Read Zokam Misimna 7 Bible Online

Misimna 7 - Zokam bible

Misimna 7

¹Moses in biakbuk lam a zawh ciangin biakbuk le a nazatte khempeuh sathau nilhin a ap hi. Amah in biakna-tau le a um a beelte khempeuh zong sathau nilhin a ap hi.

²Tua ciangin Israel makaite, a kisimte a uk minam makai ahi tua innkuan lutangte in biaknate a pia uh hi.

³Amaute in TOPA mai-ah letsongin, tungkhuh nei leng guk le bawngtal sawm le nih - makai khat in bawngtal khat ciat le makai nih ciangin leng khat ciat a pia uh hi. Amaute in hihte biakbuk mai-ah a pia uh hi.

⁴TOPA in Moses tungah,

⁵"Kikhopna Puanbuk-a zat dingin amau tung pan tuate sang in. Mihing khat kisapna zui-in tuate Levi-te pia in," a ci hi.

⁶Tua ciangin Moses in lengte le bawngtalte la a, Levi-te tungah a pia hi.

⁷Amah in Gershon-te tungah amau nasepna-a kisam bangin leng nih le bawngtal li pia a,

⁸Merari -te tungah amau nasepna-a kisam bangin leng li le bawngtal giat a pia hi. Amaute khempeuh siampi Aaron tapa Ithamar ukna nuai-ah a om uh hi.

⁹Ahi hangin Moses in Kohath mite bangmah a pia kei hi, bang hang hiam cih leh amaute tavuan dinga kipia a siangtho nate a liangko un a pua ding uh hi.

¹⁰Biakna-tau sathau a kinilh ciangin tua ki-ap nading makaite in amau biakna puak ciat uh a, biakna-tau mai-ah a pia uh hi.

¹¹Ahang in, TOPA in Moses tungah, "Biakna-tau ap nadingin nisimin makai khat in ama biakna tek a puak ding uh hi," a ci hi.

¹²A ni masa ni-a ama biakna hong puakpa, Judah beh a Amminadab tapa Nashon ahi hi.

¹³Ama biakna munsiangtho shekel tawh kizui-in shelkel a zakhat le sawmthum a khai ngun kuangdai khat, shekel b sawm sagih a khai thehna kuangkum khat, an-a biakna-in sathau helsa annel limci adim tuak;

¹⁴shekel c sawm a khai kham sikkeu kum khat, gimnamtui adim tawh;

¹⁵meihal biakna dingin bawngtalno khat, tuutal khat le kum khat a pha tuuno apa khat;

¹⁶mawhna hanga biakna dingin keel apa khat;

¹⁷le kilawmtakna biakna d- a piak dingin bawngtal nih, tuutal nga, keel apa nga le kum khat a pha tuuno apa nga ahi hi. Hih in Amminadab tapa Nahshon in biakna-a a piak ahi hi.

¹⁸A ninih ni-in Issachar mite makaipa Zuar tapa Nethanel in ama biakna a puak hi.

¹⁹Ama puak biakna munsiangtho shekel tawh kizui-a kiteh shekel zakhat le sawm thum khai ngun kuangdai khat, shekel sawmsagih a khai thehna ngun kuangkum khat, an-a biakna-in sathau helsa annel limci adim tuak

²⁰shekel sawm khai kham sikkeu-kum khat, gimnamtui adim tawh;

²¹meihal biakna dingin bawngtalno khat, tuutal khat le kum khat a pha tuuno apa khat;

²²mawhna hanga biakna dingin keel apa khat;

²³le kilawm-takna biakna-a piak dingin bawngtal nih, tuutal nga, keel apa nga le kum khat a pha tuuno apa nga ahi hi. Hih in Zuar tapa Nethanel in biakna-a a piak ahi hi.

²⁴A nithum ni-in, Zebulun mite makaipa, Helon tapa Eliab in ama biakna a puak hi.

²⁵Ama biakna, munsiangtho shekel tawh kizui-a kiteh shekel zakhat le sawmthum khai ngun kuangdai khat, le shekel sawmsagih khai thehna ngun kuangkum khat, an-a biakna-in sathau helsa annel limci adim tuak;

²⁶shekel sawm a gik kham sikkeu-kum khat gimnamtui adim tawh;

²⁷meihal biakna dingin bawngtalno khat, tuutal khat le kum khat a pha tuuno apa khat;

²⁸mawhna hanga biakna dingin keel apa khat;

²⁹le kilawmtakna biakna-a piak dingin bawngtal nih, tuutal nga, keel apa nga le kum khat a pha tuuno apa nga ahi hi. Hih in Helon tapa Eliab in biakna-a a piak ahi hi.

³⁰A nili ni-in Reuben mite makaipa Shedeur tapa Elizur in ama biakna a puak hi.

