Read Zokam John 1 Bible Online

John 1 - Zokam bible

John 1

¹Atungin Thu om-a, tua Thu Pasian tawh omkhawmin, tua Thu Pasian ahi hi.

³Ama tungtawnin na khempeuh kibawl hi. A kibawlsate khempeuh ama bawlloh a om kei hi.

⁴Ama sungah nuntakna om-a, tua nuntakna, mite khuavak ahi hi.

⁵Khuamial sungah tua khuavak tanga, ahi hangin khuamial in amah a theitel a[1] kei hi.

⁶Pasian kiang pana hong kisawl mi khat a om hi. Ama min John ahi hi.

⁷Mi khempeuh in ama tungtawnin tua khuavak a up theih nadingin khuavak tawh kisai a theisak dingin teci-a hong pai ahi hi.

⁸Amah ahileh tua khuavak ahi kei hi. Khuavak tawh kisai teci-a hong pai hi bek hi.

⁹Mikim tungah a tang tua khuavak taktak leitungah hong pai hi. b[2]

¹⁰Amah leitungah om-a, leitung ama piansak hi napi leitung in amah a thei kei hi.

¹¹Ama aa mahmah ahi te kiangah hong pai ahi hangin ama aa te in amah a sang kei uh hi.

¹²Ahi zongin amah a sangte khempeuh, ama min a umte khempeuh tungah Pasian tate suah nading thuneihna a pia hi.

¹³Tuate pianngei tate c[3] banga suak hi lo, mihing khensatna bang le pasal deihna pana suak zong hi lo, Pasian pana suak ahi uh hi.

¹⁴Tua Thu, ci-le-sa suak a, eite lakah amah a teng hi. Eite in ama minthanna - Pa kiang pana hong pai thutak le hehpihna a dim Tapa d[4] neihsun minthanna i mu khin hi.

¹⁵Amah tawh kisai John in teci a pang hi. Amah in, "‘Kei nunga hong pai pa, kei ma-a om khin ahi manin amah in kei hong khup zo hi,’ ci-a ka genpa hih pa ahi hi," ci-in kiko hi.

¹⁶A kicing ama hehpihna panin eite khempeuh in thupha khat khit khat i ngah hi.

¹⁷Ahang in, Moses tungtawnin thukham kipia hi. Jesu Christ tungtawnin hehpihna le thutak hong pai ahi hi.

¹⁸Kuamah in Pasian a mu ngei kei hi. Ahi hangin Pa kianga om Tapa neihsun bek e[5] f[6] in amah a kitheisak zo hi.

¹⁹Tu-in Jerusalem a Jew-te in, John kua hiam cih a dong dingin siampite le Levi-te ama kiangah a sawl uh ciangin ama teci panna hih ahi hi.

²⁰Amah ki-im loin teltakin kipulak a, "Kei, Christ ka hi kei hi," g[7] kici hi.

²¹Amaute in, "Tua ahileh nang kua na hi hiam? Elijah na hi hiam?" ci-in a dong uh hi. Amah in, "Ka hi kei hi," a ci hi. "Nang Kamsangpa pen na hi hiam?" ci-a a dot uh ciangin, Amah in, "Ka hi kei hi," ci-in a dawng hi.

²²A tawpna ah amaute in, "Nang kua na hi hiam? Ko hong sawlte kianga ka gen kik ding uh dawnna khat hong nei in. Nang kua kici na hiam?" ci-in a dong uh hi.

²³John in Isaiah kammalte zangin dawng a, "‘Topa ading lampi na tangsak un,’ ci a gamlaka kiko pa aw, keimah ka hi hi," a[8] a ci hi.

²⁴Tua ciangin a kisawl Pharisee-te pawlkhat in,

²⁵"Christ lah hi lo, Elijah lah hi lo, tua Kamsangpa lah hi lo na hileh bang hangin baptise na hi hiam?" ci-in a dong uh hi.

²⁶John in, "Keimah in tui in b[9] ka baptize hi. Ahi hangin note lakah na theih loh uh mi khat a om hi.

²⁷Amah ka nunga hong pai pa ahi hi; ama khedapkhau sut ding nangawnin ka cin zo kei hi," ci-in a dawng hi.

²⁸Hihte khempeuh John baptisena mun Jordan galkhat lam Bethany khua a thupiang ahi hi.

