Read Zokam Hosea 12 Bible Online

Hosea 12 - Zokam bible

Hosea 12

¹Ephraim huihin kivak hi; sun nilohin nisuahna huih nungdelh a, zuauthu le ngongtatna behlap hi. Amah le Assyria in thukimna bawl uh a, Egypt ah olive thau a khak hi.

²TOPA in Judah langah mawhsakna khat puak hi; ama lampite tawh kizui-in Jacob d[34] dan tuaksak ding a, ama gamtatnasa tawh kizui-in a thuk kik ding hi.

³Amah in naubu sungah a sanggampa’ khetul man hi; mi khat bangin Pasian a lai hi.

⁴Vansawltak tawh kilai-a, a zo hi; amah kapin a angvan ding a ngen hi. Amah’n Bethel ah amah mu-a, tua lai-ah amah hopih hi -

⁵Thahatpen TOPA Pasian ama min TOPA in kithei hi!

⁶Ahi hangin Pasian kiangah note na kihei pelmawh ding uh hi; itna le thutangin zom unla, a tawntungin note Pasian ngak un.

⁷Sumbukpa in tehna maan lo zang hi; a maan lo-a sumngah nuamsa hi.

⁸Ephraim kiphasak a, "Ka hau mahmah hi; mihau ka suak zo hi. Ka hauhnate khempeuh hangin amaute in kei sungah khialhna lian le mawhna khat peuhpeuh a mu kei ding uh hi," a ci hi.

⁹"Keimah in Egypt pan a[35] note hong paikhiatpih TOPA note Pasian ka hi hi; a kisehsa na pawi nite uh mah bangin note puanbuk ah kong tengsak kik ding hi.

¹⁰Kamsangte hopih in, mangmuhna tampi ka musak a, tuate tawnin gentehnate ka gen hi.

¹¹Gilead gilo ahi hiam? A mite in man nei lo uh hi! Gilgal ah amaute in biakna-in bawngtalte a pia uh hiam? Amau biakna-taute a kikhosa lo sunga suang kiciang tawh kibang ding hi.

¹²Aram b[36] gamah Jacob tai hi; Israel in zi thalawhin na sem a, tuanu man dingin tuu a cing hi.

¹³Egypt pan Israel a paikhiatpih to dingin TOPA in kamsang khat zang hi; kamsang khat zangin amah a kem hi.

¹⁴Ahi hangin Ephraim in amah nasiatakin hehsak hi; a Topa in a luansak sisan hanga mawhna ama tungah nusiat dinga, a simmawhna a thuk kik ding hi.