Read Zokam Luke 22 Bible Online

Luke 22 - Zokam bible

Luke 22

¹Paisanpawi kici Silngo-sawhloh Anlum Pawi hun kuan ciangin,

²siampi makaite le thukham siate in mipite kihta uh ahi manin Jesu a hepkhiat theih nading uh lampi a zong uh hi.

³Tua ciangin Sawm-le-nihte lakah khat, Iscariot kici Judas sungah Satan a lut hi.

⁴Tua ciangin siampi makaite le biakinnpi cing makaite kiangah Judas pai-a Jesu a lehhek theih nading zia amaute tawh a kikum hi.

⁵Amaute lungkim uh a, amah sum piak dingin a thukim uh hi.

⁶Amah thukima, mihonpite om loh kala amaute khutah Jesu a piak theih nading hun hoih a ngak gige hi.

⁷Tua ciangin Silngo sawhloh Anlum Pawi ni tunga, tua ni Paisan Tuuno-a biakpiak ni ding ahi hi.

⁸Jesu in Peter le John kiangah, "Pai unla Paisan-pawi i nek theih nadingin na kisakhol un," ci-in a sawl hi.

⁹Amaute in, "Koi lai-ah na bawlkhol le ung nong deih hiam?" ci-in a dong uh hi.

¹⁰Amah in, "Khuapi sung na lut uh ciangin tuibeel khat a pua pasal khat tawh na kituak ding uh hi. Ama lutna inn dong amah zui unla,

¹¹a inntekpa kiangah, ‘Siapa in: Ka nungzuite tawh Paisan-pawi ka nek nading zintunna inndei koi lai ahi hiam, ci-in hong dongsak hi,’ va ci un.

¹²Amah in van zat ding a kima omsa inndei tungnung a zaipi khat hong lak ding hi. Tua lai-ah na bawlkhol un," ci-in a dawng hi.

¹³Amaute a pai uh ciangin Jesu gensa bang tektekin nate a mu uh hi. Tua hi-a amaute in Paisan-pawi bawl nading a bawlkhol uh hi.

¹⁴A hun a tun ciangin Jesu le sawltakpite sabuai ah a kingam uh hi.

¹⁵Tua ciangin amah in amaute kiangah, "Keimah in ka thuak ma in hih Paisan-pawi note tawh i nekkhawm ding utin ka ngaklah mahmah hi.

¹⁶Ahang in, Pasian gamah hih thu a tangtun hun matengin ka ne nawn kei ding hi, cih kong gen hi," a ci hi.

¹⁷Amah in hai a lak khit ciangin lungdam ko a, "Hih hai la unla note lakah hawm un.

¹⁸Ahang in, ken kong cih inah Pasian gam hong tun mateng lenggahzu ka dawn nawn kei ding hi," a ci hi.

¹⁹Amah in anlum la-a, lungdam ko-in balkhama, amaute pia-in, "Hih in note adinga kipia ka pumpi ahi hi; kei nong phawk tawntung nadingun na bawl un," a ci hi.

²⁰Tua mah bangin nitak-an a nek khit uh ciangin hai la-a, "Hih hai, note adinga kibuakhia ka sisan-a thukhunna thak ahi hi.

²¹Ahi hangin kei hong lehhek ding pa khut, keima khut tawh sabuai ah a om hi.

²²Thukip omsa bangin Mihing Tapa a pai ding hi. Ahi hangin amah a lehhek tua mipa in, gimna a thuak ding hi," a ci hi.

²³Amaute lakah kua pen in hih a hih tam, ci-in a kidong ciat uh hi.

²⁴Amaute lakah alian pena kingaihsun kua hiam, cih thu kiselna zong a piang hi.

²⁵Jesu in amaute kiangah, "Gentile-te ahi uh leh a kumpite uh amau tungah kiliansak uh a, amau tunga thuneihna a zangte, amau le amau Deihsakte a kici tawm uh hi.

