Read Zokam Nahum 2 Bible Online

Nahum 2 - Zokam bible

Nahum 2

¹Nineveh sim ding hong kuan ta hi. Na kulh uh cing un, lampi vil un, kithawi tawm un, na hatna khempeuh uh keng un!

²A susiate in amaute siasakin a lengguite uh a kisiat hangin TOPA in, Israel-te thupina bangin Jacob thupina zong angei a bangsak ding hi.

³Ama galkapte’ lumte asan hi a; a galsiamte uh puante a ausan hi. A sakollengte ngun sikte a kibawl tung bangin atee a[3] daldal hi; a teipi uh kilek zalzala hi.

⁴Kongzing tengah sakolleng om zuahzuah a, tual-awng tengah suktai totai zalzal uh hi. Amaute meisel kuanglai tawh kibang uh hi; amaute khuaphia bangin kilek zakzak uh hi.

⁵A galkapte thu pia napi a lampi uah muktu uh hi. Khuapi kulh zuanin tai uh a, a lum uh tawh kidal uh hi.

⁶Gun kongpite kihong a, kumpi innte a kisiagawp hi.

⁷Khuapi salin kikai dinga a kipuakhia dingin thukip b[4] kipia ding hi. A sila numeite in a awm uh tumin kawl-vakhu bangin thum uh hi.

⁸Ninevah bual tawh kibanga a sunga tuite kikhekhia hi. Amaute in,"Khawl un! Khawl un!" a cih uh hangin kuamah a kileh kik kei hi.

⁹A ngun uh laksak uau! A kham uh laksak uau! A goukholna-ua vante in beihun a nei kei hi.!

¹⁰Tuanu kisusiagawp a, a neihsa teng kilaksakmangin a kihawmkhai hi! Lungtangte tuisuak a, khukte zaw in, pumpi kilinga, maitang peuhmah adaang hi.

¹¹Hunpinelkai pate le humpinelkai nute in, a note an vaka lau lo-a a omna mun humpinelkai kua tu-in koi-ah om ta hiam?

¹²Humpinelkai in a no khamkhop ding mana, a lawm ading sa tawlmeksakin a thahsa a kuatual ah dima, a kua sung samatsa tawh dimsak hi.

¹³Thahatpen TOPA in, "Keimah note langah ka pang hi. Na sakollengte uh meikhu lakah ka haltum dinga, na humpinelkai khanglaite uh namsau in a vatmai ding hi. Leitung ah na samatsa uh kong nusiat kei ding hi; na kamtaite uh awging a kiza nawn kei ding hi," a ci hi.