih a talaap kong nangte a teh hi; a langnih tuakin tong nga a zai hi. A sunga tumna tong sawm le li zai-a a kulh khuamte d[110] apang tong thum tuak a zai hi.

⁴⁹A talaap tong sawmnih zai-a amai pan anung dong tong sawm le nih e[111] a pha hi. Tua in kahlei f[112] ciang bana kong nang pang tuakah khuampi a po hi.