Read Zokam Micah 6 Bible Online

Micah 6 - Zokam bible

Micah 6

¹TOPA thugen ngai un: "Dingin, mualliante tungah na thu uh sung un; mualneute in na thugen uh za uh hen.

²Mualliante aw, TOPA mawhsakna za un; tawntung leitung bulpite aw, ngai un. Ahang in, TOPA in a mite tawh thu kinei a, Israel tawh thu kisel dingin a om hi.

³"Ka mite aw, ken note bang hong cih ka hi hiam? Bang hong ci lunggimsak ka hi hiam? Hong dawng un.

⁴Egypt panin kong paikhiatpih a, sala na omna gam panun note kong tankhia hi. Note hong makaih dingin Moses tawh Aaron le Miriam zong kong sawl hi.

⁵Ka mite aw, Moab kumpipa Balak hong sawmna le Beor tapa Balaam dawnna phawk un. TOPA in thumaanin na a sep lam na theih nadingun Sittim pan Gilgal dong na khualzinna uh mangngilh kei un," a ci hi.

⁶TOPA mai-ah bang tawi-in va pai-a a kitawisang Pasian mai-ah bang tawh va kun ding ka hi hiam? Ama mai-ah meihal biakna ding kum khat apha bawngno keng ding ka hi hiam?

⁷Tuutal tulkhat, sathau gunpite tulsawm tawh TOPA lungkim ding ahi hiam? Ka khialhnate tangin ka ta upapen le ka kha mawhna tangin ka pumpi gah pia ding ka hi hiam?

⁸Mipa aw, amah in a hoih hong lak zo hi. Tua hi-a TOPA in nang tungah bang hong kal ahi hiam? Thutangin gamta inla, lainatna it-in, kiniamkhaitin na Pasian tawh kalsuan khawm in.

⁹Ngai un TOPA in khuapi ah sam a- nangma min kihtakna in pilna hi - "Cianggolh le a Bawlpa a[19] thudon un.

¹⁰A kheltat innkuante aw, a muhdahhuai thumaan lo-a kingah goute le hamsiatsa ephah b[20] cing lo-a na ngahte uh mangngilh nai ding ka hi hiam?

¹¹Tawi tehna man lo le a gikna man lo ip a zangte khahkhong lai ding ka hi hiam?

¹²Tuanu’ mihaute ngongtat uh hi; ama mite zuauphuak uh a, amaute leii in zuauthu vive a gen hi.

¹³Tua ahi ciangin na mawhna hangin hong susia-in kong siatsak ding ka kipan hi.

¹⁴Na ne ding uh a na kham kei ding uh hi; na gil uh a kial c[21] veve ding hi. Na kholkhol ding uh a, bangmah na suahtak kei ding uh hi, bang hang hiam cih leh na kholte uh namsau ka pia ding hi.

¹⁵Na suan ding uh a, an na la kei ding uh hi; olive na gawi ding uh a, athau na zangkha kei ding uh hi; lenggah na suk ding uh a, ahi hangin a zu na dawn kha kei ding uh hi.

¹⁶Omri le Ahab innkuante ngeina teng na zui uh a, amaute tang ngeina teng na zui uh hi. Tua ahi ciangin note, suksiat dingin kong pia dinga na mite uh kinuihsanin, minamte in hong linhah ding uh hi," d[22] a ci hi.