Read Zokam Ephesa-te 1 Bible Online

Ephesa-te 1 - Zokam bible

Ephesa-te 1

¹Pasian deihna hanga Jesu Christ sawltakpi Paul in, Ephesus a[1] a om misiangte, Christ Jesu sunga a muanhuaite b[2] tungah:

²I Pa Pasian le Topa Jesu Christ tung pana hehpihna le lemna no tungah om ta hen.

³Vanlam gama, Christ sunga khalam thuphate khempeuh eite thupha hong pia i Topa Jesu Christ Pasian le Pa kiphat ta hen.

⁴Ahang in, ama mitmuh c[3] ah ‘siangtho-a pau i ban loh nadingin leitung piansak ma-in ama sungah eite hong teel zo hi.

⁵Ama nopsakna le deihna tawh kizui-in Jesu Christ tungtawnin tate a hong san theih nadingin -

⁶amah in a Itpa sungah eite hong piakkhong a minthang ama hehpihna pahtawi nadingin itna-in hong laitan kholhsa ahi hi.

⁷Pasian hehpihna kicing tawh kizui-in ama sisan hangin ama sungah tatkhiatna le mawh maisakna i ngah a,

⁸amah in pilna le theihcianna khempeuh tawh tua hehpihna kicingtakin eite hong pia zo hi.

⁹Tua ciangin amah d[4] in Christ sunga a ngimsa ama deihna thuthuk, a lungkimna hoih tawh kizui-in eite hong theisak hi.

¹⁰A hun a cin ciangin a tangtung dingin vantung le leitunga na khempeuh lutang khat, Christ mahmah nuai-a gawmkhawm ding ama tup ahi hi.

¹¹Ama deihna banga a ngimna tawh kituakin na khempeuh a semkhia pa in a deihna tawh kizui-in a laitansa bangin ama sungah kote hong kiteelsa e[5] hi-a,

¹²Christ sunga lametna a nei masa kote ama minthanna pahtawina ka suah theih nading uh ahi hi.

¹³Note hong hotkhiatna lungdamna-thu, tua thutak thu na zak khit uh ciangin note zong Christ sungah hong kihuai khawm hi. Na up khit uh ciangin ciamtehna khat, hong kikamciamsa Khasiangtho-a kiciamtehsa na hi uh hi.

¹⁴Tua pen ama minthanna pahtawi nadingin Pasian neihsate tatkhiatna dongin i luah ding hong kamciamna ahi, khamkholhna ahi hi.

¹⁵Hih thu hangin Topa Jesu na up na uh le misiangte khempeuh na itna uh ka zaka kipan,

¹⁶ka thungetnate ah note hong phawk gige in no ading lung damkohna ka tawlnga nai kei hi.

¹⁷Eite Topa Jesu Christ’ Pasian a minthang Pa in, amah na theihcian zawk nadingun pilna le kilaakna Kha f[6] note hong piak theih nadingin thu ka ngen den hi.

¹⁸Note hong sapna ahi lametna, misiangte sunga a minthang ama gouluah a kicinna le

¹⁹a um mi eite adinga tehpih bei ama vangliatna thupi na theih nadingun na lungsim mitte uh a kivaksak nadingin zong thu ka ngen hi.

²⁰Misi pan amah a thawhkiksak lai-a vanlam gamah a taklam-a a tutsak lai-a

²¹ukna le thuneihna, vangliatna le gam-ukna khempeuh, tu khanghun bek hilo hong tung ding khanghun ah zong a kipia thei za khempeuh tungpek ah Christ a, a zatsa thahatna mah ahi hi.

²²Pasian in na khempeuh ama khepek nuai ah koih a, pawlpi adingin amah na khempeuh tungah lutang in seh khinin,

²³tua pawlpi pen ama pumpi hi-a, na khempeuh, lam khempeuh-a, a cingsakpa’ kicinna ahi hi.