Read Zokam Hosea 2 Bible Online

Hosea 2 - Zokam bible

Hosea 2

¹" Na sanggampate,’Ka mite,’ na sanggamnute, ‘Ka itte,’ ci in.

²"Na nu ka zi hilo a, keimah a pasal hi lo ka hi manin na nu tai inla, amah tai in. A maitang panin a kizuak mithah le, a nawite gel kikala a muanhuai lohna paikhia hen.

³Tua hi kei leh a guaktangin ka hawkkhia dinga a suah ni-a bangin a guaktangin ka omsak ding hi; sehnel-gam bangin ka bawl dinga gam simtham suaksakin dangtakin ka sisak ding hi.

⁴A tate angkawmna tate ahi manin tuanu tate tungah ka itna ka lak kei ding hi.

⁵Amaute’ nu muanhuai lo a, amaute maimawlsa-in a paii ahi hi. Amah in, ‘Ka an le ka tui ka samul puan le ka saihadial puan, ka sathau ding le ka dawn ding hong pia ka lawmpate nungah ka pai ding hi,’ ci hi.

⁶Tua ahi ciangin tuanu lampi ling ka khaktansak ding hi; lampi a muh loh nadingin kulh ka ciankhum ding hi.

⁷Amah in a lawmpate a nungdelh hangin a pha zo kei ding hi; amaute a zon hangin a mu zo kei ding hi. Tua ciangin tuanu in, ‘a cil lai-a bangin ka pasal kiangah ka ciah kik ding hi, tua hun lai-in tu hun sangin ka nuamsa zaw tham hi,’ ci hi.

⁸Keimah in tuanu, an, zuthak le sathaute pia-in, amaute in Baal adingin a zat uh ngun le khamte a pia ziahziah pa ka hilam amah in hong thei lo hi.

⁹‘Tua ahi ciangin ka an a min ciang le ka zuthak a mansa-a a om ciangin ka lakhiamang ding hi. A guaktang hihna a selna samul puan le saihadial puante ka la kik ding hi.

¹⁰Tua ahi ciangin tu-in ama lawmpate muhna ah tuanu huukna ka pholaak ding hi; kuamah in ka khut panin a lakhia kei ding hi.

¹¹A pawi bawlnate khempeuh: a kumsim pawibawlnate, a Kha Thakte, a Sabbath nite-a kisehsa pawi bawlnate khempeuh ka khawlsak ding hi.

¹²Tuanu in, ‘Ka lawmpate tungpana ka thaman ka sang hi,’ a cih a lengguite le a theikungte ka siasak ding hi; tuate sawlpang lak suaksakin, gamsa gilote in a valhtum ding uh hi.

¹³Baal-te tungah gimnamtui a hal nite hangin ding hi. tuanu dan ka tuaksak ding hi; tuanu zungbuhte le suangmanpha tawh kizem a, ding hi. a lawmpate nungah pai-a ahi hangin kei hong mangngilh hi," TOPA in cikhia hi.

¹⁴"Tua ahi ciangin keimah in tu-in tuanu ka zol ding hi; sehnel-gam ah paipihin damtakin amah ka hopih ding hi.

¹⁵Tua lai-ah a lenggui lote ka pia kik dinga, Achor a[4] Kuampi pen lametna kongpi ka suaksak ding hi. Tualai ah amah in a khangmoi lai bang le Egypt pana a paikhiat toh lai bangin la a sa b[5] ding hi.

¹⁶Tua ni ciangin keimah, ‘ka pasal nong ci dinga, ‘ka topa c[6] nong ci nawn kei ding hi,’ TOPA in cikhia hi.

¹⁷Tuanu muk panin Baal-te minte ka hemkhia dinga, amaute min a kilo kha nawn kei ding hi.

¹⁸Tua ni ciangin amaute adingin gam sunga gamsate, huih laka vasate le leithama bokvak ganhingte tawh thukhun khat ka bawl ding hi. Mi khempeuh lung muangin a lup hithiat theih nadingun leitung panin thal, namsau le gal ka beisak ding hi.

¹⁹Keimah in ka zi ahi den dingin kong khaam dinga; thumaan thutangin d[7] itna le khuatuahna tawh e[8] kong khaam ding hi.

²⁰Muanhuaina tawh nang kong khaam dinga TOPA na thei ding hi.

²¹‘Tua ni-in keimah in kong dawng ding hi," TOPA in cikhia a, vante ka dawng dinga amaute in leitungah hong dawng ding uh hi;

²²tua hi-a, leitung in an, zuthak le sathau in dawng dinga, amaute in Jezreel f[9] dawng ding uh hi.

²³Kei ma adingin amaute leitungah ka suan ding hi; ‘Ka itpa hi kei,’ g[10] ka cihpa ka itna ka lak ding hi. ‘Ka mi hi kei,’ h[11] ka cihte, ‘ka mi na hi uh hi,’ ka ci dinga, amaute in, ‘Nang ka Pasian na hi hi,’ hong ci ding uh hi,’ " a ci hi.