Read Zokam Matthew 12 Bible Online

Matthew 12 - Zokam bible

Matthew 12

¹Tua hun lai Sabbath ni khat buhlei tawnin Jesu a pai hi. A nungzuite a gil uh kial a, buhvui zutin a ne uh hi.

²Pharisee-te in a muh uh ciangin ama kiangah, "En dih in! Na nungzuite Sabbath ni-in thukham tawh kituak loin a gamta uh hi," a ci uh hi.

³Jesu in, "David le a pawlte in a gilkial laitakun bang hih uh cih sim ngei lo na hi uh hiam?

⁴Pasian inn sungah lutin amau ading ahi lo, siampite ading beka kisiangsaksa anlumte a ne uh hi.

⁵Ahikeh siampite in biakinnpi sungah Sabbath ni a tan loh uh hangin mawhpeng hi veve uh hi, cih Thukham sungah sim kha ngei lo na hi uh hiam?

⁶Biakinnpi sanga lianzaw khat d[45] hih lai-ah a om hi, cih kong gen hi.

⁷‘Kei lunggulh in biakpiakna hi loin lainatna hizaw hi.’ e[46] cih thu a khiatna thei khin hi le uh cin a mawhpengte na mawhpaih kei ding uh hi.

⁸Mihing Tapa, Sabbath ni Topa ahi hi," a ci hi.

⁹Tua mun pan paikhia-a amaute synagogue sungah a lut hi.

¹⁰Tua lai-ah a khut langkhat a tem mi khat a om hi. Amaute in Jesu mawhna a zon nop manun, "Sabbath ni-in cina damsak ding thukham tawh a kituak hiam?" ci-in a dong uh hi.

¹¹Jesu in amaute kiangah, "Note lakah khatpeuh in tuu khat nei in, tua tuu Sabbath ni-in kawhawm ah kia zenzen leh, lakhia lo ding na hi uh hiam?

¹²Tuu sangin mihing bangzahin manphazaw ahi hiam! Tua ahi ciangin Sabbath ni-in a hoih bawl ding thukham tawh kituak hi," a ci hi.

¹³Tua khit ciangin amah in khuttempa kiangah, "Na khut zan in," ci-in a sawl hi. Amah in a khut a zan leh a langkhat mah bangin a sa dim a, a damsiang kiuhkeuh hi.

¹⁴Ahi hangin Pharisee-te paikhia uh a, Jesu thah theih nading zia a geelsim uh hi.

¹⁵Jesu in hih thu thei-a tua mun pan a kihemkhia hi. Mi tampi in a mah zui uh a, cinate khempeuh damsak in,

¹⁶amah kua hiam cih a gen loh nadingun a kham hi.

¹⁷Hih in kamsangpa Isaiah tungtawna kigen:

¹⁸"Ka it ka lung hong kimsak, ka teel ka nasempa hih lai-ah om hi; ama tungah ka Kha ka koih dinga, minamte tungah thutang a tangko ding hi.

¹⁹Amah in kuamah tawng lo, kiko lo dinga, kongzing lakah kuamah in ama aw a za kei ding hi.

²⁰Thutang a gualzawhsak mateng, satliamsa pumpeng kuaitan lo dinga, mei kuang liakliak a sumit kei ding hi.

²¹Minamte in a lametna uh ama minah a nga ding uh hi," a[47] cih thu a tangtun nading ahi hi.

²²Tua ciangin amaute in mittaw-a pauthei lo, dawilut mi khat ama kiangah va puak uh a, tuapa in khua mu thei a, a pau theih nading in Jesu in a na damsak hi.

²³Mite khempeuh in lamdang sa uh a, "Hih pa David Tapa ahi kha thei tam?" a ci uh hi.

²⁴Ahi hangin hih thu Pharisee-te in a zak uh ciangin, "Hih pa in dawite ukpa Beelzebub b[48] bek suangin dawite a hawlkhia hi," a ci uh hi.

²⁵Jesu in amaute ngaihsutna thei-a, amaute kiangah, "Amah le amah ki langpanga kikhenthang gam a sia ding hi;amah le amah kilangpanga ki khenthang khuapi ahi a, innkuan ahi zongin a kip kei ding hi.

²⁶Satan in Satan hawlkhia leh amah le amah a kilem lo ahi hi. Tua hileh ama gam bangci kip thei ding ahi hiam?

²⁷Ken Beelzebub suangin dawite hawlkhia ka hileh na mite un kua suangin tuate hawlkhia ahi uh hiam? Tua ahi ciangin amaute no tungah thukhente a suak ding uh hi.

