Read Zokam Zechariah 13 Bible Online

Zechariah 13 - Zokam bible

Zechariah 13

¹"Tua ni ciangn David innkuan tung le Jerusalem a tengte tungah amaute mawhna leh siantho lohnate silsiang nadingin tuinak khat kihong ding hi.

²"Tua ni ciangin gamsung panin milimte min khempeuh ka phiatmang dinga tuate a kiphawkkha ngei nawn kei ding hi," Thahatpen TOPA in cikhia hi. "Gam sung panin a nin khate a kamsangte tawh ka paikhia khawm ding hi.

³Mi khatpeuh in mailam thu a gen lai leh a pianna a nu le a pa in, ‘TOPA minin zuau phuak na hi manin na sih kul ding hi,’ ci ding uh hi. Mailam thu a gen ciangin a nu le a pate in amah dawtlum ding uh hi.

⁴"Tua ni ciangin kamsang peuhmah in a mangmuh theihna uh a maizumpih ding uh hi. Mi a khem nadingun a kamsang samul puanpi uh zong a silh kei ding uh hi.

⁵Amah in, ‘Kamsang ka hi kei hi. Lo kho ka hi-a, ka neu tunga kipan leitang kho-a kivak ka hi hi,’ c[24] ci ding hi.

⁶Mi khatpeuh in, ‘Na pumpi tunga liammate bang hiam? d[25] ci-a a dot ciangin, amah in, ‘Ka lawmte inn-a ka liamna hi,’ ci-in dawng ding hi.

⁷"Namsau aw, ka tuucingpa le kei tawh kinai mipa do dingin tho in," Thahatpen TOPA in cikhia hi. "Tuucingpa sat in tuute kithehthang dinga, a note tungah ka khut ka viik ding hi.

⁸TOPA in cikhia hi, "Gamsung buppi ah sehthum suah sehnih kisattukin a kisia ding hi; sehthum-a khat ahileh kinusia ding hi.

⁹Hih a thumna pen meikhuk ah ka khul ding hi. Ngun siansuah bangin ka siangsak dinga, kham bangin ka zia-et ding hi. Amaute in ka min hong lo ding uh a, ka dawng ding hi; ‘Amaute ka mite ahi uh hi,’ ka ci dinga amaute in, ‘TOPA in kote Pasian ahi hi,’ ci ding uh hi."