²⁶Ahi hangin note tua bang na hi kei un. Tua sangsikin, note lakah a lianpen in a moipen bang hi dinga, a ukpen in nasempa bang hi ding hi.

²⁷Sabuai-a tupa le tuanvaipa kua lianzaw ahi hiam? Ahi hangin kei ka hileh note lakah nasempa bang ka hi hi.

²⁸Hong kizia-et lai-a hong dinpihte note na hi uh hi.

²⁹Ka Pa in kei tunga gam khat hong bilpiak bangin note tungah gam khat kong pia hi;

³⁰ka gam sunga sabuai ah kei tawh nekhawm dawnkhawma, kumpi tokhom tungah tu-in Israel beh sawm-le-nihte tungah thu na khen theih nading uh ahi hi.

³¹"Simon, Simon aw buh haih bangin Satan in nang a[84] haih hong sawm hi.

³²Ahi hangin Simon aw, na upna a lawhsap loh nadingin nang ading thu ka ngen zo hi. Na kihei kik ciangin na sanggamte na thahatsak in," a ci hi.

³³Ahi hangin amah in, "Topa aw, nang tawh thong kiakhawm ding ahi zongin, sihkhawm ding ahi zongin a kigingsa ka hi hi," ci-in a dawng hi.

³⁴Jesu in, "Peter aw, ken kong geninah, tuni ak a khuan ma-in kei nong theihna thumvei na nial ding hi," ci-in a dawng hi.

³⁵Tua ciangin amaute kiangah, "Note sumbawm, thung-ip le khedapte hong kengsak lo a kong sawlkhiat lai-in kisapna na nei uh hiam," ci-in a dong hi. Amaute in, "Bangmah ka kisam kei uh hi," ci-in a dawng uh hi.

³⁶Amah in amaute kiangah, "Tu-in ahileh sumbawm ahi zongin, thung-ip ahi zongin na neih uh leh keng un; namsau na neih kei uh leh na puantualpite uh zuak unla lei un.

³⁷‘Amah thukham palsatte tawh a kisimkhawm hi,’ b[85] ci-in kigelh hi. Tua hi a hih thu kei tungah hong tangtung pelmawh ding hi, cih kong gen hi. Himah hi. Kei thu a kigelhsate a tangtung ding hi ta hi," a ci hi.

³⁸Nungzuite in, "Topa en dih in, hiah namsau nih om hi," a ci uh hi. Amah in, "Pha zo hi," a ci hi.

³⁹Jesu a pai ngei bangin Olive Vum ah pai-a, a nungzuite in amah a zui uh hi.

⁴⁰Tua mun a tun ciangin amah in amaute kiangah, "Zia-etna sungah na puk loh nadingun thu na ngen un," a ci hi.

⁴¹Amaute khen suanglot khat tan bangah khukdinin thu ngen a,

⁴²"Pa aw, na ut leh hih hai tawh hong kipelhsak in; ahi zongin kei deihna bang hi loin nangma deihna bang hizaw hen," a ci hi.

⁴³Vantung panin vansawltak khat ama kiangah kilanga, amah a thakhauhsak hi.

⁴⁴Amah lunggimin thu limngetzaw-a, a khua-ul sisanmal bangin leitungah a takkhia hi. c[86]

⁴⁵A thungetna pan dingkhia a, a nungzuite kiangah a pai kik ciangin amaute dah lua-in thazawm uh ahi manin a ihmut laitak uh a tuak hi.

⁴⁶Amah in amaute kiangah, "Note bang hangin ihmu na hi uh hiam? Tho un. Zia-etna sunga na puk loh nadingun thu ngen un," a ci hi.

⁴⁷Tua banga a paupau laitakin mihon khat va paito uh a, Sawm-le-nihte laka khat, Judas kici pa in amaute a makaih hi. Amah in Jesu nam dingin a va naih hi.

⁴⁸Ahi hangin Jesu in ama kiangah, "Judas aw, nang Mihing Tapa khatvei napna tawh lehhek ding maw?" ci-in a dong hi.

