Read Zokam 2 Corinth-te 4 Bible Online

2 Corinth-te 4 - Zokam bible

2 Corinth-te 4

¹Tua ahi manin kote in Pasian lainatna tungtawna hih nasep ka neih khit nungsangun ka lungkia kei uh hi.

²Tua sangin a simtham le a zumhuai-a gamtatnate ka tawpsan uh hi. Khem bawlnate zang loin Pasian thu zong ka lehkaih kei uh hi. Tua sangsikin tua thutak teltakin ka pholak uh a, Pasian mitmuh ah mi khempeuh lungsim tawh kituakin ka om zaw uh hi.

³Tua ciangin ko gen lungdamna-thu a kikhuh leh zong a mangthangte adinga kikhuh hi lel hi.

⁴Pasian lim a hipa Christ minthanna lungdamna-thu khuavak a muh theih loh nadingun a um lote lungsim mit hih khanghun pasian in a tawsak hi.

⁵Ahang in, kote in ko thu ka gen kei uh a, Jesu Christ Topa a hina le Jesu hanga note nasem ka hina uh ka genzaw uh hi.

⁶Ahang in, "Khuamial lak panin khuavak tang hen," b[4] a cipa Pasian in Christ maitang a om Pasian minthanna, tua theihna khuavak hong piak nadingin kote lungsim sungah khuavak hong tangsak hi.

⁷Ahi hangin na khempeuh sanga lianzaw, a vangliatna kote tung pan hi lo Pasian tung pan a hina a kilat nadingin hih gou, leibeelte sungah ka nei uh hi.

⁸Kote ka kimkot panun nakpi-in hong kinehcih hangin netkhapin ka om kei uh hi; amkhamin ka om uh hangin lung mangin ka om kei uh hi;

⁹bawlsiatin ka om uh hangin taihsatin ka om kei uh hi; hong kisattuk hangin hong kisusia kei hi.

¹⁰Kote pum tungah Jesu nuntakna zong a kilaak theih nadingin kote pumpi ah Jesu sihna ka pua kawikawi uh hi.

¹¹Ahang in, a si thei kote pumpi tungah ama nuntakna a kilat theih nadingin a nungta kote, Jesu hanga si dingin piakkhiatsa in ka om tawntung uh hi.

¹²Tua ahi tak ciangin kote sungah sihna in na sem a, ahi hangin note sungah nuntakna in na a sem hi.

¹³"Ka um hi; tua ahi manin ka gen zo hi" c[5] ci-in kigelh zo hi. Tua upna kha mah tawh kote in zong ka um uh a, tua ahi manin ka gen uh hi.

¹⁴Bang hang hiam cih leh misi pana Topa Jesu a thosakpa in Jesu tawh kote hong thosak khawm dinga, ama omna ah kote tawh note hong tunkhawm ding hi, cih ka thei uh hi.

¹⁵Hihte khempeuh note phattuam nading hi-a, mi a tam semsemte kianga tung, tua hehpihna in Pasian minthan nading lungdamkohna a dimlet a piansak theih nading ahi hi.

¹⁶Tua ahi manin ka lungkia kei uh hi. Ka pualam uh a kiamkiam hangin ka sunglam uh a ni a ni-in hong kithak suaksak hi.

¹⁷Ahang in, a cihtak lo le hun tomno sunga ka thuak uh lungkhamnate in tuate khempeuh a khup tawntung minthanna kote hong ngahsak hi.

¹⁸Tua ahi ciangin a kimu theite mitsuan loin a kimu thei lote ka mitsuanzaw uh hi. Ahang in, a kimu theite tomkha kal sung bek om a, a kimu thei lo pen ahileh a om tawntung ahi hi.