Read Zokam Ezekiel 41 Bible Online

Ezekiel 41 - Zokam bible

Ezekiel 41

¹Tua ciangin mipa in mun siangtho pualam ah kei hong paipih a kong nangte a teh hi. Kong nangte pang tuak g[113] tong guk h[114] tuak a pha hi.

²A sung lutna tong sawm zai-in apang tuaka kawm tong nga a zai hi. Amah in munsiangtho puanung zong a teh hi; adung tong sawmli pha a, avai tong sawmnih a pha hi.

³Tua ciangin munsiangtho sunglam ah pai-a, asung lutna kong nangte a teh hi, khat tong nih ta a zai hi. A sung lutna kong tong guk zai-a, a sung lutna kong pang tuaka kawmte a sahna tong sagih ahi hi.

⁴Tua ciangin munsiangtho sung adung lam a teh hi; tong sawmnih pha a, munsiangtho pualam mong khat le mong khat a vailam tong sawmnih mah a pha hi. Amah in kei kiangah, "Hih in Mun Siangtho Pen ahi hi," hong ci hi.

⁵Tua ciangin biakinnpi kawm a teh hi; tong guk sah a, biakinnpi pang kimkota inndei omte tong li a zai hi.

⁶A panga inndeite dawl thum pha a, khat tungah khat kisuang-sawnin dawl khatah inndeino sawmthum a om hi. Biakinnpi sungah a nang ding phuh a kul lo dingin biakinnpi kimkota inndeite a nang dingin a kawm kimkot ah tawitawm a om suak hi.

⁷Biakinnpi kimkota inndeinote adawl sanna tawh kizui-in zai semsem hi. Biakinnpi kimkot a kilamzia a sanna tawh kizui-in a inndeite a zai semsema kilam ahi hi. A sual niampen panin a sual laita kantanin a sual sangpen dong kahlei kidawh to hi.

⁸Biakinnpi kimkot teng a lei kitawisang tuama, a kimkot-a inndeite bulpi a suak hi. Tua a sangtuam pen tehna ciang-a tehin tong guk sang hi.

⁹A panga inndeite a pualam sahna tong nga ahi hi.

¹⁰Biakinnpi kimkota inndeite le siampite inndeite kikal mun-awng tong sawmnih a zai hi.

¹¹Tua mun-awng panin a kima inndeite-a tumna leilu-lam pan khat om a, leitaw-lam panin khat a om hi; a kimkot a mun-awng tawh kizopna bulpi tong nga a zai hi.

¹²Nitumna-lam panga biakinnpi tual lam a nga innpi a vailam tong sawm sagih a zai hi. Tua innpi kimkot kawm tong nga sahin tong sawmkua a sau hi.

¹³Tua ciangin biakinnpi a teh hi; a dung tong zakhat pha a biakinnpi tual le inn kikal tong zakhat mah a pha hi.

¹⁴Nisuahna lama biakinnpi mai tawh kigawmin biakinnpi tual tong zakhat mah ahi hi.

¹⁵Tua ciangin biakinnpi nunglam, a tual lam nga-in a dunglam teh a, a pangtuaka lamneu tawh tong zakhat a pha hi. Munsiangtho pualam, mun siangtho sunglam le a inntual lam nga talaap,

¹⁶kongpite, tawhlet neute, tuate kimkota lamneu thumte - na khempeuh, a kongpi ciang dong tawh singpekin kituam khin hi. A sual, tawhlet ciang dong a kawm le tawhlet-te zong singpek in a kituam hi.

¹⁷A pualam kongpi tung dong, munsiangtho sunglam le mun siangtho asung apua a awnna mun khempeuh ah

¹⁸cherub-te le nisuh kungte kikhuak hi. Nisuh lim le cherub lim a kikal helh hi. Cherub khat in maitang nih nei a;

¹⁹mihing maitang a bang lam nisuh kung lam nga-in a pang khata nisuh kung lamah humpinelkai maitang lam a nga hi. Tuate biakinnpi kimkot ah a kikhuak suak hi.

²⁰A sual panin a kongpi tunglam dong munsiangtho pualam kawm tung khempeuh ah cherub-te le nisuh kung bekbek kikhuak hi.

²¹Munsiangtho pualam kongpi khuamte a sikkim vive hi a, Mun Siangtho Pen mailam panga tawh kibang linlian hi.

²²Tua lai-ah tong thum a sang, tong nih ningkim a[115] singpek kibawl biakna-tau khat a om hi; akiute, abul b[116] le apangte singa kibawl ahi hi. Mipa in kei kiangah, "Hih in TOPA mai-a sabuai ahi hi," hong ci hi.

²³Munsiangtho puanung le Mun Siangtho Pen in kongkhak thuap nih a nei tuak hi.

²⁴Kong khakpite khat singpek nihta-a kibawl hi a, kongpi khatah tua kongpite nih ta kithuah hi.

²⁵Tua ciangin mun siangtho puanung pen tunga kawm tunga kikhuak bangin cherub le nisuh kung kikhuak a, talaap mai lamah singpek tawh liimsun khat kibawl hi.

²⁶Talaap kawm tunga tawhlet neute a langnih ah nisuh kung lim kikhuak hi. Biakinnpi panga inndeite in zong liimsun a nei ciat uh hi.