Read Zokam Nasepte 14 Bible Online

Nasepte 14 - Zokam bible

Nasepte 14

¹Iconium a Jew-te synagogue ah Paul le Barnabas a paingei bang un a pai uh hi. Tua-a a thugenna un mi lungsim sukha lua ahi manin Jew-te le Gentile-te tampitak in a um uh hi.

²Ahi hangin a um nuam lo Jew-te in Gentile-te tawsawn uh a, sanggamte langpang dingin a lungsim uh a hihsiatsak uh hi.

³Tua lai-ah amah in Paul le Barnabas lim lamdangte le a lamdangte bawl theisakin ama hehpihna thupuakte a kipsak pa Topa adingin hangtakin thu genin hun sawt khop a zang uh hi.

⁴Khuapi mite kipawl khen uh a, pawlkhatte Jew-te lamah pangin adangte sawltakpite lamah a pang uh hi.

⁵Tua lai-ah Gentile-te le Jew-te lakah a makaite uh tawh amaute bawlsiat ding le suanga den ding a sawmsimna uh kipan hi.

⁶Ahi hangin amaute in tua thu theikhia uh a, Lycaonia khuapite ahi Lystra, Derbe le a kima gamte ah tai-in,

⁷tua lai-ah lungdamna thu a hilh veve uh hi.

⁸Lystra ah a suah tunga kipan khebai, lam pai ngei lo khe poi khat a om hi.

⁹Paul a paupau laitakin amah in thu va ngai hi. Paul in amah tangtakin enin, dam nading upna a neih lam mu a,

¹⁰"Na khe in ding in!" a ci hi. Tuateh mipa diangto paha lam a pai hi.

¹¹Mihonte in Paul nasepsate a muh uh ciangin, "Eite kiangah pasiante mihing bangin hong paisuk hi!" ci-in Lycaonia pau-in a kiko uh hi.

¹²Barnabas pen Zeus ci uh a, Paul pen a thugen makai ahi manin Hermes ci uh hi.

¹³Khuapi pua mahmah a biakinn nei pa siampi Zeus in khuapi kongpite ah bawngtal le pak kualte a va puak hi. Bang hang hiam cih leh amah le mihonpite in amau tungah biakpiakna pia nuam uh hi.

¹⁴Ahi hangin sawltakpi Barnabas le Paul-te in a zak uh ciangin a puansilh lai uh balkek uh a, mihonpite lakah tai-in a kiko uh hi.

¹⁵"Mite aw, bang hangin hih bawl na hi uh hiam? Kote zong no mah bangin mihing lel ka hi uh hi. Kote in lungdamna thu no hong puakin, hih kimanna a nei lo nate panin, van le lei le tuipi le tuate sunga omte a bawl a nungta Pasian lama na kihei ding uh hong gen ka hi uh hi.

¹⁶Amah in a beisa hunin, minam khempeuh amau ut bangbangin gamtasak hi.

¹⁷Tua hi napi teci panna om loin amaute a mawk nusiat kei hi: vantung pana guah le amau hun ciata, a gah an pia-in a migitna hong lak hi. An tampi-in hong vaka, na lungtang uh lungnop na tawh a dimsak hi," a ci uh hi.

¹⁸Hih thute nangawn tawh amaute tunga kithoihna bawl ding mihonte a kham zo kei dektak uh hi.

¹⁹Tua ciangin Antioch le Iconium panin Jew-te pawlkhat va pai uh a, mihonte a thu zawh uh hi. Amaute in suangin Paul deng uh a, a sisa in ngaihsunin khuapi pua-ah a talkaihkhia uh hi.

²⁰Ahi hangin ama kimkotah nungzuite a kikhop khit uh ciangin amah tho-a khuapi sungah a lut kik hi. A zing ciangin amah le Barnabas Derbe ah a pai uh hi.

²¹Tua khuapi ah amaute in lungdamna thu hilh uh a, nungzui tampitak a ngah uh hi. Tua ciangin amaute Lystra, Iconium le Antioch ah ciah kikin

²²nung zuite thakhauhsak uh a, upna-ah thutakin a om den nading uh a hanthawn uh hi. Amaute in, "Pasian gam i lut nadingin haksatna tampi i thuak ding mah ahi hi," a ci uh hi.

²³Amau pawlpi tekah Paul le Barnabas in upate sehsak d[56] uh a, a muante uh thungetna le antanna tawh Topa tungah a ap uh hi.

²⁴Pisidia gam sung tawna a pai khit uh ciangin Pamphylia tung uh a,

²⁵Perga ah thu a gen khit uh ciangin Attalia ah paisuk uh hi.

²⁶Attalia panin a zawh khitsa uh nasepte sem dinga, Pasian hehpihna sunga a ki-apna uh Antioch ah tembaw in a ciah kik uh hi.

²⁷Tua lai a tun uh ciangin amaute in pawlpi teng kai khawm uh a, amaute tungtawna Pasian nasepnate khempeuh le Gentile-te tungah upna kong a kihon takpinate a zasak uh hi.

²⁸Tua lai ah nungzuite tawh sawt veipi a taam uh hi.