Read Zokam 1 Corinth-te 13 Bible Online

1 Corinth-te 13 - Zokam bible

1 Corinth-te 13

¹Tu-in a hoihpipen lampi kong lak ding hi. Mihingte pau le vansawltakte pau-in c[32] ka pau theih hangin itna ka neih kei leh zam ahikeh daltuah ging bang lel ka hi hi.

²Thugentheihna letsong nei-in thuthuk khempeuh le theihna khempeuh thei-in mual a kinsak zo upna ka neih hangin itna ka neih kei leh a mawkna ka hi hi.

³Ka neihsa khempeuh mizawngte pia-in ka pumpi mei-a hal d[33] dingin ka pumpiak hangin itna ka neih kei leh bangmah ka lawhtak kei hi.

⁴Itna lungduai a, itna a migi hi. Eng loin a kisial kei a, a kisathei kei hi.

⁵Gamhtat loin ama angsung ding bek zong lo a, heh baih loin gamtatkhialhnate a ciamteh kei hi.

⁶Itna in gitlohna pakta lo a, ahi hangin thutak ah a lungdam hi.

⁷Itna in hu tawntungin, muang dena; lamen den in, a tawntungin a thuak keikai hi.

⁸Itna a bei ngei kei hi. Kamsanga thugennate a om hangin a bei ding hi; paute a om hangin a dai ding hi; theihna a om hangin a beimang ding hi.

⁹Ahang in, eite in a kim loin i thei a, a kim loin thu i gen hi.

¹⁰Ahi hangin kicinna hong tun ciangin kicinlohna a maimang ding hi.

¹¹Naupang ka hi laitakin naupang bangin ka pau hi; naupang bangin ka ngaihsun a, naupang bangin ka khaikak hi. Ka khan khit ciangin naupang vaite ka nusia hi.

¹²Tu-in limlang ah ahi milmial a muh bangin i muh hangin tua hun ciangin kimaituahin i mu ding hi. Tu-in a kim loin ka thei hi; tua hun ciangin a kicinga kei hong kitheih khit bangin a kicingin ka thei ding hi.

¹³Tu-in upna, lametna le itna hih thumte a om den hi. Ahi hangin hih thumte lakah itna a lianpen hi.