Read Zokam Hosea 9 Bible Online

Hosea 9 - Zokam bible

Hosea 9

¹Israel aw, lungnuam kei in; minam dangte bangin kipak kei in. Ahang in, na Pasian tungah na muanhuai kei hi; ancilna phual citengah kizuakna thaman na iplah hi.

²Ancilnate le lengtuisuknate in mihing vak lo ding hi; tuate zuthak tawh kilawi ding hi.

³TOPA’ leitangah amaute a omden kei ding uh hi; Egypt ah Ephraim kileh kik dinga, Assyria ah an sianglo a[25] a ne ding uh hi.

⁴Amaute in TOPA tungah biakina-in zu sung lo ding uh a, amau biaknate un zong amah a lungkimsak kei ding hi. Tua bang biaknate pen amaute tungah a thum mite anlum tawh kibang ding hi; tuate a ne khempeuh a nin suak ding uh hi. Hih an amaute ading bek hi a, TOPA biakinnpi sung a tung kei ding hi.

⁵A kisehsa pawi nite le TOPA pawi nite-in bang hih ding na hi uh hiam?

⁶Amaute kisiatna pan a suahtak uh leh zong, Egypt in amaute khawm dinga, Memphis in amaute a vui ding hi. Amaute gou ahi ngunte thanglingte in tuam ding a, a puanbukte uh lingkung in a tuum ding hi.

⁷Dan thuak ding hun tungta a, gutut kik hun nai mahmah ta hi. Israel in hih thu thei ta hen. Na mawhnate tam lua-in, na migalneihna lian lua ahi manin, kamsangte a hai-in ngaihsunin huumuap mipa a lungsim kicing loin ki ngaihsun hi.

⁸Tua kamsangpa, ka Pasian tawh Ephraim b[26] galvilpa ahi hi; tua hi napi a lampi tengah thang kisiah a, ama Pasian inn sungah kigalneihna a om hi;

⁹Gibeah hun bangin kisiatna sungah amaute thukpi a tumsuk khin uh hi. Pasian in amau gitlohnate ciamtehin, amau mawhnate hangin dan a tuaksak ding hi.

¹⁰"Israel ka muh ciangin sehnel-gama kimu lengguite tawh kibang hi; na pate ka muh ciangin theikunga a gah masa muh tawh kibang hi. Ahi hangin amaute Baal Peor ah a pai uh ciangin a zumhuai tua milim ah ki-ap uh a, amaute in a iplah uh na bangin a siahuai uh hi.

¹¹Ephraim minthanna vasa bangin lengmang dinga, - nausuak, naupaii, a gai kuamah a om kei hi.

¹²A tate uh khoi ta le uh, amaute khempeuh ka khansihsak ding hi. Amaute ka lehngatsan ciangin gimna thuak nak thuak na un cia!

¹³Tyre bangin Ephraim ka mu khin a, mun nuam ah kisuan khin hi. Ahi hangin Ephraim in a tate uh a that dingte tungah piakhia ding uh hi," a ci hi.

¹⁴TOPA aw, amaute pia in - amaute bang pia ding na hi hiam? Amaute tatolh sul le a zukang nawi pia in.

¹⁵"Gilgal a, a gitlohnate khempeuh uh hangin tua lai-ah amaute ka mudah hi. Amaute mawhna a gamtatna uh hangin keima inn panin ka nawhkhia ding hi. Amaute ka it nawn kei ding hi; a makaite khempeuh uh a lehdote ahi uh hi.

¹⁶Ephraim maiibuak a, a zung keugawin amaute gah lo uh hi. Amaute in ta a nei uh zongin tua amau it luat suanlekhak te ka thatlum ding hi."

¹⁷Amaute in ama thu mang lo uh ahi manin, ka Pasian in amaute nial hi; minamte lakah mi vakvaite hi ding uh hi.