Read Zokam Zephaniah 2 Bible Online

Zephaniah 2 - Zokam bible

Zephaniah 2

¹A zumhuai minamte aw, na vekun kikhawm un;

²ansi bangin hong kizapkhiat ni ding kiciangtan ni a tun ma, TOPA hehluatna no tungah hong tun ma, TOPA thangpaihna ni no tungah hong tun ma-in na vekun kikhawm un.

³Leitung ah kiniamkhiatin ama thupiak banga gamta note khempeuh aw, TOPA zong un.Thumaanna zong unla kiniamkhiatna zong un; tua hileh TOPA hehna ni ciangin note hong kiliah kha thei ding hi.

⁴Gaza kitaisanin Ashkelon a siasa-in kinusia ding hi. Suntangpi-in Ashdod hawmmang dinga, Akron kibulkalh ding hi.

⁵No Kereth mite aw, no tuipi gei-a tengte aw, gimna nak thuak na nucia! Philistia-te tenna nang Canaan aw, nang langkhatah TOPA in thu gen zo hi. "Nang kong susia dinga, kuamah a kinusia nawn kei ding hi,"

⁶Tuipi gei-a leitang, Kereth-te a[6] tenna teng, tuucingte om nading le tuuhuang ding ahi hi.

⁷Judah innkuan a omlaisunte in tuate a tang ding uh hi; tualai lonona munin a zang ding uh hi. Nitak ciangin amaute Asklon-te inn sungah a lum ding uh hi. TOPA amaute Pasian in kem dinga, a mailam hun b[7] uah angei a bangsak ding hi.

⁸"Moab-te in ka mite a simmawhna le Ammon-te in a selnohna uh, a gamte uh sutin a elpaunate uh ka za khin hi.

⁹Tua ahi ciangin Israel-te Pasian Thahatpen TOPA in, "Ka nuntakna ka lo hi, Moab pen Sodom tawh kibangin, Ammon-te Gomorrah bang tektek ding uh a- a gam uh bangmah a kimang lo lopa bek pona cikhuk a suak den ding hi. A baanglai ka mite in amaute manmang ding uh hi; a omlai ka minamte in amaute gam a luah ding uh hi," a ci hi.

¹⁰Thahatpen TOPA mite simmawhin ciamnuih bawl uh ahi manin amaute kiphatna thamanin hihte a ngah ding uh hi.

¹¹TOPA in amaute gama pasiante a suksiat ciangin amaute a lausak mahmah ding hi. Tuipi mong khempeuh a minamte in amau leitang ciat panin amah bia ding uh hi.

¹²"Cush-te c[8] aw, note zong ka namsau in hong kithat ding hi."

¹³Amah in leilu-lam langkhatah a khut zankhia dinga Assyria susia-in Nineveh nusiacip dinga sehnel-gam bangin a keu ding hi.

¹⁴Tuuhonte, bawnghonte le ganhing namkim tua lai-ah a lum ding hi. Sehnel-gam simbu le simbu awngaihte in inn khuampi dawn giahna-in nei ding uh hi. A khuan un kongvangneu ah thawnkhia-in kongkalai-ah leisek tawng om dinga, innkam a kikhung tamtak singte a kidawkkhia ding hi.

¹⁵Bangmah a awlmawh lo lungmuangtaka tenna khuapi hizahta a suak hi. Tuanu amah le amah, "Keimah bek, kei bang kuamah om kei," kici hi. Tua khua nak siat nah e, gamsate omna lah a suak tazen a! Tua lai a tawnkha peuhmah in selpho-in a khut uh lehsan uh hi.