Read Zokam Matthew 2 Bible Online

Matthew 2 - Zokam bible

Matthew 2

¹Kumpi Herod uk hun laitakin Judea gam-a Bethlehem ah Jesu a suah khit ciangin nisuahna lam pan Jerusalem ah Mipilte d[5] a tung uh hi.

²Amaute in, "A suakkhinsa e[6] Jew-te kumpipa koi-ah om hiam? Nisuahna lamah ama aksi ka mu zo uh a, a bia dingin kong pai uh hi," ci-in a dong uh hi.

³Kumpi Herod in hih thu a zak ciangin a lungzing hi. Jerusalem a mi khempeuh in zong a lungzinpih uh hi.

⁴Mipite’ siampi makaite khempeuh le thukham siate a kaihkhop khit ciangin, "Christ f[7] suah nading koi lai ahi hiam?" ci-in a dong hi.

⁵Amaute in, "Judea gam-a Bethlehem ah suak ding hi. Ahang in, kamsangpa in hih bangin na gelh khin hi:

⁶"Judah gam-a om Bethlehem aw, ka mi Israel-te a cing dingin nang sung pan ukpa khat piang ding ahi manin g[8] Judah gam-ukte sungah nang a neupen na hi kei hi." ci hi," ci-in a dawng uh hi.

⁷Tua ciangin Herod in Mipilte samsim a, aksi kilat hun lian amaute tung pan a theikhia hi.

⁸Amaute Bethlehem ah sawlin, "Pai unla, tua naupang va limzon un. Kei zong pai-in amah ka biak theih nadingin na muh phetun hong ko pah un," ci-in a vaikhak hi.

⁹Amaute in kumpipa vaikhakna a zak khit uh ciangin a paikhia leuleu uh hi. Nisuahna h[9] lama a muhsa uh aksi, naupang omna tung santakah a khawl mateng amau mai-ah a na paipai hi.

¹⁰Amaute in aksi a muh uh ciangin a lungdam mahmah uh hi.

¹¹Tua inn a tun uh ciangin naungek le a nu Mary mu uh a, kunin a bia uh hi. A goute uh suahkhia-in letsong in kham, gimnamtui le paknamtui kha a pia uh hi.

¹²Herod kiangah amaute a pai kik loh nadingun mang sunga kivauhilhsa bangin lamtuam tawnin a gamuah a ciah uh hi.

¹³Amaute a ciah khit uh ciangin Joseph mang sungah Topa vansawltak khat a kilang hi. Amah in, "Tho inla naungek le a nu Egypt ah taipih in. Herod in naungek thah dingin zong ding ahi manin, kong hilh kik mateng tua lai-ah va om un," a ci hi.

¹⁴Tua ciangin amah tho-a azan azanin naungek le a nu paipih in Egypt ah a tai uh hi.

¹⁵Herod sih khit dong tua gamah va om uh hi. Kamsangpa tungtawna Topa genna: "Egypt gam pan ka tapa ka samkhia hi." i[10] cih thu a tangtunna ahi hi.

¹⁶Mipilte in amah a khem lam a theih ciangin Herod lungham a, Mipilte tung pana a theihsa hun tawh kituakin seh a, Bethlehem le akim apam khuate-a pasalno kum nih le a nuaisiah khempeuh thah dingin thu a pia hi.

¹⁷Tua ciangin kamsangpa Jeremiah genkholhna:

¹⁸"Ramah gamah nakpi-a dahna le, kahna awging kiza hi. Rachel in a tate a kahkah hangin khat beek om nawn lo a hi manin kihehnem zo lo hi," j[11] cih thu a tangtunna ahi hi.

¹⁹Herod a sih khit ciangin Joseph mang sungah Topa vansawltak khat kilanga,

²⁰"Tho in, naupang thah sawmte si khin ta ahi manin naupang le a nu paipih inla Israel gamah pai ta un," a ci hi.

²¹Tua ciangin amah tho-a, naupang le a nu tawh Israel gamah a ciah uh hi.

²²Ahi hangin Archelaus in a pa Herod za luah in Judea gam uk hi, cih thu a zak ciangin tua gamah a pai ngam kei hi. A manga kivauhilhsa bangin Galilee gamah kihem a,

²³Nazareth kici khua-ah a va teng hi. Tua bangin: "Amah Nazareth mi kici ding hi," ci-a kamsangpa tungtawna kigensa thu a tangtung hi.