Read Zokam Luke 7 Bible Online

Luke 7 - Zokam bible

Luke 7

¹Jesu in hih thu khempeuh mipite zakin a gen khit ciangin Capernaum ah a lut hi.

²Tua lai-ah zakhat ukpa khat in a pahtak mahmah nasempa cina-a, si dektakin a om hi.

³Zakhat ukpa in Jesu thu za-a Jew upate pawlkhat ama kiangah sawlin, amah pai-a a nasempa a damsak nadingin thumsak hi.

⁴Amaute Jesu kiang a tun uh ciangin, "Hih mipa ading na hihsak ding kilawm hi.

⁵Bang hang hiam cih leh amah in i minam it a, ei Jew-te synagogue hong lamsak ahi manin hong pai hamtang in," ci-in a kun tangtang uh hi.

⁶Tua ahi ciangin Jesu in amaute a zui hi. Amah tuapa inn a tun dektak ciangin zakhat-ukpa in a lawmte sawl a, "Topa aw, kibuaisak dah in. Kei inn sungah nang kong lutsak ding kei adingin kilawm lo hi.

⁷Nang kianga hong pai dinga kilawm ka kisaklohna zong tua hang mah ahi hi. Ahi hangin kammal khat gen lel lecin ka nasempa dampah ding hi.

⁸Kei mahmah zong thuneihna nuai-a om ka hi-a, keima nuai-ah galkapte a om hi. Khat kiangah, ‘Pai in,’ ka cih leh pai-a, adang khat kiangah, ‘Hong pai in,’ ka cih leh hong pai hi. Ka nasempa kiangah, ‘Hih sem in,’ ka cih ciangin a sem hi," a ci hi.

⁹Jesu in hih thu a zak ciangin, tuapa lamdang sa mahmah a, amah a zui mihonpite lam nga-in, "Ken kong geninah, Israel-te lak nangawn ah hih zaha lian upna ka mu nai kei hi," a ci hi.

¹⁰Tua ciangin amah sama kisawlte tung uh a, tua nasempa a damsa in a mu uh hi.

¹¹A sawt loin Nain kici khua ah Jesu pai-a, a nungzuite le mihon tampi in amah zui uh hi.

¹²Amah tua khuapi kongpi a tun kuan ciangin meigongnu khat tapa khat neihsun a sisa in a kizawngkhia hi. Tua khuapi panin mihonpi in tua meigongnu a zui uh hi.

¹³Topa in tuanu a muh ciangin khasiat mahmah ahi manin, "Kap nawn kei in," a ci hi.

¹⁴Tua ciangin va naih a hankuang zawngte a dinkhawl uh hi. Amah in, "Tangvalpa aw, tho in kong ci hi!" a ci hi.

¹⁵Misipa thoto in pau-a, Jesu in a nu kiangah a ap kik hi.

¹⁶Amaute khempeuh in piandang sa in Pasian a phat uh hi. Amaute in, "Eite lakah kamsang lian khat hong kilang ta hi. Ama mite huh dingin Pasian hong pai ta hi," a ci uh hi.

¹⁷Hih Jesu tawh kisai thu Judea a[28] le a kimkot gamsung khua khempeuh ah a kizel hi.

¹⁸John nungzuite in hih thupiang khempeuh John a hilh uh hi. Amaute lakah nih sama,

¹⁹Topa kiangah, "Hong pai ding pa mah na hi hiam? Midang ka na lamen lai ding uh hiam?" cih a dong dingin a sawl hi.

²⁰Tua mite Jesu kiang a tun uh ciangin, "‘Hong pai ding pa mah na hi hiam? Midang khatpeuh ka na lamen lai ding uh hiam?’ cih a dong dingin Baptize-pa John in na kiangah kote hong sawl hi," a ci uh hi.

²¹Tua hun laitak tektekin Jesu in natna satna le kha gilo a veite tampi damsakin, mittaw tampi khua a musak hi.

²²Tua ciangin amah in thupuate kiangah, "Note pai kik unla, na zaksa na muhsa uh thu teng John kiangah va hilh un: Mittawte in khua mu uh hi, khebaite lam pai thei uh hi; miphakte b[29] damsiang uh hi; bilngongte in khua za uh hi; misite kihingkiksak hi; mizawngte kiangah lungdamna thu kihilh hi.

²³Keima hanga a puk lo mi thupha ngah ahi hi," a ci hi.

²⁴John thupuate a ciah khit uh ciangin Jesu in mihonpite kiangah, John thu hih bangin gen a: "Bang en dinga gamlak ah pai na hi uh hiam? Huih mut-a huang pumpeng en dinga paikhia na hi uh hiam?

²⁵Ahi kei leh bang en dinga paikhia na hi uh hiam? Puan hoih silhte en dinga pai na hi uh hiam? Hi lo hi. Puan hoih silhte le a noptatte kumpi-inn sungah a om uh hi.

