Read Zokam 1 Corinth-te 6 Bible Online

1 Corinth-te 6 - Zokam bible

1 Corinth-te 6

¹Note lakah khatpeuh midang tawh a kisiat leh a thu a khensak dingin misiangte mai a tut tangin pasian-milote mai tun ngam ding uh ahi hiam?

²Misiang te in leitung thu khen ding ahilam thei lo na hi uh hiam? Note in leitung thu khen ding na hi uh leh thuneute khen dingin cin buang lo ding na hi uh hiam?

³Eite in vansawltakte thu i khen ding thei lo na hi uh hiam? Tua ahileh tu i nuntak sunga nate thu khen zawsem lo ding i hi hiam?

⁴Tua ahi manin tua bang kisiatna na neih uh leh pawlpi sunga a kineu koih mite nangawn thukhen dingin seh lel un! b[14]

⁵Na maizum nadingun hih thu kong gen hi. Thu-umte kikalah thusiate khen ding zaha pilna nei note lakah om buang lo na hi uh hiam?

⁶Ahi hangin tua sangsikin sanggam khat in adang khat thukhente tungah hekin tua nangawn thu um lote tung hi sawnsawn hi!

⁷Tua banga note lakah thusia na kineihna uh no mahmah a guallel dimdemsa na hina uh a kilatna ahi hi. Bang dinga khial tangzaw mai lo na hi uh hiam? Bang dinga mi khemsa hizaw mai lo na hi uh hiam?

⁸Tua sangsikin no le no kikhemin khialhna na bawl uh a, tua pen mah na sanggamte uh tungah na hih uh hi.

⁹Mi tatsiate in Pasian gam a luah loh ding lam thei lo na hi uh hiam? Mi khemsa-in om kei un: Numei pasal paktatte, milim biate, angkawmte, pasal kizuakte, pasal le pasal paktatte,

¹⁰gutate, duhhopte, zu khamkhamte, mi gensiate, sum ne simte khempeuh in Pasian gam a luah kei ding hi.

¹¹Note pawlkhat tua bang na hi uh hi. Ahi hangin i Topa Jesu Christ min le i Pa Pasian Kha tawh note hong kisawp zo, hong kisiangthosak zoin, dik hong kitangsak zo hi.

¹²Na khempeuh hih ding a kiphal hi - ahi hangin na khempeuh phattuamna a hi kim kei hi. "Kei adingin na khempeuh a kiphal hi" - ahi hangin na khat beek ka ki-uksak nuam kei hi.

¹³An in gilpi ading ahi mah bangin gilpi zong an ading mah ahi hi - ahi hangin Pasian in tuate gel a susia ding hi. Pumpi pen numei pasal paktatna-a zat ding hi loin Topa ading hi-a Topa zong pumpi ading ahi hi.

¹⁴Pasian in ama vangliatna tawh misi panin Topa thosak-a, eite zong hong thosak ding hi.

¹⁵Note pumpi Christ mahmah pumpi nate ahilam thei lo na hi uh hiam? Tua ahileh Christ pumpi nate la-in a kizuakte tawh gawmkhawm ding ka hi hiam? Ka gawmkhawm ngei peuhmah kei ding hi!

¹⁶A kizuaknu tawh a kigawmpa tuanu tawh pumpi ah khat suak ahilam thei lo na hi uh hiam? Ahang in, "Tua nihte cikhat sakhat a suak uh hi" c[15] ci hi.

¹⁷Ahi hangin amahmah Topa tawh a kigawmte kha-in amah tawh khat ahi hi.

¹⁸Numei pasal paktatna na taisan un. Mihing in a bawl mawhna dangte khempeuh a pumpi pualam hi-a, ahi hangin numei pasal mawhna-a a mawhte ama pumpi tungah a mawh ahi hi.

¹⁹Note pumpi Pasian tung pana na ngah uh no sunga om Khasiangtho biakinnpi ahilam thei lo na hi uh hiam? Note nomau aa na hi kei uh hi;

²⁰note man kipia-a leisa na hi uh hi. Tua ahi manin na pumpi uh tawh Pasian na pahtawi un.