²⁸Ahi hangin Pasian Kha suanga hawlkhia ka hileh note tungah Pasian gam hong tung zo hi.

²⁹"Tua tham loin mi khatpeuh in mihatpa hencip masa loin tuapa inn sungah lutin a neihsa bangci puak khiatsak thei ding ahi hiam? A hencip khit ciangin a inn luh thei pan ding hi.

³⁰"Kei hong koppih lote kei langa pang ahi hi. Kei hong kaihkhoppih lote a thehthang ahi hi.

³¹Tua ahi ciangin ken kong geninah, mawhna le Pasian gen daina khempeuh kimaisak zo dinga, ahi hangin langpanga Kha gendaina a kimaisak zo kei ding hi.

³²Mihing Tapa a langgente peuhmah kimaisak dinga, ahi hangin Khasiangtho a langgen peuhmah tu khang ahi zongin, hong tung ding khang ahi zongin a kimaisak kei ding hi.

³³"Singkung a gah in kikhentel thei ahi manin a kung na hoihsak un, tua hileh gah hoih a gah ding hi; a kung na hoihsak kei un, tua hileh gah hoih lo a gah ding hi.

³⁴No mualtan suante aw, migilo note in bangci in thu hoih gen thei ding na hi uh hiam? Ahang in, lungsim a dimlet ciangin kamah pusuak pan hi.

³⁵Mi hoih in a sunga a kholsa na hoihte pusuah a, migilo in a sunga a kholsa na hoih lote a pusuah hi.

³⁶Ahi hangin mite in amau motpaunasate uh tawh kisai-in thukhen ni ciangin a telin a gen ding uh hi.

³⁷Ahang in, nomau kammalte tawh kizui-in note na mawhpeng ding uh a, nomau kam malte tawh kizui-in note hong kimawhpaih ding hi," a ci hi.

³⁸Tua ciangin Pharisee-te le thukham siate kimkhat in ama kiangah, "Sia aw, nang khut panin lim lamdang khat ka mu nuam uh hi," a ci uh hi.

³⁹Jesu in, "A tatsia le angkawm hat no tu khang mite in lah lim lamdang nong ngen tazen ua! Kamsangpa Jonah lim longal lim dang hong kilak kei ding hi.

⁴⁰Ahang in, ngapi gil sungah Jonah sun thum le zan thum a om mah bangin Mihing Tapa zong lei sungah sun thum le zan thum a om ding hi.

⁴¹Thukhen ni ciangin hih khang mite langah Nineveh a mite ding ding uh a, a mawhpaih ding uh hi. A hang in, Jonah thuhilhna hangin amaute a kisik uh hi. Tu-in hih lai-ah Jonah sanga lianzaw mi khat c[49] a om hi.

⁴²Thukhen ni ciangin hih khang mite langah Leitaw-lam Kumpinu dingin a mawhpaih ding hi. Ahang in, tua Kumpinu, Solomon pilna ngai dingin leimong panin a pai hi. Tu-in Solomon sanga lianzaw hih lai-ah a om hi.

⁴³"Mi khat sung pan kha gilo d[50] khat pusuak-a, a khawl nading a keuna mun zongin a vak kawikawi hangin a mu kei hi.

⁴⁴Tua ciangin, ‘Ka nusiatsa innah ciah kik ning,’ ci hi. A tun kik ciangin tua inn awng a, kiphiat siangin a kipuah sinsen a mu hi.

⁴⁵Tua ciangin amah pai-a amah sanga tatsiazaw adang kha sagihte zawnin, tua lai-ah a va teng uh hi. Tua mipa omdan nunung in a masa sangin a siazaw hi. Hih a tatsia khang mite zong tua mah bang ahi ding uh hi.

⁴⁶Jesu in mihonpite kiangah thu a hilh laitakin amah hopih nuamin a nu le a sanggamte inn pua-ah ding uh hi.

⁴⁷Mi khat in, "Na nu le na sanggamte nang hong hopih nuamin inn pua-ah ding uh hi," e[51] ci-in a gen hi.

⁴⁸Amah in, "Ka nu kua hi-a, ka sang gamte kua ahi hiam?" a cih khit ciangin

⁴⁹a nungzuite kawka, "Ka nute ka saggamte hih lai-ate ahi hi.

⁵⁰Ahang in, vantung a om ka Pa deihna a hih peuhpeuh ka sanggam-nu, ka saggampa le ka nu ahi hi," ci-in a dawng hi.