Read Zokam Thupiakkikna 7 Bible Online

Thupiakkikna 7 - Zokam bible

Thupiakkikna 7

¹TOPA note Pasian in na neih ding uh gamah hong puakin na lut uh ciangin, minam tampi - Hit-te, Girgash-te, Amor-te, Canaan-te, Periz-te, Hiv-te le Jebus-te - note sangin lianzaw in a hatzaw minam sagihte note mai-ah hawlkhia a,

²TOPA note Pasian in amaute hong pia in na zawh uh ciangin amaute na susia khin kiuhkeuh a[16] ding uh hi. Amaute tawh thu ciam loin na lainat kei ding uh hi.

³Amaute tawh na kiteng kei ding uh hi. A tapate uh tungah na tanute uh pia loin, na tapate uh adingin a tanute uh na la kei ding uh hi.

⁴Ahang in, amaute in na tapate uh kei hong zuihna panun pialsakin pasian dangte na sem ding uh a, note tungah TOPA hehna kuangin hong susia pah kha ding hi.

⁵Amaute hih bangin na bawl ding uh hi: A biakna-taute uh phelkhia-in, a suang siangthote uh dengkham unla Asherah khuamte b[17] phukin a milimte uh mei-in haltum un.

⁶Ahang in, TOPA note Pasian tungah a siangtho mite na hi uh hi. TOPA note Pasian in lei maitanga mi khempeuh panin ama mi suakin, ama gou neih dingin note hong telkhia khin hi.

⁷Midangte sangin note na tamzawk mahmah manun TOPA in note hong ittuama hong teel hi lo hi, ahang in minam khempeuh lakah a tawmpen na hi uh hi.

⁸Amah in salsuahna gam panin hong tan-a, Egypt kumpipa Pharaoh vangliatna panin a thahat khut tawh hong paikhiatpihna in, TOPA in note hong it man le na pute uh tungah kamciamin a thuciamna a zuih hang ahi hi.

⁹Tua ahi ciangin TOPA note Pasian pen Pasian ahilam thei un; amah a muanhuai Pasian hi-a, amah it-in a thupiak a zuite tungah ama itna thukhun khang tulkhat dongin a kiplet hi.

¹⁰Ahi hangin amah a mudahte a hileh amaute maitang mah ah kisiatna in thuk kika; amah a mudahte a maitang-a, a thuk kik ding a ziakai kei ding hi.

¹¹Tua ahi ciangin tuni-a kong piak, thupiakte, thukipte le thukhamte na zuih nadingun limtakin ngaihsun un.

¹²Hih thukhamte na thupi sim uh a, tuate limtaka na zuih uh leh TOPA note Pasian in na pute uh tawh a thuciam bangin note tawh a itna thukhun a kiplet ding hi.

¹³Amah in note hong it-in thupha hong pia dinga hong pungsak ding hi. Amah in na pute uh tungah note piak dinga a ciamsa gamah na naubu gahte uh, na leitang ua ankungte - na antangte uh, zuthak le sathau - na ganhonte un note, na tuuhon te un note thupha a pia ding hi.

¹⁴Midangte sangin note thupha hong kipiazaw dinga; na mite uh numei ahi a pasal ahi zongin ta nei lo om loin na ganhingte uh zong a ciing a om kei ding hi.

¹⁵TOPA in natna namkim panin hong suaktasak ding hi. Egypt a na theihsa uh natna nasiapite hong thuaksak lo dinga, ahi hangin no hong mudahte a thuaksak ding hi.

¹⁶TOPA note Pasian in note hong piaksa mite khempeuh na susia pelmawh ding uh hi. No aa in thang suak ding ahi manin hehpihhuai sa kei unla a pasiante uh na sem kei un.

¹⁷No le no in, "Hih minamte ei sangin thahatzaw uh hi. Bangci nawhkhiat zo ding i hi hiam?" na ci kha ding uh hi.

¹⁸Amaute kihta peuhmah kei un; TOPA note Pasian in Pharaoh le Egypt tunga a bawl khempeuh limtakin ciamteh un.

¹⁹TOPA note Pasian in note hong paikhiatpihna - zia-etna lianpite, a tuampian limte le a lamdangte, a thahat khut le a kizankhia bante na mit mahmah uh tawh na muhsa uh ahi hi. TOPA note Pasian in tu-a na kihtak uh mite khempeuh tungah tua mah bangin a sem ding hi.

²⁰Tua tham loin TOPA note Pasian in no muhlohna muna a bu a suakta sunte nangawn a manthan nadingun tunpi a sawl ding hi.

²¹Note laka om TOPA note Pasian in a lian mahmah le a kihtakhuai Pasian ahi manin amaute kilauthawngsak kei un.

²²TOPA note Pasian in note mai panin minamte tawmtawmin a nawhkhia ding hi. Thakhatin a veka nawhkhiatpah ding hong kiphal kei ding hi. Kihawlkhia khin pah leh note kimah gamsa tam lua ding hi.

²³Ahi hangin TOPA note Pasian in no tungah amaute hong pia dinga, amaute a kisuksiat khit matengin siatna lianpi sung a denna ding hi.

²⁴Amau kumpite note khut sungah hong pia dinga, van kikhupsin nuai panin amaute min na phiatkhia ding uh hi. Note langah mi khat beek pang zo lo dinga; amaute na susia ding uh hi.

²⁵A kiseektawm amau pasiante mei ah na khul ding uh hi. Tuate tunga om ngun le khamte enlah loin no adingin zong na la kei ding uh hi; TOPA note Pasian in tuate kih ahi manin note thang hong kisiahna suak kha ding hi.

²⁶A kihhuai na khatpeuh na inn uh tun kei un, na tut uh leh tuate tawh note suksiat dingin hong kituam koih ding hi. A kihhuai nate suksiat dingin kituam koih ahi manin mudahin kih cihtakin kih un.