Read Zokam 1 Corinth-te 5 Bible Online

1 Corinth-te 5 - Zokam bible

1 Corinth-te 5

¹Note lakah numei-pasal paktatna om a, lawkite lak nangawna a om ngei lo: Mi khat in a pa zi tenpih hi, cih thu hong kithang takpi hi.

²Na kisathei laidep uh hi! Na dah mahmah ding uh hizaw a, tua banga gamta mipa na kipawlna panun na puaseh ding uh hi lo ahi hiam?

³Ka pumpi in kong om loh hangin kha-in no tawh ka omkhawm hi. Kei om mah tawh kibangin tua bang a hih mite tungah thu ka khen zo hi.

⁴Note i Topa Jesu mina na kikhop uh ciangin kha in note tawh hong omkhawma, i Topa Jesu vangliatna zong a om hi.

⁵Ama mawhdim pianngei d[12] a kisiat theih nading le Topa ni ciang ama kha a kihotkhiat theih nadingin hih mipa Satan khut ah pia un.

⁶Na kisaktheihna uh a hoih kei hi. Silngo tawmkha in buhnel mekman lom sung teng khempeuh tawkzo cih thei lo na hi uh hiam?

⁷Silngo sawh loh buhnel mekman thak na hi takpi bangun tua mah na suah nadingun silngo lui paimang un. Ahang in, Christ eite Paisan Tuuno in biakna i pia zo hi.

⁸Tua ahi manin etsatna le tatsiatna silngo lui tawh hi loin, silngo kisawh lo, a taktak le thutak anlumin Pawi bawl ni.

⁹Kong laikhaknasa sungah numei pasal paktatte tawh kipawl loh ding kong gelh zo hi.

¹⁰Hih leitunga a paktatte, huaiham le sum nesimte ahikeh milim biate ka cihna ahi peuhmah kei hi. Tuate hi hileh hih leitung na nusiat uh kul ding hi.

¹¹Ahi hangin amah le amah na sanggam uh ka hi kici napi numei pasal-a paktat ahikeh a huaiham, milim bia khat ahikeh mi gensiat hat khat, zukham khat ahikeh sum nesim khatpeuh tawh na kipawl peuhmah loh nadingun kong gelh ahi hi. Tua bang mi khatpeuh tawh an nangawn na nekhawm kei un.

¹²Pawlpi pua lamate tungah bang nuammawh in thu va khen ding ka hiam? A sunga omte tungah thu na khen ding uh hi lo hiam?

¹³A pua-a omte tungah Pasian in thu a khen ding hi. "Tua tatsiapa note lak pan hawlkhia un" a[13]