Read Zokam Misimna 34 Bible Online

Misimna 34 - Zokam bible

Misimna 34

¹TOPA in Moses tungah,

²"Israel-te thu pia inla, amaute kiangah, ‘Note luah dinga hong kipia Canaan gamah na lut uh ciangin hih bangin gamgi na nei ding uh hi.

³"‘Na leitaw-lam pang uh Edom gamgi dunga Zin Sehnel-gam khenkhat a kihel ding hi. A nisuahna lam ah na leitaw-lam gamgi uh Ci Tuipi c mong panin kipan dinga,

⁴Mom-ai d Cianggek leitaw-lam kantanin Zin dong kizomsuakin Kadesh Barnea leitaw lamah a pai ding hi. Tua ciangin Hazar Addar ah pai-in Azmon dong kizomsuakin

⁵tua lai-ah Egypt Wadi zomin Tuipi e a mong hi ding hi.

⁶"‘Na nitumna-lam gamgi uh Tuipi Lian gei dungdung hi ding hi. Hih in nitumna lama na gamgi uh hi ding hi.

⁷"‘Leilu lama na gamgi uh Tuipi Lian pan Hor Vum dong,

⁸Hor Vum pan Lebo f Hamath dong kikhung ding hi. Tua ciangin Zedad dong gamgi pai dinga

⁹Ziphron dong kizomin a mong Hazar Enan hi ding hi. Hih in leilu lama na gamgi ding uh ahi hi.

¹⁰"‘Nisuahna lama na gamgi ding uh, Hazar Enan panin Shepham dong kikhung ding hi.

¹¹Shepham pen Riblah dong Ain nisuahna-lam pangah paisuk dinga Kinnereth g Tuipi nisuahna-lam dungah sawi zopsuk ding hi.

¹²Tua ciangin gamgi Jordan dungah paisukin Ci Tuipi a mong hi ding hi. "‘Hih gamgi huamkhak sung teng no gam ding ahi hi,’ ci-in gen in," a ci hi.

¹³Moses in Israel-te kiangah, "Hih leitang a luah dingte aisan un. TOPA in beh kua le a langte piak dinga thu a piaksa ahi hi,

¹⁴bang hang hiam cih leh Reuben-te beh le a innkuante, Gad-te beh le Manasseh-te beh alangte in amau luah ding ngah khin uh hi.

¹⁵Hih beh nih le a langte in Jericho a a Jordan nisuahna lampang, nisuah-khiatna mun lam a luah dingun ngah khin uh hi," ci-in thu a pia hi.

¹⁶TOPA in Moses kiangah,

¹⁷"Hihte in note luah ding gam hong hawmsak dingte min ahi hi: Siampi Eleazer le Nun tapa Joshua.

¹⁸Gam hawm huh dingin beh khat panin makai khat na sehkhia ding uh hi.

¹⁹Amau minte in: Judah beh panin, Jephunneh tapa Caleb;

²⁰Simeon beh panin, Ammihud tapa Shenuel;

²¹Benjamin beh panin, Kislon tapa Elidad;

²²Dan beh panin, a makai Jogli tapa Bukki;

²³Joseph tapa Manasseh beh panin, a makai Ephod tapa Hanniel;

²⁴Joseph tapa Ephraim beh panin a makai Shiphtan tapa Kemuel;

²⁵Jebulun beh panin a makai Parnach tapa Elizaphan;

²⁶Issachar beh panin, a makai Azzan tapa Patiel;

²⁷Asher beh panin, a makai Shelomi tapa Ahihud;

²⁸Naphtali beh panin, a makai Ammihud tapa Pedahel," te ahi uh hi.

²⁹Canaan gama luah ding leitang hawm dinga TOPA thupiaksate hih mite ahi uh hi.