Read Zokam John 3 Bible Online

John 3 - Zokam bible

John 3

¹Jew-te vaihawm pawlte lakah Nicodemus kici Pharisee-te khat a om hi.

²Amah zanin Jesu kiangah va pai-a, "Rabbi aw, Pasian kiang pana hong pai siapa na hi cih ka thei uh hi. Ahang in, Pasian in a ompih kei leh kuamah in na bawl lim lamdangte a bawl thei kei ding hi," a ci hi.

³Jesu in a dawnna in, "Thutak kong geninah, ‘Mi khatpeuh a suah kik c[17] kei leh Pasian gam a mu thei kei hi," a ci hi.

⁴Nicodemus in, "A khangham khinsa mi khat bangci in suak kik thei ding ahi hiam?" ci-in dong a, "A nih veina a suak dingin a nu sungah lut kik thei lo takpi mah ding hi!" a ci hi.

⁵Jesu in, "Thutak kong geninah, tui le Kha-a suak kik lote peuhmah Pasian gamah a lut thei kei hi.

⁶Ci-le-sa in ci-le-sa mah piangsaka, Kha d[18] in kha mah a piangsak hi.

⁷Nang e[19] suahkiksak pelmawh ding na hi hi ‘kong cih lamdang sa kei in.

⁸Huih, a utna peuhah a nung hi. Aging na za hi, ahi hangin koi pan hong nung a, koi lamah nung ding cih na thei kei hi. Kha pana piang mi peuhmah tua bang ahi hi," a ci hi.

⁹Nicodemus in, "Hih thu bangci pian theih ding hiam?" ci-in a dong hi.

¹⁰Jesu in, "Nang Israel-te siapa hi napi hih nate thei lo na hi hiam?

¹¹Thutak kong geninah, kote in ka theih uh ka gen uh a, ka muhsa uh teci ka pang uh hi, ahi hangin no mite in ka tecipanna uh na sang kei lai uh hi.

¹²Note kiangah leitung nate thu ka gen hangin na um kei uh hi. Tua ahileh vantung nate thu ka gen hangin bangci up thei ding na hi uh hiam?

¹³Vantung pana hong pai Mihing Tapa f[20] longal vantungah kuamah a pai ngei kei hi.

¹⁴Moses in gamlakah gul a khai bang tektekin Mihing Tapa kikhai ding hi.

¹⁵Amah a um mite khempeuh in, nuntak tawntungna a neih theih nading ahi hi. g[21]

¹⁶Pasian in leitung it lua ahi manin, a Tapa a um khempeuh mangthang lo-a nuntak tawntungna a neih nadingin a Tapa khat neihsun h[22] a pia hi.

¹⁷Ahang in, leitung mawhpaihsak dingin Pasian in a Tapa leitungah a sawl kei hi. Ama tung tawnin leitung a honkhia dingin a sawl hizaw hi.

¹⁸Amah a um khempeuh a kimawhpaih kei hi. Ahi hangin amah a um lo mi peuhmah Pasian Tapa i[23] khat neihsun a min um lo ahi manin mawh paihsa ahi hi.

¹⁹Thutanna hih ahi hi: Leitungah Khuavak hong tung zo hi, ahi hangin mihingte in a gamtatnate uh gilo ahi manin khuavak a it tangun khuamial a it uh hi.

²⁰Gitlohna a hih mi peuhmah in a gamtatnate a kipholak ding lau ahi manin khuavak mudah a, khuavak ah a lut kei ding hi.

²¹Ahi hangin thutaka a nungta mi peuhmah, a gamtatna khempeuh Pasian tungtawna sem a hina teltaka a kilat nadingin khuavak ah a lut hi," j[24] a ci hi.

²²Hih teng khit ciangin Jesu le a nungzuite Judea gam sungah pai uh a, tua lai-ah amaute tawh tawlkhat sung taamin a baptise uh hi.

²³Tu-in John in zong Salim kiang Aenon munah a baptise hi. Bang hang hiam cih leh, tua munah tui tam ahi manin a kibaptise dingin mite va pai den uh hi.

²⁴(Hih pen thong sunga John a kikhum ma ahi hi).

²⁵John nungzuite le Jew a[25] pawlkhat kikalah biakna ngeina zui-a kisilna tawh kisai-in kiselna a piang hi.

²⁶Amaute John kiangah pai uh a, "Rabbi aw, Jordan gala na ompihpa - ama thu na genpa in baptise-a mi khempeuh in amah zuan uh hi," a ci uh hi.

²⁷Hih thu ah John in, "Mihingte in vantung pana kipiate bek ngah thei hi.

²⁸‘Kei, Christ b[26] ka hi kei hi. Ama mai-a hong kisawlpa ka hi hi,’ ci-a ka gen note mahmah in teci na pang thei uh hi.

²⁹Mo pen zineipa aa ahi hi. Zineipa lawmpa in zineipa kithuahpihin ngak-a, zineipa aw a ngai hi; zineipa aw a zak ciangin lungnopna tawh a kidim hi. Tua lung nopna kei aa hi-a tu-in kicing ta hi.

³⁰Amah lian semsem dinga, kei ka neu semsem ding hi.

³¹"Tunglam pana hong paipa na khempeuh tungah a om hi. Leitung pana hong paipa leitung aa hi-a leitung mi bangin thu a gen hi. Van tung pana hong paipa ahileh mi khempeuh tungah a om hi.

³²Amah in a muhsa le a zaksa teci panga, ahi hangin a teci panna kuamah in a sang kei hi.

³³Ama teci panna a sang mi in Pasian thutak ahi hi, cih a thukimpih ahi hi.

³⁴Ahang in, Pasian sawlpa in Pasian thute a gen hi. Pasian c[27] in ama tungah ciangtan loin Kha a pia hi.

³⁵Pa in Tapa it a; na khempeuh a khutah a koih hi.

³⁶Tapa a um mi peuhmah in nuntak tawntungna a nei hi; ahi hangin Tapa a nial peuhmah in nuntakna a mu kei ding hi; ahang in, Pasian thangpaihna ama tungah a om hi," d[28] a ci hi.