³¹Ama biakna, munsiangtho shekel tawh kizui-a kiteh shekel zakhat le sawmthum khai ngun kuangdai khat, le shekel sawmsagih khai sisan thehna ngun kuangkum khat, an-a biakna sathau helsa annel limci adim tuak;

³²shekel sawm a gik kham sikkeu-kum khat gimnamtui adim tawh;

³³meihal biakna ding bawng talno khat, tuutal khat le kum khat a pha tuuno apa khat;

³⁴mawhna hanga biak nading keel apa khat,

³⁵le kilawmtakna biakna-a piak dingin bawngtal nih tuutal nga, keel apa nga le kum khat a pha tuuno apa nga ahi hi. Hih in Shedeur tapa Elizur in biakna-a a piak ahi hi.

³⁶A ninga ni-in, Simeon mite makaipa Zurishaddai tapa Shelumiel in ama biakna a puak hi.

³⁷Ama biakna, munsiangtho shekel tawh kizui-a kiteh shekel zakhat le sawmthum khai ngun kuangdai khat le shekel sawm sagih khai thehna ngun kuangkum khat, an-a biakna sathau helsa annel limci adim tuak;

³⁸shekel sawm a khai kham sikkeu kum khat gimnamtui adim tawh;

³⁹meihal biakna dingin bawngtalno khat, tuutal khat le kum khat apha tuuno khat;

⁴⁰mawhna hanga biakna dingin keel apa khat;

⁴¹le kilawmtakna biakna-a piak dingin bawngtal nih, tuutal nga, keel apa nga le kum khat a pha tuuno apa nga ahi hi. Hih in Zurishaddai tapa Shelumiel in biakna-a a piak ahi hi.

⁴²A niguk ni-in Gad mite makaipa Deuel tapa Eliasaph in ama biakna a puak hi.

⁴³Ama biakna a nihin munsiangtho shekel tawh kizui-a kiteh shekel zakhat le sawmthum khai ngun kuangdai khat, le shekel sawm sagih khai thehna ngun kuangkum khat, an-a biakna annel limci sathau helsa adim tuak tawh;

⁴⁴shekel sawm khai kham sikeu-kum khat, gimnamtui adim tawh;

⁴⁵meihal biakna dingin bawngtalno khat, tuutal khat le kum khat a pha tuuno apa khat;

⁴⁶mawhna hanga biakna dingin keel apa khat;

⁴⁷le kilawmtakna biakna-a piak ding bawngtal nih, tuutal nga, keel apa nga le kum khat a pha tuuno apa nga ahi hi. Hih in Deuel tapa Eliasaph in biakna-a a piak ahi hi.

⁴⁸A nisagih ni-in Ephraim mite makaipa Ammihud tapa Elishama in ama biakna a puak hi.

⁴⁹Ama biakna a nihin munsiangtho shekel tawh kizui-a kiteh, shekel zakhat le sawmthum khai ngun kuangdai khat le shekel sawm sagih khai thehna ngun kuangkum khat, an-a biakna annel limci sathau helsa adim tuak tawh;

⁵⁰shekel sawm khai kham sikkeu kum khat gimnamtui adim tawh;

⁵¹meihal biakna dingin bawngtalno khat, tuutal khat le kum khat a pha tuuno apa khat;

⁵²mawhna hanga biakna dingin keel apa khat;

⁵³le kilawmtakna biakna-a piak dingin bawngtal nih, tuutal nga, keel apa nga le kum khat a pha tuuno apa nga ahi hi. Hih in Ammihud tapa Elishama in biakna-a a piak ahi hi.

⁵⁴A nigiat ni-in Manasseh mite makaipa Pedahzur tapa Gamaliel in ama biakna a puak hi.

⁵⁵Ama biakna a nihin munsiangtho shekel tawh kizui-a kiteh, shekel zakhat le sawmthum a khai ngun kuangdai khat, le shekel sawm sagih khai thehna ngun kuangkum khat, an-a biakna sathau helsa annel limci adim tuak tawh;

⁵⁶shekel sawm khai sikkeu-kum khat, gimnamtui adim tawh;

⁵⁷meihal biakna dingin bawngtalno khat, tuutal khat le kum khat a pha tuuno apa khat;

⁵⁸mawhna hanga biakna dingin keel apa khat;

⁵⁹le kilawmtakna biakna-a piak dingin bawngtal nih, tuutal nga, keel apa nga, le kum khat a pha tuuno apa nga ahi hi. Hih in Pedahzur tapa Gamaliel in biakna-a a piak ahi hi.

⁶⁰A nikua ni-in Benjamin mite makaipa Gideoni tapa Abidan in ama biakna a puak hi.

⁶¹Ama biakna a nihin mun siangtho shekel tawh kizui-a kiteh, shekel zakhat le sawmthum khai ngun kuangdai khat, le shekel sawm sagih khai thehna ngun kuangkum khat, an-a biakna annel limci sathau helsa adim tuak tawh;

⁶²shekel sawm a khai kham sikkeu-kum khat gimnamtui adim tawh;

⁶³meihal biakna ding bawngtalno khat, tuutal khat le kum khat a pha tuuno apa khat;

⁶⁴mawhna hanga biakna dingin keel apa khat;

⁶⁵le kilawmtakna biakna-a piak ding bawngtal nih, tuutal nga, keel apa nga le kum khat a pha tuuno apa nga ahi hi. Hih in Gideoni tapa Abidan in biakna-a a piak ahi hi.

