Read Zokam Misimna 33 Bible Online

Misimna 33 - Zokam bible

Misimna 33

¹Moses le Aaron in Israel-te makaihin Egypt pan a honhonin paikhia-a a khualzinna munte uh hihte ahi hi.

²TOPA thupiak zui-in Moses in a khualzinna mun uh a ciamteh hi. Hihte in a khualzinna munte uh ahi hi:

³Paisan ni khit a kha masapen a nisawm le nga ni-in Rameses panin Israel-te kipankhia uh hi. Egypt mi khempeuh muhin amaute hang takin paikhia uh hi;

⁴TOPA in amaute pasiante tungah thu khen ahi manin, amaute lakah TOPA in asatlup a tapa upapente uh a vuikhin ahi uh hi.

⁵Israel-te in Rameses nusia-in Succoth ah giahphual sat uh hi.

⁶Amaute in Succoth nusia-in sehnel-gam nawl Etham ah giahphual sat uh hi.

⁷Amaute in Etham nusia-in Pi Hahiroth lamah kileh kikin Baal Zephon nisuahna lamah pai uh a Migdol kiangah giahphual sat uh hi.

⁸Amaute in Pi Hahiroth b nusia-in tuipi kantanin sehnel-gam ah pai uh a, Etham Sehnel-gam ah ni thum sung a pai khit uh ciangin Marah ah giahphual sat uh hi.

⁹Amaute in Marah nusia uh a, tuinak sawm le nih le nisuh kung sawm sagih a omna Elim ah giahphual sat uh hi.

¹⁰Amaute in Elim nusia-in Tuipi San c gei-ah giahphual sat uh hi.

¹¹Amaute in Tuipi San nusia-in Sin Sehnel-gam ah giahphual sat uh hi.

¹²Amaute in Sin Sehnel-gam nusia-in Dophkah ah giahphual sat uh hi.

¹³Amaute in Dophkah nusia-in Alush ah giahphual sat uh hi.

¹⁴Amaute in Alush nusia-in mite dawn ding tui om lohna mun Rephidim ah giahphual sat uh hi.

¹⁵Amaute in Rephidim nusia-in Sinai Sehnel-gam sungah giahphual sat uh hi.

¹⁶Amaute in Sinai Sehnel-gam nusia-in Kibroth Hattaavah ah giahphual sat uh hi.

¹⁷Amaute in Kibroth Hattaavah nusia-in Hazeroth ah giahphual sat uh hi.

¹⁸Amaute in Hazeroth nusia-in Rithmah ah giahphual sat uh hi.

¹⁹Amaute in Rithmah nusia-in Rimmon Perez ah giahphual sat uh hi.

²⁰Amaute in Rimmon Perez nusia-in Libnah ah giahphual sat uh hi.

²¹Amaute in Libnah nusia-in Rissah ah giahphual sat uh hi.

²²Amaute in Rissah nusia-in Kehelathah ah giahphual sat uh hi.

²³Amaute in Kehelathah nusia-in Shepher Vum ah giahphual sat uh hi.

²⁴Amaute in Shepher Vum nusia-in Haradah ah giahphual sat uh hi.

²⁵Amaute in Haradah nusia-in Makheloth ah giahphual sat uh hi.

²⁶Amaute in Makheloth nusia-in Tahath ah giahphual sat uh hi.

²⁷Amaute in Tahath nusia-in Terah ah giahphual sat uh hi.

²⁸Amaute in Terah nusia-in Mithcah ah giahphual sat uh hi.

²⁹Amaute in Mithcah nusia-in Hashmonah ah giahphual sat uh hi.

³⁰Amaute in Hashmonah nusia-in Moseroth ah giahphual sat uh hi.

³¹Amaute in Moseroth nusia-in Bene Jaakan ah giahphual sat uh hi.

³²Amaute in Bene Jaakan nusia-in Hor Haggidgad ah giahphual sat uh hi.

³³Amaute in Hor Haggidgad nusia-in Jotbathah ah giahphual sat uh hi.

³⁴Amaute in Jotbathah nusia-in Abronah ah giahphual sat uh hi.

³⁵Amaute in Abronah nusia-in Ezion Geber ah giahphual sat uh hi.

³⁶Amaute in Ezion Geber nusia-in Zin Sehnel-gam sunga Kadesh ah giahphual sat uh hi.

³⁷Amaute in Kadesh nusia uh a, Edom gamgi tunga Hor Vum ah giahphual sat uh hi.

³⁸Israel-te Egypt pana a paikhiat zawh uh a kum sawmlina a kha ngana a ni masapen ni-in TOPA thupiakna mun Hor Vum tungah siampi Aaron paito a, tua lai-ah a si hi.

³⁹Hor Vum tungah Aaron a sihin a khan kum zakhat le sawmnih le li a pha hi.

⁴⁰Canaan gam Negev a teng Canaan mi Arad kumpipa in Israel-te a paina thu a za hi.

⁴¹Amaute in Hor Vum nusia-in Zalmonah ah giahphual sat uh hi.

⁴²Amaute in Zalmonah nusia-in Punon ah giahphual sat uh hi.

⁴³Amaute in Punon nusia-in Oboth ah giahphual sat uh hi.

⁴⁴Amaute in Oboth nusia-in Moab gamgi tunga Iye Abarim ah giahphual sat uh hi.

⁴⁵Amaute in Iyim a nusia-in Dibon Gad ah giahphual sat uh hi.

⁴⁶Amaute in Dibon Gad nusia-in Almon Diblathaim ah giahphual sat uh hi.

⁴⁷Amaute in Almon Diblathaim nusia-in Nebo kianga Abarim mualte kawmah giahphual sat uh hi.

⁴⁸Amaute in Abarim mualte nusia-in Jericho b pana Jordan kantanna gei Moab zanglei ah giahphual sat uh hi.

⁴⁹Beth Jeshimoth panin Abel Shittim dong Jordan gun dung Moab zanglei tung tengah giahphual sat uh hi.

⁵⁰Jericho pana kantanna Jordan gun dung zangleite ah TOPA in Moses kiangah,

⁵¹"Israel-te hopih inla amaute kiangah, ‘Jordan kantanin Canaan na lut uh ciangin

⁵²tua gama teng note mai-a mite khempeuh hawlkhia un. Amaute suih milimte le a milim sunte uh, a munsangte uh phiatmang un.

⁵³Note neih dinga kong piak ahi manin leitangte tang unla teng un.

⁵⁴No bawng’ tawh kizui-in aisanin leitang hawm un. A mi tamzaw a lianzaw ngahsakin a tawmzaw a neuzaw ngahsak un. Aisanna-a a ngah bangbang uh a tang ding uh hi. Na pu na pate uh bawng’ tawh kizui-in na luah ding uh hi.

⁵⁵"Tua gama teng mite na hawlkhiat kei uh leh a om dinga na phal uh tua mite, note mit ah thaltang-ha le note pangah thangling suak ding uh hi. Note tenna gamah amaute in hong lauthawngsak ding uh hi.

⁵⁶Tua hun ciangin amaute tunga hih ding ka sawmte no tungah ka hih ding hi, ci-in gen in," a ci hi.