Read Zokam Thupiakkikna 34 Bible Online

Thupiakkikna 34 - Zokam bible

Thupiakkikna 34

¹Tua ciangin Moab zanglei panin Jericho gala Nebo Vum a Pisgah dawnah Moses a kahto hi. Tua lai-ah TOPA in a gam buppi - Gilead pan Dan ciang,

²Naphtali gam khempeuh, Ephraim le Manasseh gam teng, Judah gam khempeuh nitumna-lam tuipi dong b[57]

³Negev le Jericho Kuam, Nisuh khuapi pan tua kual buppi Zoar ciang dong a lak hi.

⁴Tua ciangin TOPA in Moses kiangah, "Hih gam in keimah kiciamin Abraham, Isaac le Jacob-te tungah, ‘Na suante uh tungah ka pia ding hi,’ ci-a ka khapsa gam ahi hi. Na mitin kong muhsak hangin kantanin tua lai-ah na pai kei ding hi," a ci hi.

⁵Tuateh TOPA gensa bangin TOPA’ nasempa Moses tua lai Moab ah a si hi.

⁶Amah in Beth Peor kuam tawh kigalsai Moab ah amah c[58] a vui hi; ahi hangin tuni dong a han omna kuamah in a thei kei hi.

⁷Moses a sih in kum za le sawmnih pha napi a mit lah mial loin a tha zong a kia tuan kei hi.

⁸Israel-te in Moab zanglei ah kahna le thumna hun a bei mateng ni sawmthum sung Moses adingin a dah uh hi.

⁹Tu-in Moses in Nun’ tapa Joshua tungah a khut nga khin ahi manin amah pilna kha d[59] tawh a kidim hi. Tua ahi ciangin Israel-te in ama thu ngai uh a, Moses tunga TOPA thupiaksate a sem uh hi.

¹⁰Tua huna kipan Israel-te sungah Moses banga TOPA in maitang kituah-a, a theih le

¹¹Egypt tung - Pharaoh le a uliante khempeuh le a gambuppi tunga a bawl a piandang limte le a lamdangte TOPA in a bawlsak kamsang dang a om kei hi.

¹²Ahang in, Israel-te khempeuh muh in Moses in a bawl bangin a thahat vangliatna le a lauhuai nate kuamah in a lak ngei kei hi.