Read Zokam Matthew 3 Bible Online

Matthew 3 - Zokam bible

Matthew 3

¹Tua hun lai-in Baptize-pa John va pai- a,

²"Kisik un. Vantung gam hong nai ta hi," ci-in Judea gama Gamlakah thu a hilh hi.

³Kamsangpa Isaiah tungtawna kigen: "Gamlak a kikopa aw in, ‘Topa ading lampi na sialkhol un, ama lampite na tangsak un,’" a[12] a cih in hih pa ahi hi.

⁴John in kala-oh mul kigan puan silhin savun kawnggakin a kawng a gak hi. Kauphe le gamlak khuaizu anin a nei hi.

⁵Jerusalem, Judea gam sung khempeuh le Jordan kual bup pana mite ama kiangah a pai uh hi.

⁶Amaute in a mawhnate uh pulak uh a, amah in Jordan Gun ah a baptise hi.

⁷A baptisena phual-ah Pharisee-te le Sadducee-te tampi a pai John in a muh ciangin, "No mualtan suante! Hong tung ding Pasian thangpaihna pana taikhia dingin kua in hong vauhilh ahi hiam?

⁸Kisikna tawh kilawm gah na gah un.

⁹‘Abraham ka pa uh hi’ a ci thei dingin kingaihsun kei un. Pasian in hih suangte Abraham tate suaksak thei hi, cih kong hilh hi.

¹⁰Sing phungah hei om khin ta hi. Gah hoih a gah lo kung peuhmah kiphukin meikhuk ah kikhul ding hi.

¹¹"Na kisikna hangun tui-in b[13] kong baptize hi. Ahi hangin kei nunga hong pai ding pa, kei sangin a vanglianzaw hi; ama khedap tawi ding nangawnin ka kilawm kei hi. Amah in note Khasiangtho le mei-in hong baptize ding hi.

¹²Amah in buhhah-ciangka tawi-in, ama buh phual hahsiang dinga, atak teng a sal sungah koihin, asi teng a mit ngei lo mei sungah a khul ding hi," ci-in a hilh hi.

¹³Tua hunin John kibaptisesak dingin Galilee pan Jordan ah Jesu va pai hi.

¹⁴Ahi hangin John in, "Nang kei nong baptise ding hizaw napi, nang hong kibaptisesak dingin kei hong zuan zawsop na hi hiam?" ci-in a kho hi.

¹⁵Jesu in, "Ahi ding bang hisak in; thumaan khempeuh i tangtunsak ding kilawm hi," ci-in a dawng hi. Tua ciangin John in a mang hi.

¹⁶Jesu a kibaptise phetin tuilak pan a paito hi. Tua hun lianin van kihong a, vakhu bangin Pasian Kha kum sukin, ama tunga khawl a mu hi.

¹⁷Tua laitakin, "Hih in ka it ka Tapa ahi hi. Ama tungah ka lung a kim mahmah hi," ci-in vantung pan aw khat a ging hi.