Read Zokam Habakkuk 2 Bible Online

Habakkuk 2 - Zokam bible

Habakkuk 2

¹Ka galvilna tungah dingin ka bosang tungah ka pang dinga, amah in kei tungah bang hong gen ding hiam, hih phunna a[3] bangci dawn ding ka hi hiam, cih ka en ding hi.

²Tua ciangin TOPA in dawnga, "Tangkopa b[4] in a taipih theih dingin ka kilaaknate gelh inla, suangpekte tungah kiciansak in.

³Ahang in, hih kilaakna in a kisehsa hun a ngak hi; hun tawpna gen dinga a khial kei ding hi. A tunghak kha zongin ngak in; tua c[5] pen tung pelmawh dinga a ziakai nawn kei ding hi.

⁴"En in, amah kisathei hi; amah in thutang lo a deih hi - ahi hangin thumaan mi ama upna hangin a nungta ding hi. d[6]

⁵Hi takpi hi, zu in amah lehhek hi; amah kiphasakin khawl hun a nei kei hi. Bang hang hiam cih leh amah hankhuk e[7] bangin huaiham a, sihna bangin lungkim hun a nei kei hi. Amahmah in minamte khawmkhawm a, mite khempeuh a man khin hi.

⁶"‘Amaute in amah ciamnuih bawlin zahko gawpgawp uh a, "‘A guksa na ciang venvan a, mi na a mawk laksak tawh hau a kisate, gimna nak thuak na nucia! Bangtan vei nong mang uh tam maw?’ ci uh hi.

⁷Na leibatnate f[8] uh ding pah lo ding uh hiam? Amaute khanglo-in nang hong linglawngsak lo ding hiam? Tua ciangin amaute vansuh na suak ding hi.

⁸Bang hang hiam cih leh minam tampite na buluh zo hi, a kinusia lai mite in nang hong buluh ding uh hi. Ahang in, mihing sisan na luangsak khin hi; leitangte le khuapite le a sunga omte na susia khin hi.

⁹"Thumaan lo metna tawh a kumpi-gam a phut, a sangna ah bu a tom, siatna pana suakta nuam tentante gimna nak thuak na nucia!

¹⁰Mi tampi siat nading na geel uh a, no inn sung mah ah maizumna tungsakin, na nuntakna uh lametna na beisak uh hi.

¹¹Kulh’ suangte kiko ding uh a, singa kibawl innkamte a thawn ding hi.

¹²"Sisan luangsakin khuapi a phutte, gitlohna tawh khuapi a kipsakte gimna nak thuak na nucia!

¹³Hih in Thahatpen TOPA piansak hi a, mihing gimna meikhu-in lengmang khinin, minamte sepsate bangmah lo suaksak hi lo ahi hiam?

¹⁴Tui in tuipi a khuhcip bangin TOPA minthanna theihna tawh leitung a kidim ding hi.

¹⁵"Na vengte uh dawn ding pia a, a guaktanga a om a muhnop mana amaute kham dong a zu-um pana a sunbehbehte gimna nak thuak na nucia!

¹⁶Note, minthanna tangin maizumna tawh na kidim ding uh hi. Tu hun no hun ahi hi! Dawn unla kipholak un! g[9] TOPA khut taklam pana hai no tung hong tung ta hi, na minthanna uh daina a suak ding hi.

¹⁷Lebanon tunga na ngongtatna uh no tung hong tu dinga, gamsate na siatsakna un, note hong lausak ding hi. Ahang in, nang in mi sisan na luangsak khin hi; leitangte, khuapite le a sunga omte na susia khin zo hi.

¹⁸"Mihing khuaktawm ahi nungsang milimte in bang kimanna nei ahi hiam? Ahikeh tua milim in zuauthu hong hilh bek hi lo ahi hiam? Ahang in, a bawlpa in ama piansak muang ahi hi; amah in a pau thei lo milimte a bawl hi.

¹⁹Singbek tungah, ‘Nungta in! ahikeh nuntakna a nei lo suang tungah, ‘Khang lo in!’ a cipa aw, gimna nak thuak na nicia! Tua in hong makaih thei ahi hiam? Tua pen ngun le khamin kituama; a sungah huu a om kei hi.

²⁰Ahi hangin TOPA a biakinnpi siangtho sungah om hi; leitung ama mai-ah daidide-in om uh hen," a ci hi.