Read Zokam Zechariah 4 Bible Online

Zechariah 4 - Zokam bible

Zechariah 4

¹Tua ciangin kei hong hopih van sawltak hong kileh kika a ihmu mi khat phot bangin kei hong phong hi.

²Tua ciangin, "Bang na mu hiam?," ci-in kei hong dong hi. "Kham citak tawh kibawl meivak tunna, a dawnah kuangkum khat kithuahin meivak khau sagih dawnah meivak sagih ka mu hi.

³Tua kiangah olive kung nih zong om a, khat kuangkum taklam pangah omin adang khat a veilam pangah a om hi," ci-in ka dawng hi.

⁴Kei hong hopih vansawltak kiangah, "Ka topa aw, hihte bang hiam?" ci-in ka dong hi.

⁵Amah in, "Hihte bang hiam cih thei lo na hiam?" ci-in hong dawng hi. "Topa aw, thei keng," ci-in ka dawng hi.

⁶Tua ciangin amah in kei kiangah, "Hih in Zerubbabel tunga tung TOPA thu ahi hi: Thahatna hi lo, vangliatna zong hi loin keima Kha hang ahi hi,’ Thahatpen TOPA in ci hi.

⁷"A thahat mualliante aw, no bang a[5] na hi uh hiam? Zerubbabel mai-ah zangtam na suak ding uh hi. Tua ciangin, "Pasian in thupha pia ei! Pasian in thupha pia ei! " ci-a ot na tawh inn tungkhupna suang a puakhia ding hi,’ ci in," a ci hi.

⁸Tua ciangin TOPA thu kei tungah hong tunga:

⁹Zerubbabel khut in hih biakinnpi bulpi phut khin hi; ama khut mah in a zosiang ding hi. Tua ciangin Thahatpen TOPA in note tungah kei hong sawl ahilam na thei ding uh hi.

¹⁰Kua in a neu nate’ ni simmawh ahi hiam? Mite in Zerubbabel khuta khaukhai a muh ciangin a nuam ding uh hi. "(Hih sagihte, leitung khempeuh a en TOPA mittangte ahi uh hi,)" a ci hi.

¹¹Tua ciangin vansawltak kiangah, "Hih meivak tunna veilam le taklama olive kung nihte bang ahi hiam?" ci-in ka dong hi.

¹²Ama kiangah, "Kham sathau luankhiatna kham penglawngte gel gei-a hih olive kung nihte bang ahi hiam?" ci-in ka dotbeh hi.

¹³Amah in, "Hihte bang ahi hiam cih thei lo na hi hiam?" ci-in hong dawng hi. "Thei keng, topa aw," ka ci hi.

¹⁴Tua ciangin amah in, "Hihte gel in leitung khempeuh’ Topa nasem dinga sathau kinilhte b[6] ahi uh hi," hong ci hi.