Read Zokam Misimna 5 Bible Online

Misimna 5 - Zokam bible

Misimna 5

¹TOPA in Moses tungah,

²"Isreal-te a kilawh thei vun natna a a vei, ahikeh tuipawt namkim ahikeh misi hanga a sianglo-a kiseh peuhmah giahphual pua-ah a hawlkhiat dingun thu pia in.

³Numei le pasal a kibangin hawlkhia in. Amaute laka ka tenna amau giahphual a buahsak loh nadingun amaute giahphual pua-ah hawlkhiasak in," a ci hi.

⁴Israel mite in a hih uh hi; amaute in giahphual pua-ah a hawlkhia uh hi. TOPA in Moses a lamlah bang tektekin amaute in a sem uh hi.

⁵TOPA in Moses tungah,

⁶"Israel-te tungah, ‘Numei khat ahikeh pasal khat in khialh theina namkhat b peuh khiala, tua hangin TOPA tungah a muanhuai loh ciangin tua mi a khial hi a,

⁷ama mawhna pel loin a pulak ding hi. Amah in a khialhna a kimin loh dinga, a zah sehnga suah sehkhatin a mawhna mi tungah a kimin pia ding hi.

⁸Ahi hangin tua mi in a khialhnate hanga lohkikna a sang ding tanau kinaipih a neih kei leh tua lohkikna TOPA aa hi a ama adingin thoihdamna bawlna tuutal tawh siampipa tungah kipia khawm ding hi.

⁹Israel-te in siampipa tunga a puak uh a siangtho na khempeuh ama aa hi ding hi.

¹⁰Mi kimin a puak letsong siangthote ama neihsa hi a, ahi hangin amah in siampipa a piakte siampipa aa ahi hi,’ ci in," a ci hi.

¹¹Tua khit ciangin TOPA in Moses tungah,

¹²"Israel-te hopih inla amaute kiangah: ‘Pisal khat a zi vakzau-a ama tungah muanhuai lo-in

¹³midang pasal khat tawh lumkhawma tua thu a pasal in thei loin, tuanu sianlohna kikan lo-a (ama langah teci ding om loin a mawh laitakin lah a kimat loh nungsang)

¹⁴a pasal in hazatna lungsim nei-a, a zi siangtho loin a upmawh leh tuanu a siang lopi mah amah in hazatna lungsim a neih leh -

¹⁵tua ciangin siampipa kiangah a zi paipih ding hi. Amah in tuanu aitang-a biakna dingin mangbuh-ham vui ephah c khat sehsawm suah sehkhat a tawi pelmawh ding hi. Amah in a tungah sathau sung loin, gimnamtui zong a koih kei ding hi, bang hang hiam cih leh tua in hazatna hanga an-a biakna hi-a, khialh kik khak loh nadingin phawksakna-a biakna ahi hi.

¹⁶"‘Siampipa in tuanu paipih dinga, TOPA mai-ah a dingsak ding hi.

¹⁷Tua ciangin leibeel-in tuisiangtho pawlkhat la dinga biakbuk sual-a leivui tawm khat tui sungah a khia ding hi.

¹⁸Siampipa in tua numei TOPA mai-ah a dinsak khit ciangin a sam phelsakin hazatna hanga an-a biakna ahi phawkkiksakna-a an-a biakna hamsiatna a tun tuikha a tawi sungteng tuanu khutah a nga ding hi.

¹⁹Tua ciangin siampipa in amah kiciamsakin tuanu kiangah, "Na pasal zi-a na om sungin nang tawh kuamah lumkhawm loin, koimah vakzau loin a sianglo na suah leh hih hamsiatna hong tun hih tuikha in nang tungah bangmah siatna hong tun kei hen.

²⁰Ahi hangin na pasal zi-a na om sungin a vakvai na hileh na pasal lo midang tawh na lupkhawmna hangin nang le nang na kibuahsak leh," -

²¹siampipa in tua numei hih tomlawhna-in kiciamsak dinga - "TOPA in na pheipi theepsakin na sungkua a bawksak a ciangin na mipihte in nang tomlawhna-in hong nei uh hen.

²²Hih hamsiatna tuikha in na gilsung zui henla, na sungkua bawksakin na pheipi theepsak b hen," a ci ding hi. "‘Tua khit ciangin tua numei in, "Amen, tua bangin hi ta hen," a ci ding hi.

²³"‘Siampipa in hih ciamsiatnate laizial tung khatah gelh dinga, tua ciangin tuikha sungah sawpkhia ding hi.

²⁴Amah in tua numei hamsiatna tuikha dawnsak dinga, tua tui ama sungah tumsukin na sak velval ding hi.

²⁵Tua ciangin siampipa in hazatna hanga an-a biakna tuanu khut panin lakhia dinga, TOPA mai-ah vei-in biakna-tau ah a paipih ding hi.

²⁶Tua ciangin siampipa in phawkna hanga biakna dingin an-a biakna khut khat dim pham dinga biakna-tau tungah hal ding hi; tua khit ciangin amah in tua numei a tui a dawnsak ding hi.

²⁷Amah le amah a kibuahsaka, a pasal tungah a muanhuai lo ahileh tua hamsia-tun tui a kidawnsak ciangin a sungah lut dinga nakpi-in nasak ding hi; a gilpi bawkin a pheipi theep c dinga, a mite lakah tuanu hamsiat thuak ahi ding hi.

²⁸Ahi zongin a numei amah le amah kibuahsak lo a, a siang ahi nak leh amah a khial lo hi a, ta a nei thei ding hi.

²⁹Hih in, numei khat in a pasal zi-a a om sungin vakzau in amah mah a kibuahsak ciang,

³⁰ahikeh mi khat in a zi a ummawhna hanga hazatna lungsim a neih ciangin hazatna hanga zat ding thukham ahi hi. Siampipa in tuanu TOPA mai-ah dingsak dinga ama tungah hih thukham khempeuh a zang ding hi.

³¹A pasal khialhna bawlna panin mawhpeng dinga, ahi hangin numei in ama mawhna a thuak ding hi,’ ci in," a ci hi.