Read Zokam Malachi 1 Bible Online

Malachi 1 - Zokam bible

Malachi 1

¹Thusuak khat: Israel tungah Malachi a[1] tungtawn in TOPA thu a tung hi.

²TOPA in, "Note kong it hi," ci hi. "Ahi hangin note in, ‘Nang kote bang hong ci it na hi hiam?’ ci-in nong dong uh hi. TOPA in, "Jacob sanggampa Esau hi lo hiam?" a ci hi. Tua hi napi Jacob ka it a,

³ahi hangin Esau ka mudah hi; a mualliante pawnlak ka suaksaka, ama luahna teng sehnel-gam se-alte ka nusiat hi," a ci hi.

⁴Edom in, "Ei hong kisukzan hangin asia teng i lam kik ding hi," cikha thei ding hi. Ahi zongin Thahatpen TOPA thugen hih ahi hi: "Amaute in a lam theih uh hangin ka susiamang ding hi. Amaute, Tua TOPA thangpaihna nuai-a om tawntung A Gilo Gam mite, kici ding hi.

⁵Note in na mit un na mu ding uh a, ‘Israel-te gamgi khen nangawn ah - TOPA lian hi!’ na ci ding uh hi.

⁶"Tapa in a pa pahtawi-a, nasempa in a pu a pahtawi hi. Pa khat ka hileh kei hong kipahtawina koi ahi hiam? Pu khat ka hileh kei hong kizahtakna koi ahi hiam?" Thahatpen TOPA in a ci hi. Siampite aw, ka min a simmawh note na hi uh hi. "Ahi hangin, ‘Na min bangci simmawh ka hi uh hiam?’ ci-in nong dong uh hi.

⁷"Ka biakna-tau tungah an ninsa na koih uh hi. "Ahi hangin,’Bang hong ci nitsak ka hi uh hiam?’ ci-in nong dong uh hi. "TOPA sabuai simmawhhuai na ci uh hi.

⁸Biakpiakna dingin ganhing mittaw nong ken uh ciangin khialhna hi lo ahi hiam? Ganhing khebai ahikeh a cina khata nong biak uh ciangin mawhna hi lo ahi hiam? Na ukpipa uh tuate in va bia dih un! Nang tungah a lungkim ding hiam? Hong sang na diam?" Thahatpen TOPA in ci hi.

⁹"Tu-in Pasian in note hong hehpih theih nadingin thum un. Tuaci-a note khut pan a na biaknate uh tawh note hong sang na diam?" Thahatpen TOPA in ci hi.

¹⁰"Biaknatau tungah bangmah a kimang lo mei na vak loh nadingun note khat in biakinn kongkhakte khak zaw un! Note tungah ka lung a kim kei hi," Thahatpen TOPA in ci a, "Na khutte panun biakna kong sang kei ding hi.

¹¹Minamte lakah nisuahna-a kipan nitumna dong ka min a lian ding hi. Mun khempeuh ah ka min, gimnamtui le biakna siangtho a kipuak ding hi, bang hang hiam cih leh minamte lakah ka min a lian ding hi," Thahatpen TOPA in a ci hi.

¹²"Ahi hangin note in, ‘Topa sabuai nin lel, a ante simmawhhuai,’ cihna tawh Topa sabuai na buahsak uh hi.

¹³Tua ciangin, ‘Cimhuai lel,’ na ci uh a, simmawhin na mukpiksan uh hi," Thahatpen TOPA in a ci hi. "Ganhing liamsa, a khebai ahikeh a cina hong paipihin biakna-a na piak uh ciangin note khut panin tuate hong sang ding ka hi hiam?" TOPA in ci hi.

¹⁴"A tuuhon lakah san theih ding tuu apa piak ding hong kamciam napi Topa tungah ganhing a kawkbaang a piate kihamsiat ta hen. Ahang in keimah a lian kumpipa ka hi-a, minamte lakah ka min kihtak ding ahi hi, " Thahatpen TOPA in a ci hi.