Read Zokam Hosea 3 Bible Online

Hosea 3 - Zokam bible

Hosea 3

¹TOPA in kei kiangah, "Pai inla na zi midang khat tawh ki-it in numei paktat ahi zongin na itna lak kik in. Amaute in pasian dangte lamah kihei-in a siangtho lenggah-mohte a it uh hangin TOPA in Israel-te a it bangin nang zong tuanu it in," hong ci hi.

²Tua ciangin amah ngun shekel sawm le nga i[12] le mangbuh-ham homer khat le lethek j[13] khatin ka lei hi.

³Tua ciangin tua nu kiangah, "Kei tawh k[14] nitampi sung nong teng khawm dinga; kizuak nawn peuhmah loin, mi khatpeuh tawh l[15] zong om khawm loin kei nang tawh kong om ding hi,’ ci-in ka gen hi.

⁴Bang hang hiam cih leh Israel-te kumpi lo, gam-ukte lo, biakna pia lo, a siangtho suang lo, siampipuan lo, milim loin ni tampi a nungta ding uh hi.

⁵Tua khit ciangin Israel-te kihei kik ding uh a, TOPA amaute Pasian le a kumpi uh David a zong ding uh hi. Nitawp ni ciangin amaute TOPA le a thuphate zuanin ling kawmin hong pai ding uh hi.