Read Zokam Ezekiel 45 Bible Online

Ezekiel 45 - Zokam bible

Ezekiel 45

¹"’Luah dinga leitang na hawm uh ciangin TOPA tungah gamkhen siangtho dingin adung tong 25,000, avai tong 20,000 b[131] a pha leitang tanh khat na pia ding uh hi. Tua huam sung peuhmah a siangtho hi ding hi.

²Hih sung pan tong 500 ningkim munsiangtho ding hi dinga a kimkot ah tong 50 mun-awng hi ding hi.

³Gamkhen siangtho sung panin adung tong 25,000 c[132] avai tong 10,000 d[133] tehkhia in. Tua mun siangtho sung tengah Mun Siangtho Pen a om ding hi.

⁴Tua mun pen TOPA mai a naih, munsiangtho a nasem siampite ading a siangtho tuam mun hi ding hi. Tua mun ah munsiangtho a nasem siampite le TOPA mai-a nasem dinga a naite a om ding uh hi.

⁵Biakinnpi sunga nasem Levi-te in khuapi sungah a ten nadingun e[134] mun aliatna adung tong 25,000, avai tong 10,000 a nei ding uh hi.

⁶" ‘Munsiangtho huam sung tawh kizomin avai tong 5,000, adung tong 25,000 munsiangtho tawh kimat dingin na pia ding uh a, tua pen Israel innkuanbup neihsa hi ding hi.

⁷" ‘Gam-ukpa in a siangtho gamkhen le khuapi tanhna mun tawh kigizawngin leitang nei ding hi. Nitumna-lam pangah nitumna-lam kigi ciang, nisuahna-lam pangah nisuahna-lam kigi ciang mah, nitumna-lam kigi le nisuahna-lam kigi kikhungkhawm hilhelin asauna lam kikim dinga minam neu khat in a tanhna dong ban ding hi.

⁸Israel-te sungah hih leitang ama neihsa hi ding hi. Tua ciangin ka gam-ukte in ka mite nengniam nawn lo dinga a tuacih tangin Israel innkuante a beh zui-in leitang a neisak dimdiam ding uh hi.

⁹" ‘Hih in Thupipen TOPA gen ahi hi: Israel gam-ukte aw, gamla tung si uh cia! Na ngongtatna uh le na mi netniamna uh khawlin thumaan thutangin na sem un. Ka mite nawlkhin nawn kei un, Thupipen TOPA in cikhia hi.

¹⁰Tehna maan, ephah a[135] maan le bath b[136] maan na zang ding uh hi.

¹¹Ephah le bath a liatna kikim dinga, bath khat ciangin homer c[137] khat sehsawm suah seh khat ta dinga; ephah khat ciangin homer khat sehsawm suah seh khat ta ding hi; a nihin homer a kiteh hituak ding hi.

¹²Shekel d[138] khat in gerah sawmnih khai ding hi. Shekel sawmnih a gawmna shekel sawmnih le nga a gawmna shekel sawm le nga ciangin mina e[139] khat tawh kikim ding hi.

¹³" ‘Hih in biakna-a na piak ding uh a tuam vilvel letsong hi a: mangbuh homer khat simin epha khat sehguk suah seh khat le mangbuh-ham homer khat simin epha khat sehguk suah seh khat ahi hi.

¹⁴Sathau piakzia ding sehna ah, bath in kiteh dinga cor khat simin (bath sawm ciangin homer khat tawh kikim ahi manin bath sawm ta ahikeh homer khat), bath khat sehsawm suah seh khat hi ding hi.

¹⁵Israel gam lohing ngi-ingeina muna kikhawi tuuhonte zanih ciangin tuu khat ta na pia ding uh hi. Hihte mite ading thoihdam nading hi-a, an-a biakna, meihal biakna le kilawmtakna biakna f[140]-a zat ding ahi hi, Thupipen TOPA in cikhia hi.

¹⁶Israel gam-ukpa zat dingin gam mite khempeuh in hih a tuam vivel piakna a pia ding uh hi.

¹⁷Israel innkuan sunga a kisehsa pawite khempeuh - meihal biakna, an-a biakna le dawntheih-a biakna pawite, Khathak pawi le Sabbath-te ah gam-ukpa in a sik ding ama tavuan ahi hi. Amah in Israel innkuante thoihdam nading mawhna hanga biakna, an-a biakna, meihal biakna le kilawmtakna biaknate a sik ding hi.

¹⁸" ‘Hih in Thupipen TOPA gen ahi hi: A kha masa a ni masapen ni-in kawkbaang lo bawngtalno khat paipihin munsiangtho na siansuah ding hi.

¹⁹Siampipa in mawhna hanga biakna sisan tawmkha la dinga biakinnpi kongkhak khuam, biakna-tau a tungnungpen kiu lite le tual sungnung kongpi khuamte nuh ding hi.

²⁰Mi khatpeuh sawm khol lopi-in mawh a, a thusim kei khak leh cihna-in tua kha a ni sagih ni-in tua mah bangin na hih ding uh hi; tua bangin biakinnpi thoihdamna na bawl ding uh hi.

²¹" ‘A kha masa sung a ni sawm le li ni-in Paisan Pawi na bawl ding uh hi; ni sagih sung sawt dinga tua sungin silngo kisawh lo anlum na ne ding uh hi.

²²Tua ni-in gam-ukpa in amah le gam mite khempeuh ading mawhna hanga biakna ding bawngtal khat a pia ding hi.

²³Tua Pawi kibawl ni sagih sung teng TOPA tungah meihal biakna dingin amah in kawkbaang lo bawngtal sagih pia dinga mawhna hanga biakna dingin keeltal khat a pia ding hi.

²⁴Amah in keeltal khatah an-a biakna dingin ephah khat le tuutal khatah ephah khat mah, ephah khat ciangin sathau hin g[141] khat a zuisak ding hi.

²⁵A kha sagihna a ni sawm le nga ni-a kipan Pawi kibawl ni sagih sungin mawhna hanga biakna, meihal biakna, an-a biakna le sathau tua zah mah a pia ding hi.