Read Zokam 1 Thesalonica-te 5 Bible Online

1 Thesalonica-te 5 - Zokam bible

1 Thesalonica-te 5

¹Sanggamte aw, tu-in a ni le a hun thu kong gelh ding uh kisam lo hi.

²Ahang in, zana guta bangin Topa ni, hong tung ding cih teltaka na theihsa uh ahi hi.

³Mite in, "Lemna le muanna" a cih laitakun, naupaii numei, nausuahnat in a tut bangin amau tungah thakhatin siatna tung dinga, amaute a suakta kei ding uh hi.

⁴Ahi hangin sanggamte aw, no na hi uh leh guta in a phawn banga, hih ni in hong phawn dingin khuamial laka om na hi kei uh hi.

⁵Note na vekpi-un tua khuavak tapate le sunlai tapate na hi uh hi. Eite tua zan ahikeh tua khuamial aa i hi kei hi.

⁶Tua ahitak ciangin a ihmu midangte tawh kibang loin a kigingsa le ei le ei ki-uk zo-in om ni.

⁷Ahang in, a ihmute zanin ihmu a, zukhamte in zanin a kham uh hi.

⁸Ahi hangin eite sunlai aa i hi nungsangin eimah le eimah ki-uk zoin, upna le itna awmdal in bulhin, lametna sik lukhu in hotkhiatna khu ni.

⁹Ahang in, Pasian in eite ama thangpaihna thuak dingin hong seh lo a, ahi hangin i Topa Jesu Christ tungtawnin hotkhiatna ngah dinga hong seh ahi hi.

¹⁰Eite i ihmu zongin i hak zongin amah tawh i nuntak khawm theih nadingin eite adingin amah a si hi.

¹¹Tua ahi manin tu-a na hihsa bangun khat le khat kihanthawnin na kikhantohpih ciat un.

¹²Tu-in sanggamte aw, note lakah nasep hahkatte, Topa sunga no hong ukte le no hong thuhilhte na zahtak ding uh kong sawl uh hi.

¹³Amau nasepna hangin itna tawh a sangpenin na koih un. Khat le khat na kilem un.

¹⁴Sanggamte aw, a thadahte vauhilh ding, a zahkaite hansuah ding, a thanemte huh ding le mi khempeuh tunga lungduai dingin kong kun uh hi.

¹⁵Kuamah in khialhna, khialhna-in thuk kik loin note khat le khat ahi zongin, mi khempeuh tungah ahi zongin migit na sawm tawntung un.

¹⁶Na lungnuam tawntung un;

¹⁷thu na ngen den un;

¹⁸hih in Christ Jesu sungah note ading Pasian deihna ahi manin a piang khempeuh ah lungdam na ko un.

¹⁹Tua Kha’ meikuang na mitsak kei un;

²⁰genkholhna thute na simmawhbawl kei un.

²¹Na khempeuh sittel un. A hoihte kiplet un.

²²Siatna namte peuhmah na peel un.

²³Pasian mahmah, lemna Pasian in note hong siangthosak sinsen ta hen. Eite Topa Jesu Christ hong pai cianga kawkbaanna a om lo dingin na kha, na lungsim le na pumpite uh a bupin hong kepsak ta hen.

²⁴Note hong sampa a muanhuai hi; amah in tuate a hih ding hi.

²⁵Sanggamte aw, kote ading thu na ngetsak un.

²⁶Kinapna siangtho tawh sanggamte khempeuh na kihopih un.

²⁷Hih laikhak sanggamte khempeuh tungah na sim nading uh Topa mai-ah thu kong pia hi.

²⁸Eite Topa Jesu Christ hehpihna note tawh om ta hen.