⁶⁶A nisawm ni-in Dan mite makaipa Ammishaddai tapa Ahiezer in ama biakna a puak hi.

⁶⁷Ama biakna, a nihin mun siangtho shekel zui-a kiteh, shekel zakhat le sawmthum khai ngun kuangdai khat, le shekel sawm sagih a khai thehna ngun kuangkum khat, an-a biakna annel limci sathau helsa adim tuak tawh;

⁶⁸shekel sawm khai kham sikkeu-kum khat, gimnamtui adim tawh;

⁶⁹meihal biakna ding bawngtalno khat, tuutal khat le kum khat a pha tuuno apa khat;

⁷⁰mawhna hanga biakna ding keel apa khat;

⁷¹le kilawmtakna biakna-a piak ding bawngtal nih, tuutal nga, keel apa nga le kum khat a pha tuuno apa nga ahi hi. Hih pen Ammishaddai tapa Ahiezer in biakna-a a piak ahi hi.

⁷²A ni sawm-le-khat ni-in Asher mite makaipa Ocran tapa Pagiel in ama biakna a puak hi.

⁷³Ama biakna a nihin munsiangtho shekel tawh kizui-a kiteh, shekel zakhat le sawmthum khai ngun kuangdai khat, le shekel sawmsagih a khai thehna ngun kuangkum khat, an-a biakna annel limci sathau helsa adim tuak tawh;

⁷⁴shekel sawm khai kham sikkeu-kum khat, gimnamtui adim tawh;

⁷⁵meihal biakna ding bawngtalno khat, tuutal khat, le kum khat a pha tuuno apa khat;

⁷⁶mawhna hanga biakna dingin keel apa khat;

⁷⁷le kilawmtakna biakna-a piak dingin bawngtal nih, tuutal nga, keel apa nga le kum khat a pha tuuno apa nga ahi hi. Hih pen Ocran tapa Pagiel in biakna-a a piak ahi hi.

⁷⁸A ni sawm-le-nih ni-in Naphtali mite makaipa Enan’ tapa Ahira in ama biakna a puak hi.

⁷⁹Ama biakna munsiangtho shekel tawh kizui-a kiteh, shekel zakhat sawmthum khai ngun kuangdai khat, le shekel sawmsagih khai thehna ngun kuangkum khat, an-a biakna annel limci sathau helsa adim tuak tawh;

⁸⁰shekel sawm khai kham sikkeu-kum khat, gimnamtui adim tawh;

⁸¹meihal biakna dingin bawngtalno khat, tuutal khat le kum khat a pha tuuno apa khat;

⁸²mawhna hanga biakna ding keel apa khat;

⁸³le kilawmtakna biakna-a piak ding bawngtal nih, tuutal nga, keel apa nga le kum khat a pha tuuno apa nga ahi hi. Hih pen Enan’ tapa Ahira in biakna-a a piak ahi hi.

⁸⁴Hihte pen Israel makaite in biakna-tau sathau a kinilh cianga a ap nading uh biaknate ahi hi: ngun kuangdai sawm le nih, thehna ngun kuangkum sawm le nih le kham sikkeu-kum sawm le nih ahi hi.

⁸⁵Ngun kuangdai khat in shekel zakhat le sawmthum ciat khai-a, thehna kuangdai in shekel sawm sagih ciat a khai hi. Ngun kuang khempeuh in munsiangtho shekel tawh kizui-in shekel a tulnih le zali a khai hi.

⁸⁶Gimnamtui adim kham sikkeu-kum sawm le nih in munsiangtho shekel tawh kizui-in shekel sawm ciat a khai hi. Kham sikkeu-kum khempeuh a vekpi in shekel b zakhat le sawmnih a khai hi.

⁸⁷Meihal biakna dinga kihawl ganhing khempeuh, bawngtalno sawm-le-nih, tuutal sawm-le-nih le kum khat a pha tuuno apa sawm-le-nih le an-a biakna tawh ahi hi. Mawhna hanga biakna dingin keel apa sawm le nih kizang hi.

⁸⁸Kilawmtakna biakna dingin ganhing vekpi gawm, bawngtal sawmnih le li, tuutal sawmguk, keel apa sawmguk le kum khat a pha tuuno apa sawmguk a pha hi. Hihte in biakna-tau sathau a kinilh khita apna-a biakna ahi hi.

⁸⁹TOPA tawh kiho dingin Moses Kikhopna Puanbuk sungah a lut ciangin cherub nihte kikal Tecipanna singkuang tunga om thoihdamna sin tungsan teng panin amah a hopih aw khat a za hi. Tua hi-a amah tawh a kiho hi.