Read Zokam Misimna 32 Bible Online

Misimna 32 - Zokam bible

Misimna 32

¹Reuben-te le Gad-te in ganhon tampi le tuu le keel hon tampi nei uh a, Jazer le Gilead leitangte gankhawi nadingin a hoih lam a mu uh hi.

²Mipi makaite kiangah Moses le siampi Eleazar-te pai uh a,

³"Ataroth, Dibon, Jazel, Nimrah, Heshbon, Elealeh, Sebam, Nebo le Beon -

⁴Israel-te maiah TOPA in a suksiat gamte - gan khawi nadingin hoih a, ko na nasemte in gan ka nei uh hi.

⁵Kote in na maipha ka ngah uh leh hih gamte ko tanh dingin na nasemte hong pia in. Kote Jordan-gal hong kahsak kei in," a ci uh hi.

⁶Moses in Reuben-te le Gad-te kiangah, "No hih lai-ah tu-in na gamsung mite uh galsim dingin kuan ding ahi hiam?

⁷Bang hangin TOPA in amaute a piaksa gamah Israel-te a pai ding uh lungkiasak na hi uh hiam?

⁸Kadesh Barnea pana na pate uh ka sawl lai-in amaute in zong hih mah ci uh hi:

⁹Eshcol Kuam tungto-in a gam a galet uh ciangin TOPA in amaute a piaksa gama a lut ding Israel-te a lungkiasak uh hi.

¹⁰Tua ni-in TOPA a hehsuaka hih ci-in tomlo in,

¹¹‘Amaute in a lungsimtakpi uh tawh hong zui lo uh ahi manin Egypt pana paikhia kum sawmnih pan a tungsiah a phasa khat beek in, Abraham, Isaac le Jacob tungah kiciama ka khapsa gam -

¹²Kenez mi Jephunneh tapa Caleb le Nun tapa Joshua-te longal in a mu kei ding hi, ahang in, amaute gel in a lungsim takpi un TOPA a zui uh hi,’ ci-in a kiciam hi.

¹³Israel tungah TOPA heh lua a, ama muhna-a sia-a gamta khang khat bup a beisiang mateng kum sawmli sung sehnel gamah a vialvaksak hi.

¹⁴"Tu-in note hih lai-ah na pate uh munah dingin a dahhuai mawhnei suakin Israel-te tungah TOPA na hehsakzaw lai ding uh hi.

¹⁵Amah na zuih nawn kei uh leh hih mite khempeuh sehnel gamah nusia leuleu dinga, amaute kisiatna no hang hi ding hi," a ci hi.

¹⁶Tua ciangin amaute a kiangah pai-in, "Kote in ka ganhingte uh adingin gankhawk le ka numei ka naupangte uh adingin khuapi ka sat nuam uh hi.

¹⁷Ahi hangin ko le ko galvan tawh kithawi-in Israel-te mai-ah pai-in amau mun ding uh a tun mateng ka puak ding uh hi. Tua hun sung teng ka numei ka naupangte uh a kidal nadingun khuapite kulhin a ki-um ding kisam hi.

¹⁸Israel mi peuhmah in amau gouluah ding a ngah mateng in ka inn uah ka ciah kei ding uh hi.

¹⁹Jordan galkhat lam peuhmah ah amau tawh luahkhawm ding bangmah ka ngah kei ding uh hi; bang hang hiam cih leh Jordan nisuahna lam teng ko luah ding hi zo hi," a ci uh hi.

²⁰Tua ciangin Moses in amaute kiangah, "Note in hih na sep ding uh leh - galsim dingin TOPA mai-ah galhiam tawh na kithawi uh leh

²¹a mai-ah galte a nawhkhiat mateng galhiam tawh kithawisa-in TOPA mai-ah Jordan kantan-a na pai uh leh -

²²tua ciangin TOPA mai-ah leitang a kipiak ciangin TOPA tung le Israel-te tungah na hih ding teng uh a zo suakin note omna-ah na ciah thei pan ding uh hi. Tuateh TOPA mai-ah hih leitang no neihsa hi ding hi.

²³"Ahi hangin na hih zawh kei uh leh TOPA tungah a mawh na suak ding uh a, na mawhna un nomau mah hong pholak ding hi.

²⁴Na numei naupangte uh om nading khuapi lamin, na ganhonte uh om nading gankhawk bawl unla, na kamciamsa bangun zong sem un," a ci hi.

²⁵Gad-te le Reuben-te in Moses kiangah, "Ka topa un nong thupiak bangin nangma nasemte in ka sem ding uh hi.

²⁶Ka naupangte uh le ka zite uh, ka tuuhonte uh le ka ganhonte uh hih Gilead khuapi ah a na om ding uh hi.

²⁷Ahi hangin gal sim dinga kithawisa na nasem pasal peuhmah kote topa in nong gen bang tektekin galdo dingin TOPA mai-ah ka galkah ding uh hi," a ci uh hi.

²⁸Tua ciangin Moses in siampi Eleazar le Nun tapa Joshua le Israel bawng’ innkuan lutangte tungah amaute thu tawh kisai-in thu a pia hi.

²⁹Amah in amaute kiangah, "Gad-te le Reuben-te galsim dinga kithawisa-in TOPA mai-ah gam hong lakpih uh ciangin Gilead gam amau neih dingin pia un.

³⁰Ahi hangin galhiam tawi loin hong kantan kei uh leh zong note tawh Canaan a nei khawm veve ding uh hi," a ci hi.

³¹Gad-te le Reuben-te in, "TOPA gensa bangin na nasemte in ka hih ding uh hi.

³²Galhiam tawisa in TOPA mai-ah, Canaan ah ka pai ding uh a, ahi hangin ka luah ding uh nate Jordan hihlam galah a om ding hi," ci-in a dawng uh hi.

³³Tua ciangin Moses in Gad-te, Reuben-te le Joseph tapa Manasseh bawng’langte tungah kumpi Sihon kumpi-gam Amor-te pia a, Og kumpi-gam Bashan kumpipa - a gambup tawh a sunga khuapite le a kimkot a gamgite tawh a pia hi.

³⁴Gad-te in Dibon, Ataroth, Aroer,

³⁵Atroth Shophan Jazer, Jog bawng’ah,

³⁶Beth Nimrah le Beth Haran kulha ki-um khuapi in lam uh a, a ganhonte uh om nading gankhawk a bawl uh hi.

³⁷Tuateh Reuben-te Heshbon, Elealeh le Kiriathaim,

³⁸tuate tawh kibangin Nebo le Baal Meon (hih minte kilaih khin)le Sibmah-te a lampha uh hi. A lamphat uh khuapite min a phuak uh hi.

³⁹Manasseh tapa Makir suante Gilead ah pai uh a, tua lai-a om Amor-te hawlkhia in a la uh hi.

⁴⁰Tua ciangin Moses in Manasseh suante ahi Makir-te Gilead pia-a, amaute tua lai-ah a teng uh hi.

⁴¹Manasseh suan khat ahi Jair in a khuapi neute la a tuate Havvoth Jair a a phuak hi.

⁴²Tuateh Nobah in Kenath le a kimkot a khuapi neute la a, ama min puasakin Nobah a phuak hi.