²⁶Tua ahileh note bang en dingin paikhia na hi uh hiam? Kamsangpa en dingin maw? Hi mah hi. Ken kong geninah, kamsangpa sangin a lianzaw hi.

²⁷Tuapa thu hih bangin kigelh hi: "‘Ka thupuapa na mai-ah ka sawl dinga amah in na mai-ah na lampi ding a sialkhol ding hi,’ a[30]

²⁸Ken kong geninah, numei sung pana suakte lakah Baptisepa John sanga lianzaw kuamah a om kei hi; ahi zongin Pasian gamah a neupen nangawn amah sangin a lianzaw hi," a ci hi.

²⁹(Mi khempeuh, siahdongte nangawn in Jesu thugen a zak uh ciangin Pasian lampi a maan hi, ci-in a sang uh hi; bang hang hiam cih leh amaute John in baptise khin hi.

³⁰Ahi hangin Pharisee-te le thukham siamte John in baptise kha lo ahi manin amau ading Pasian ngimsak na a nolh uh hi.)

³¹"Tua ahileh hih khang mite bang tawh ka teh ding hiam? Amaute bang tawh kibang uh hiam?

³²Sumzuakna munah tu a: " ‘Tamngai kong mutsak uh hangin na laam kei uh hi; misi-la ka sak uh hangin lah na kap kei uh hi,’ ci-in a kigal to naupangte tawh kibang uh hi.

³³Ahang in, Baptize-pa John anne lo lenggahzu dawn loin hong pai-a, ‘Dawi lawm neipa hi,’ na ci uh hi.

³⁴Mihing Tapa hong pai ciangin ne-in dawna, ‘An hai zu haipa, siahdongte le "mawhneite" lawmpa hi,’ na ci zel uh hi.

³⁵Ahi hangin pilna aman a hina a tate khempeuh in lakkhia hi," a ci hi.

³⁶Pharisee-te khat in nitak-an nekpih dingin Jesu sama, tua Pharisee-pa innah pai-in sabuai-ah a kingam hi.

³⁷Jesu in tua Pharisee-pa inn-a an a nek lam mawhna a bawl ngitnget tua khua-a numei khat in a theih ciangin sathau namtui suangngo thawl khat tawi a,

³⁸Jesu nunglam a khe phungah kap kawmin dinga a khitui in Jesu khepekte a kawtsak hi. Tua khit ciangin a samin nul-a, namin a sathau namtui a buak hi.

³⁹Amah a sam Pharisee-pa in a muh ciangin, "Hih pa kamsang ahileh amah a lawng kua hi-a hih nu bangci numei hi-in, mawhnei khat ahilam a thei ding hi," amah le amah a kici hi.

⁴⁰Jesu in ama kiangah, "Simon aw, kong gen nop khat a om hi," ci-in a dawng hi. Amah in, "Sia aw, hong gen in," a ci hi.

⁴¹Jesu in, "Sum pakhak pa khat tungah mi nih in sum ba uh hi. Khat in denarii b[31] zanga ba-in adang khat in sawmnga a ba hi.

⁴²Amaute in a leiba uh loh zo lo tuak uh ahi manin amah in a leibate a nihin maisak tuak hi. Tua ahileh tuate gel kua pen in amah nak itzaw ding ahi hiam?" ci-in a dong hi.

⁴³Simon in, "Leiba a tamzaw a kimaisakpa hi-in ka um hi," ci-in a dawng hi. Jesu in, "A mantakin na khen zo hi," a ci hi.

⁴⁴Tua ciangin amah tuanu lamah kihei-a Simon kiangah, "Hih nu na mu hiam? Na innah kong hawh a, ka khe sil nading tui nong pia kei hi. Ahi hangin amah in ka khepekte a khitui tawh kawtsakin a samin a nul hi.

⁴⁵Nang nong nam kei a, ahi hangin hih nu in innsung kong luta kipan tawlnga loin ka khepekte a nam hi.

⁴⁶Nang, ka lu sathau nong nilh kei a, amah in ahileh ka khepekte sathau namtui a buak hi.

⁴⁷Tua ahi manin ken kong geninah, ama mawhna tampite kimaisak zo ahi manin tampi-in a it hi. Ahi hangin tawmkha a kimaisakte in a tawm it uh hi," a ci hi.

⁴⁸Tua ciangin Jesu in tuanu kiangah, "Na mawhnate kimaisak zo hi," a ci hi.

⁴⁹Lengla dangte in, "Mawhnate nangawn a maisak hih mipa kua ahi hiam?" ci-in a kiho uh hi.

⁵⁰Jesu in numei kiangah, "Na upna in nang hong honkhia zo hi; lungnuamin ciah in," a ci hi.