²⁹A zing ciangin ama lam manawh a Jesu hong pai John in a muh ciangin, "En un, leitung mawhna a puakhia Pasian Tuuno!

³⁰‘Ka nunga hong pai pa, ka mai-a omsa ahi manin kei hong khup zo hi,’ ci-a ka kiko lai-a ka genpa hih pa ahi hi.

³¹Kei zong amah ka thei kei hi. Ahi hangin baptise-a kong paina pen Israel-te tunga amah a kipulak nading ahi hi," a ci hi.

³²Tua ciangin John in teci panga: "Vantung panin vakhu bangin Kha hong kumsuka, ama tunga khawlden ka mu hi.

³³Baptize dinga kei hong sawlpa, ‘Kha hong kumsukin ama tunga a khawlna pa pen Khasiangtho-a hong baptize ding pa ahi hi,’ ci-in kei hong hilh lo hileh amah ka thei kei ding hi.

³⁴Ken ka mu khin ta a, Pasian Tapa hi, cih teci ka pang hi," ci-in a gen hi.

³⁵A zing ciangin John a nungzuite lakah nih tawh tua lai-ah a om kik uh hi.

³⁶Amah in Jesu hong pai a muh ciangin, "En un, Pasian’ Tuuno!" a ci hi.

³⁷A nungzuite in hih thu a zak uh ciangin Jesu nung a zui uh hi.

³⁸Jesu kihei-a, amaute in a nung a zuih uh a muh ciangin, "Bang deih na hi uh hiam?" ci-in a dong hi. Amaute in, "Rabbi, (Siapa cihna) nang koi-a taam na hi hiam?" a ci uh hi.

³⁹Amah in, "Hong pai le uh cin na mu ding uh hi," ci-in a dawng hi. Amaute va pai uh a, a omna a mu uh hi. Amah tawh tua ni a taam khawm uh hi. Tua hun nai sawmna pawl ahi hi.

⁴⁰John thugen za-a Jesu nung a zui nihte lakah Simon, Peter sanggampa Andrew khat ahi hi.

⁴¹Andrew in a hih masak pen a sanggampa Simon zonga, "Messiah (Christ cihna) ka mu zo uh hi," ci-in a va gen ahi hi.

⁴²Tua ciangin Jesu kiangah amah a paipih hi. Jesu in amah en a, "Nang John tapa Simon na hi hi, na min ‘Cephas’ (a kileh ciang Peter c[10]) kici ding hi," a ci hi.

⁴³A zing ciangin Jesu in Galilee lamah pai a sawm hi. Philip mu-a, "Ka nung hong zui in," a ci hi.

⁴⁴Andrew le Peter mah bangin Philip zong Bethsaida khuapi mi mah ahi hi.

⁴⁵Philip in Nathanael a muh ciangin, "Moses in Thukham sunga ama thu a gelh, kamsangte in zong amah tawh kisai a na gelh uh, Joseph tapa Nazareth mi Jesu ka mu zo uh hi," a ci hi.

⁴⁶Nathanael in, "Nazareth e! Tua panin na hoih piang thei maw?" ci-in a dong hi. Philip in, "Hong pai inla hong en in," a ci hi.

⁴⁷Nathanael ama kiang zuana pai Jesu in a muh ciangin, "Hih lai-ah a sunga khialhna khat beek a om lo Israel mi taktak khat a om hi," ci-in a gen hi.

⁴⁸Nathanael in, "Kei bang hong ci theih na hi hiam?" ci-in a dong hi. Jesu in, "Philip in nang hong sap ma, theikung nuai-a na om lai-in kong thei zo hi," a ci hi.

⁴⁹Tua ciangin Nathanael in, "Rabbi, nang Pasian Tapa na hi hi. Israel Kumpipa na hi hi," ci-in a genkhia hi.

⁵⁰Jesu in, "Theikung nuai-ah nang kong mu zo hi, ci-a kong gen manin na um d[11] hi. Tua sanga thupizaw nate na mu ding hi," a ci hi.

⁵¹Amah in, "Nang e[12] thutak kong geninah: Van kihongin, Mihing Tapa tungah Pasian vansawltakte a kumsuk le a kahto na f[13] mu ding hi," ci-in a genbeh lai hi.