Read Zokam Thupiakkikna 33 Bible Online

Thupiakkikna 33 - Zokam bible

Thupiakkikna 33

¹Pasian mipa Moses in a sih ma-a Israel-te tungah a piak thuphate hihte ahi hi.

²Amah in: "Sinai panin TOPA hong pai a, Seir panin amaute tungah suakkhia-in, Paran Vum panin a tangkhia hi. Amah leitaw-lam panin ama mualdungah a[51] misiangtho tampi tawh b[52] hong ton hi.

³Hi takpi hi, nang in mite a itpa na hi a, misiangthote khempeuh nangma khut sungah a om hi. Na khephungah amaute kun uh a, nang tung panin lamlahna a ngah uh hi;

⁴Jacob mipite neih dingin Moses in tua thukham ko hong pia hi.

⁵Mite makaite, Israel behte tawh a kikhop uh ciangin amah Jeshurun c[53] tungah kumpipa ahi hi.

⁶"Reuben si loin nungta henla, ama mi tawm kei d[54] ta hen.

⁷Tuateh Judah thu a genna hih ahi hi: "TOPAaw, Judah kikona za in; ama mite kiangah puak in. Ama khut in amah a dal hi. Galte a dona ah amah huh in."

⁸Levi thu ah: "Na Thummim le na Urim, na angvan mipa aa ahi hi. Amah Massah ah na zia-et a, Meribah tuite ah amah tawh na kisel uh hi.

⁹Amah in a nu le a pa, ‘Amaute ka thusim kei hi,’ ci hi. Amah in a sanggampate theikha loin ama tate phawk lo-a, ahi hangin na thugen kemcingin na thukhun a len cinten hi.

¹⁰Amah in na gamtatna thuseh Jacob hilh a, na thukham Israel a hilh hi. Na mai-ah gimnamtui hong pia-a, na biakna-tau ah meihal biakna buppi hong pia hi.

¹¹TOPA aw, ama siamna khempeuh thupha pia inla, a khuta a septe tawh lungkim in. Ama langa pangte kawngguh vatsak inla; a tho zo nawn lo dingin a galte vatsak in," a ci hi.

¹²Benjamin tawh kisai-in: "TOPA in a itpa, amah in sun nilohin dal ahi manin ama sungah khawl hithiat a, TOPA itpa ama liangko kikalah a khawl hi," a ci hi.

¹³Joseph tawh kisai-in: "TOPA in a gam thupha pia in, tunga van pan daitui manpha le nuai-a om tuithukte tawh

¹⁴ni in a puakkhiat a hoihpente le khapi gahsuah a hoihpente tawh

¹⁵tanglai mualte letsong limcipente le tawntung mualneute gah phatna tawh;

¹⁶leitung in, letsong hoihpente tawh kidim le sawlbawk kuang kawma tengpa angvanna pia ta hen. Hihte khempeuh Joseph lutungah khawl henla, a sanggam pasalte laka e[55] kumpi a suakte taltangah om ta hen.

¹⁷A thupina lamah bawng tacil a tal bangin; a ki gam-bawngtal ki bang henla, tuate tawh leimongte nangawna om minamte si liam hen. Tua bangin Ephraim tulsawmte hi henla, tua bangin Manasseh tul tampite hi hen," a ci hi.

¹⁸Zebulun tawh kisai-in: "Zebulun aw, na paikhiatna ah nuamsa inla, Issachar aw, na puanbuk sungah nuamsa in.

¹⁹Amaute in mualtungah mite sam ding uh a, tua lai-ah a thumaan biakna a pia ding uh hi; amaute in tuipite bucinna le sehnel sunga goute in pawi a bawl ding uh hi," a ci hi.

²⁰Gad tawh kisai-in: "Gad kumpi gam a khangsakpa thupha ngah ahi hi! Tua lai-ah humpi bangin Gad tenga, lutang le ban a balkham hi.

²¹Leitang hoihpenna mun amah’n teel a; a makaite tanh ama adingin a kikoih hi. Mipite lutang teng a kikhop uh ciangin amah in, TOPAthumaanna in a deihna le Israel tawh kisai thukhennate a semkhia hi," a ci hi.

²²Dan tawh kisai-in: "Dan in Bashan panin a diangkhia humpinelkai no ahi hi," a ci hi.

²³Naphtali tawh kisai-in: "Naphtali in TOPA angvanna kicing ngahin ama thupha tawh a kidim hi; amah in leitaw lampang bual dong a luah ding hi," a ci hi.

²⁴Asher tawh kisai-in: "Tapate sung panin Asher in thupha a ngah pen hi; a sanggamte in amah angvan henla, sathau sungah a khe silsak uh hen.

²⁵Na kongpi kalhnate uh sik le sumngo hi dinga na nuntak sungteng uh na thakia ngei kei ding uh hi.

²⁶"Nang hong huh dingin vante tunga tuang le thupina tawh meii tunga tuang Jeshulun’ Pasian tawh a kibang khat beek a om kei hi.

²⁷Tawntung Pasian nangma bukna hi a, ama tawntung bante nuai-ah a om hi. Amah in na mai panin na galte hawlkhia dinga, ‘Amah susia un!’ ci ding hi.

²⁸Tua ciangin Israel guak lungmuangtakin teng dinga, Jacob suante ahileh vante in daitui a kiatsakna, an le zuthak kicinna gamah a teng ding uh hi.

²⁹Israel aw, nang thupha hong kipia hi! TOPA in nang banga a hotkhiat kua om ahi hiam? Amah nang hong huhpa le na lum hi a, a minthang na namsau ahi hi. Na mai panun na galte uh maizum dinga, amau munsangte na tuancil ding uh hi," a[56] a ci hi.