⁴⁹Jesu a zuite in hih thu piang ding a muh uh ciangin, "Topa aw, ka namsaute uh tawh ka sat ding uh hiam?" ci-in a dong uh hi.

⁵⁰Tua ciangin amaute lakah khat in, tulpipa nasempa a sat leh a taklam bil a satkhia hi.

⁵¹Ahi hangin Jesu in, "Tu-a zah pha zo!" ci-in a dawng hi. Tua ciangin amah in tua mipa bil lawngin a damsak hi.

⁵²Tua ciangin Jesu in amah man dinga a pai siampi makaite, biakinnpi cing makaite le upate kiangah, "Kei man dinga namsau le khetbuk tawh nong kuan zawzen uh kumpi langpang dinga makaih ka hi hiam?

⁵³Nisimin biakinnpi tualte ah note tawh ka om khawm laitakin khut khat zong nong nga kei uh hi. Ahi hangin tu laitak, note hun ahi, khuamial thuneih hun ahi hi," a ci hi.

⁵⁴Tua ciangin amaute in amah manin paikhiatpih uh a, tulpipa innah a tun uh hi. Peter in a kigamla simsimah a zui hi.

⁵⁵Ahi hangin amaute in inntual laizangah mei cih in a tutkhawm uh ciangin amaute kiangah Peter zong a va tu hi.

⁵⁶Nasem numei khat in meitang ah tua lai-a a tut a mu hi. Tuanu in amah va tel-et a, "Hih pa amah tawh kipawl hi," a ci hi.

⁵⁷Ahi hangin amah in nial a, "Numei aw, ken amah ka thei kei hi," a ci hi.

⁵⁸Tawmvei khit ciangin midang khat in amah mu-a, "Nang zong amaute lakah khat na hi hi," a ci hi. Peter in, "Mipa aw, ka hi peuhmah kei hi!" ci-in a dawng hi.

⁵⁹Nai khat bang khit ciangin adang khat in, "Hih pa amah tawh kipawl pha mahmah, Galilee mi ahi hi," a ci hi.

⁶⁰Peter in, "Mipa aw, na thu gen ka thei peuhmah kei hi!" ci-in a dawng kik hi. Tua banga a pau laitakin ak a khuang hi.

⁶¹Topa kihei a tangtakin Peter a en hi. Tua ciangin Peter in Jesu in ama tunga, "Tuni ak khuan ma-in thumvei nong kitheihmawhbawl ding hi," ci-a a gen a phawk hi.

⁶²Tua ciangin amah a pualam ah pusuak a kah cihtakin a kap hi.

⁶³Jesu a cingte in zahko in a sat uh hi.

⁶⁴Amaute in a mit tunsak uh a, "Nang kuan hong su hiam? Hong gen dih in!" a ci uh hi.

⁶⁵Amaute in engkona kam tampi ama tungah a zang uh hi.

⁶⁶Khuavak tungin tangpi upa vai hawmte, siampi makaite le thukham siate kikhawm uh a, amaute mai-ah Jesu a paipih uh hi.

⁶⁷Amaute in, "Nang Christ a[87] na hileh, hong gen in," a ci uh hi. Jesu in, "Kong gen hangin note in nong um nuam kei uh a,

⁶⁸kong dot hangin nong dawng nuam kei uh hi.

⁶⁹Ahi hangin tu-a kipan Mihing Tapa a thahat Pasian taklamah a tu ding hi," ci-in a dawng hi.

⁷⁰Amaute khempeuh in, "Tua ahileh nang Pasian Tapa na hi hiam?" ci-in a dong huan uh hi. Amah in, "Maan hi, nong cih bang uh ka hi hi," ci-in a dawng hi.

⁷¹Tua ciangin amaute in, "Teci dang kul nawn ding ahi hiam? Eite in ama kam panin i za zo hi," a ci uh hi.