Read Zokam Ezekiel 42 Bible Online

Ezekiel 42 - Zokam bible

Ezekiel 42

¹Tua ciangin mipa in a tual puanung pen sung leilu-lam ah hong paipih a, biakinnpi tual le leilu lam panga kawm puanung tawh kigalsaina-a inndeite omna hong tun hi.

²A kong leilu-lam nga innpi pen adung tong c[117] zakhat hi-a avai tong sawmnga ahi hi.

³A tual sungnung zaw panin alangnih tuakin tong sawmnih hi-a, apuanung tual lama suangphah tawh kigalsai-in oma adawl thumin lam neu le lam neu a kimaingat dimdiam hi.

⁴Tua inndeite mai sanah adung tong zakhat avai tong d[118] sawm a pha lampi sungnung zaw a om hi. A kongkhakte leilu lamah a om hi.

⁵A nuainung le a laita sualte sangin lamneute in munza khakzaw ahi manin a tungnungpen inndeite a neuzaw hi.

⁶Dawl thumna-a inndeite in a tualte neih bangin khuampi a nei kei hi. Tua ahi ciangin a nuainung le a laita sangin a sual toizaw hi.

⁷A puanung tual le inndeite tawh kitangin kawm puanung pen paikhawm hilhel a inndeite mai-ah om phei-in tong sawmnga mah a pha hi.

⁸Apualam inntual zoma inndei kizom diudeute adung tong sawmnga a sau mah bangin munsiangtho tawh kinai pen panga kigualte tong zakhat a sau hi.

⁹Inndei nuainungte in a pualama lutna tawh kibangin nisuahna lampang ah lutna khat a nei hi.

¹⁰Leitaw-lam pangah tual puanung e[119] pen kawm dungzui-in biakinnpi tual le a pualam tual kawm ah a kigalsai-in inndeite om a,

¹¹amai santak ah paikhiatna lampi a om hi. Hihte pen leilu-lam inndeite tawh kibang hi; adung avai kikima a phacia zong a kikim hi. Leilu lama kongkhakte

¹²leitaw lama inndeite kongkhakte tawh kibang hi. Paikhiatna lampi bulah nisuahna lampanga kawm pai pen tawh a kibangin kongkhak khat om a, tua panin inndeite ah kilut hi.

¹³Tua ciangin amah in kei kiangah, "Leilu-lam le leitaw lama biakinnpi tual lam a nga inndeite, siampite ading ahi hi. TOPA omna-a lut ding siampite in a siangthopen biaknate tua lai-ah a ne ding uh hi. Tua lai munsiangtho ahi manin an-a biakna, mawhna hanga biakna, khialhna hanga biakna-te a kipia a siangthopen biaknate tua lai-ah a koih ding uh hi.

¹⁴Hihte a siangtho ahi manin siampite tua munsiangtho ah khatvei a lut khit uh leh biakna a piak sungua a silh uh puante tua lai-ah nusia ding uh a, tua khit ciangin a puanung tualah pai thei pan ding uh hi. Mipite om nading munah a pai ma-un puan dang silh ding uh hi," hong ci hi.

¹⁵Biakinnpi sunglam pang a teh a man khit ciangin nisuahna kongpi ah hong paikhiatpih a, a kimkot khempeuh a teh hi.

¹⁶A tehna ciangin nisuahna-lam pang teh a, tong f[120] zanga a pha hi.

¹⁷Leilu-lam pang teh a, a tehna g[121] ciang in tong zanga a pha hi.

¹⁸Leitaw-lam pang teh a; a tehna ciang in tong zanga a pha hi.

¹⁹Tua ciangin nitumna-lam pang ah kihei-in teh a, a tehna cianga tehin tong zanga mah a pha hi.

²⁰Tua ciangin apang lite a phacia a teh hi. A kimkotah kawm nei-a, adung tong zanga pha-in avai tong zanga mah a pha hi. Tua pen munsiangtho le mun mawkmawk kikhenna ahi hi.