Read Zokam Zechariah 6 Bible Online

Zechariah 6 - Zokam bible

Zechariah 6

¹Ka ento kika - sumngo mualpi - mual nih kikal panin sakolleng li hong paikhia hi!

²Leng a masapen sakol sante in kai uh a, a nihna sakol vom,

³a thumna sakol kang le a lina sakol gial in kai-a a vekun a vanglian kim uh hi.

⁴Kei hong hopih vansawltak kiangah, "Ka topa aw, hihte bang ahi hiam?" ci-in ka dong hi.

⁵Vansawltak in, "Hihte vantunga kha g[11] lite hi uh a, leitung buppi’ Topa omna mun a khawlna panun hong paikhia ahi hi.

⁶Sakol vomte kaih pen in leilu-lam h[12] gam manawhin, sakol kangte kaih pen in nitumna-lam le sakol gialte kaih pen in leitaw-lam a manawh ding hi," ci-in hong dawng hi.

⁷A vanglian sakolte a paikhiat uh ciangin, leitung buppi-a pai dingin tha la uh ahi hi. Tua ciangin amah in, "Leitung mun khempeuh ah va pai un," a ci hi. Tua ciangin leitung khempeuh ah a pai uh hi.

⁸Tua hi-a amah in, "En dih in, leilu-lam gam manawh a paite in keima Kha i[13] leilu-lam gamah tawlngakna a pia uh hi," ci-in hong ko hi.

⁹TOPA thu kei tungah hong tunga:

¹⁰"Babylon a salsuahna pan hong tung Heldai, Tobijah le Jedaiah-te tung panin ngun le kham la in. Tua ni mahin Zephaniah tapa Joshiah inn ah va hawh in.

¹¹Ngun le kham la-in kumpi-lukhu khat va bawl inla, Jehozadak tapa tulpi Joshua khusak in.

¹²Ama tungah hih Thahatpen TOPA thugen va gen in: "Hih lai-ah a min Hiang a kici mipa om a, amah in ama mun pan mengkhia-in TOPA biakinnpi a lam ding hi.

¹³Tua TOPA biakinnpi lam dingpa amah hi-a, thupina kisilhsakin kumpi tokhom ah tu-in a uk ding hi. A kumpi tokhom tungah amah siampi hi ding hi. Tuate gel a kithukhat ding uh hi,’ ci hi.

¹⁴Kumpi lukhu pen Heldai, j[14] Tobijah, Jedaiah le Zephaniah tapa Hen k[15] phawkna-in TOPA biakinnpi sungah kipia ding hi.

¹⁵Gamlapi pan hong pai-in TOPA biakinnpi lam hong huh ding uha, tua ciangin Thahatpen TOPA in kei hong sawl ahilam na thei ding uh hi. TOPA note Pasian thu hanciamtaka na man uh leh hih bangin hong piang ding hi," hong ci hi.