Read Zokam Ezekiel 47 Bible Online

Ezekiel 47 - Zokam bible

Ezekiel 47

¹Mipa in biakinnpi sung tumna ah kei hong paipih kik a, biakinnpi sung lutna kongpi mai pan nisuahna-lam manawha tui phulkhia ka mu hi,(biakinnpi pen nisuahna-lam a ngat hang ahi hi). Tua tui pen biakinnpi leitaw-lam, biakna-tau leitaw-lam pang pana luangsuk ahi hi.

²Tua ciangin mipa in leilu-lam kongpi tawnin hong paikhiatpih a, nisuahna-lam nga kongpi pua-ah hong paipih hi. Tua hi-a tui pen leitaw-lam pang pana luang ahi hi.

³Tehna ciang tawisa in mipa nisuahna-lam mawnawhin pai-a tui dung tong b[146] tul khat dong a teh hi; tua ciangin kei hong ngahtanpih a siakmit ciang a tum hi.

⁴Amah in tong tulkhat teh kik leuleu a, kei hong ngahpih in khuk ciang a tum hi. Tul khat teh kik lai-a kei hong ngahpih in kawng ciang a tum hi.

⁵Tul khat tehbeh leuleu a tuatak ciangin gunpi hita ahi manin kingaptan zo nawn lo hi, bang hang hiam cih leh pek khop ding zah hi a - kuama kantan zawh loh ding gunpi a suak hi.

⁶Amah in kei kiangah, "Mihing tapa aw, hih na mu hiam?" hong ci hi. Tua ciangin gun gei-ah hong paipih kik hi.

⁷Tua lai ka tun ciangin gunpang tuaka po singkung tampitak ka mu hi.

⁸Amah in kei kiangah, "Hih tui nisuahna gam lam manawhin luanga, Arabah c[147] ah luangsukin tua lai ah tuipi d[148] sungah a lut hi. Tuipi e[149] sungah a luan ciangin tua sunga tui a siang suaksak hi.

⁹Tua gun a luanna peuhpeuh ah ganhinghonte in omna-in a nei ding uh hi. Ngasa tampitak a om ding hi, bang hang hiam cih leh hih tui luang in tuipi tui-al a peengsak ding hi, tua mah bangin hih gun a luanna mun peuhpeuha nate khempeuh adingin nuntakna hi ding hi.

¹⁰Adung tengah ngabengte a ding diing uh hi; En Gedi panin En Eglaim dong len phona phual a suak ding hi. Tuipi lian f[150] tawh kibang dinga - ngasa nam tampitak a om ding hi.

¹¹Ahi hangin nawngte le bualte a siangtho tuan kei ding hi; tuate ci-al dingin a tuaci om ding hi.

¹²Gunpi pang tuakah singgah kung nam khempeuh a po ding hi. A tehte uh vul ngei lo dinga gah loh hun a nei kei ding hi. Tua tui munsiangtho panin amaute phungah luang ahi manin kha simin gah uh hi. Singahte an-in kinei dinga singtehte damna in kimang ding hi, ‘hong ci hi.

¹³Hih in Thupipen TOPA gen ahi hi: Joseph ading tanh nih le Israel beh sawm le nihte laka a luah ding uh leitang na hawm nading gamgite hihte ahi hi.

¹⁴Amaute lakah a kikim dimdiamin na hawm ding hi. Bang hang hiam cih leh keimah in ka khut laamto in na pute uh tunga ka ciamsa hi-a, hih leitang na luah ding uh ahi hi.

¹⁵" Hih in leitang kigi hi ding hi: "Leilu-lam pangah Tuipi Lian pan kikhungin Hethlon lampi zui-a Lebo g[151] Hamath ah Zedad dong,

¹⁶Berothah h[152] le Sibraim (tua pen Damascus le Hamath kikal gamgi a om), Hauran gamgi a om Hazer Hatticon dong ban ding hi.

¹⁷Tuipi panin Hazar Enan a[153] dong gamgi kikhungin Damascus gamgi saklam dongah pai-in leilu lamah Hamath gamgi a man ding hi. Hih in leilu lam gamgi ahi hi.

¹⁸" Nisuahna-lam pang gamgi pen Hauran le Damascus kikalah pai dinga Jordan dung zui-in Israel gam le Gilea b[154] kikal tawnin nisuahna tuipi ah Tamard dong a ban ding hi. Hih in nisuahna lam gamgi ahi hi.

¹⁹"Leitaw lam pangah Tamar pan kipan dinga Meribah Kadesh dong banin tua ciangin Egypt Wadi dungah Tuipi Lian a sun ding hi. Hih in leitaw-lam gamgi ahi hi.

²⁰" Nitumna-lam pangah Tuipi Lian gamgi suaka Lebo c[155] Hamath mun tawh a kigalsai ciang lian ahi hi. Hih in nitumna-lam gamgi ahi hi.

²¹"Nang in Israel behte zui-in na hawm ding hi.

²²Note le note laka hong pemte le a tate uh adingin na luah na ngak ding uh, na tanh ding uh ahi hi. Note in note laka hong pemte Israel behte laka a luah ding na piakte uh Israel mi taktak mah in na sim ding uh hi.

²³Note kiangah bang beh bang beh hong lal zongin a luah ding uh na pia ding uh hi," kong ci hi, Thupipen TOPA in cikhia hi.