Read Zokam Amos 4 Bible Online

Amos 4 - Zokam bible

Amos 4

¹No Samaria Vum a Bashan bawngpite, mizawngte a nengniam no numeite, a cimawhte a sugawpgawpte aw, hih thu za unla na pasalte uh tungah, "Ka dawn ding khat hong pia un," ci-in gen un.

²Thupipen TOPA ama siangthona tawh kiciam khin a: "Note sikkawi a hong kikaihkhiat hun hong tung taktak dinga, a tawpna ah ngasa thanga awk na bang ding uh hi.

³No omna kulh vang zui-in na pai ding uh a, Harmon lamah note hong kikaikhia ding hi," b[12] TOPA in cikhia hi.

⁴"Bethel ah pai-in va mawh un; Gilgal ah pai-in mawhna bawlbeh un. Zingsang simin biakna va pia unla, kum thum sialin c[13] sawma khat va pia un.

⁵Lungdamkoh biakna-in silngo kisawh anlum halin utthu-a biakna va kisialhpih un - no Israel-te in tuate kisialhpih un. ahang in, na sepnop pen uh tua ahi hi," Thupipen TOPA in cikhia hi.

⁶"Na khuapi lian tenguah kong gilkialsak a, d[14] khuapi tengah anlum kisamin kong koih hangin kei lamah nong kihei tuan kei uh hi," TOPA in cikhia hi.

⁷An lak ding khathum in a sap laitakin guah ka haang hi. Khuapi khatah guah zusakin adang khatah guah ka haang hi. Lo khatah guah zu-in adang khatah zu loin a keucip hi.

⁸Mite dangkeusa-in, tui zong dingin khua khat pan khua khatah pai uh a, a dangtak phat nading khopin tui a ngah zo kei uh hi; tua hi napi kei lamah hong kihei tuan lo uh hi," TOPA in cikhia hi.

⁹"Na huante uh le na lenggui lote uh tam veipi ka siasak khina, tuate maiibuaksakin ka cinghteeksak hi. Na theikungte uh le olive kungte kauphe in kheuhsiang napi, kei lamah nong kihei tuan kei uh hi," TOPA in cikhia hi.

¹⁰"Egypt gama ka tunsak bangin note lakah gimna ka tungsak hi. Na khangmoite uh namsau in ka that a, na sakol matte uh zong kong hawlmangsak hi. Na giahphual uih uh na nak uh ka huksak hangin kei lamah nong kihei tuan kei uh hi," TOPA in cikhia hi.

¹¹"Sodom le Gomorrah ka a[15] suksiat bangin note pawlkhat kong susia hi. Meikhuka geukang kuang lai tetkhiat bang na hih napi un, kei lamah nong kihei tuan kei uh hi," TOPA in cikhia hi.

¹²"Tua ahi manin Israel aw, hih in nang tunga ka bawl ding ahi hi; Israel aw, nang tungah hih hong bawl ding ka hi manin na Pasian tawh kimaituah dingin kigingkhol in,"

¹³Mualte bawlin huihte piangsaka ama ngaihsutna mite tungah a pulakpa, nisuak tung khuamial suaksaka leitungah a niam a sang a bawlpa - ama min TOPA Thahatpen Pasian, ahi hi.