Read Zokam Nahum 3 Bible Online

Nahum 3 - Zokam bible

Nahum 3

¹Zuauthu tawh a kidim, vansuh tawh a kidim, mithahna tawh a kitalawi lo nang sisan khuapi, nak thuak na nicia!

²Siatna huging, lengpei kigawi, sakol koptai ging le sakolleng ging luapluapte!

³Sakol galkapte galsimna namsau tee zalzal le teipi kilek zualzual-te! Misi tampi, misisa kiciang venvan, a kisim zo lo misiluang, tua misiluang tungah mi kimuktu lai -

⁴hihte khempeuh ngaihsutna bei-a kizuak, a ngaihbaang a uang mahmah numei, mibum siamin ama kizuakna tawh minamte sila-in khawi-a, ama bumna tawh mite sila-a a khawi nu hang ahi hi.

⁵"Nang langah ka pang hi," Thahatpen TOPA in cikhia hi "Na maitang ah na nikte ka lemto ding hi. Na guaktanga na om lam minamte ka lak dinga, kumpi-gamte in na zumhuaina a mu ding uh hi.

⁶Nin kihhuai kong theh dinga, hong simmawhbawl gawpin kimawlna kong suaksak ding hi.

⁷Nang hong mu khempeuh in hong taisan ding uh a, ‘Nineveh kisia hi - tuanu kua in kah ding hiam?’ ci ding uh hi. ‘Nang hong hehnem ding mi koi-ah mu ding ka hi hiam?" a ci hi.

⁸Nile gun tungah om a, tui in a umcih, a kidalna gun hi-in a kulh tui ahi Thebes a[5] sangin nang hoihzaw na hi hiam?

⁹Cush b[6] le Egypt-te a hatna uh kiteh zo lo hi; Put le Libya zong tuanu pawl ahi hi.

¹⁰Tua hi napi tuanu kimana salin kikai hi. Kongzing bul tengah a tate uh kisatpalh hi. A uliante uh ai sanin hawm uh a, a miliante uh sikkhainiangin kikhih hi.

¹¹Nang zong zukham na suak dinga, na galte panin bu nuamin mun muanhuai na zong ding hi.

¹²Na kulh muanhuaite khempeuh lah theikung a gah minsa tawh kibang ding hi. Tuate a kisin ciangin theipum kia-in a ne dingte kam sung a tu ding hi.

¹³Na galkapte en in - numei bek hi lo hiam? Na gam kongpite, zapi-in na galte kihon hi; a kalhnate mei in kangtum khin hi.

¹⁴Hong ki-umcih sunga ding tui tawi in, na kidalna khauhsak lai in! Buan cilin leisan vui le leikang helin leisek seekna puah in!

¹⁵Tua lai-ah nang, mei-in hong kihaltum ding hi; namsau-in hong kivattuk dinga kauphe bangin nang hong hultum ding hi. A tuan kauphete bangin na khanga, kauphete bangin na pung hi.

¹⁶Na sumbuk bawlte vana aksi zah sangin a tamzawk dongin na khangsak zo hi; ahi hangin gamsung teng a nektum khit cianga a lengmang kauphete tawh kibang uh hi.

¹⁷Nang hong simte kauphe tawh kibang uh a, na uliante khuadamin kulh tungah bawm muamua in nisuah ciangin lengmang a, kuamah in a omna mel a theih loh kauphe honpi tawh kibang uh hi.

¹⁸Assyria kumpipa aw, na tuucingte c[7] lusu uh hi. Na uliante tawlnga uh hi. Na mite mualtung ah kithehthang uh a, a kaikhawm ding kuamah om lo hi.

¹⁹Na liamma-te bangmah in damsak thei lo a, na meimate adam zo lote ahi hi. Na kheltat denna a thuakkha lo kuamah om lo ahi manin na guallelhna a za peuhpeuh in a khut uh sialki in tum ding uh hi lo ahi hiam?