Read Zokam Joshua 13 Bible Online

Joshua 13 - Zokam bible

Joshua 13

¹Joshua kum tamta in tekta ahi ciangin TOPA in ama kiangah, "Nang lah tek mahmah ta, lak ding gam lah zai mahmah lai hi.

²Lak ding a samlai gamte:Philistia le Geshur kualte khempeuh,

³Egypt nisuahna Shihor Gun panin leilu lama Ekron gam dong, a vekpi-in Canaan-te aa in kisima (Avvim-te gam ahi - Gaza, Ashdod, Ashkelon, Gath le Ekron-te a uk Philistia-te gam ngate hi a;)

⁴a leitaw lam panin Canaan-te gam khempeuh, Sidon-te gama Arah panin Gebal-te b[35] huam sung, Amor-te kual a Aphek dong bana;

⁵nisuahna panin Lebanon khempeuh Hermon Vum nuai sana Baal Gad panin Lebo c[36] Hamath ciang dong ahi hi.

⁶"Mualtung kuala tengte adingin Lebanon pan Misrephoth Maim ciang, tua muna teng Sidon-te khempeuh kei mahmah in Israel-te mai pan ka nawhkhia ding hi. Keimah in nang kong lamlahsa bangin a luah dingun hih gam tuam khenkhiat inla,

⁷beh kua le Manasseh beh alangte tungah hih gam a luah dingun hawmsak in," a ci hi.

⁸Manasseh d[37] alang dang khatte, Reuben-te le Gad-te in Jordan nisuahna lamah TOPA’ nasempa Moses in amaute piak dinga a sehsa bangin amaute in luahna a ngah khin uh hi.

⁹Arnon Guam siik tunga om Aroer pan, le guam laizanga khuapi pan le Medeba mualtung zang buppi, Dibon ciang dongah kikhunga,

¹⁰Heshbon a kumpi a sem Amor-te kumpipa Sihon khuapi teng, Ammon-te gamgi pua ciang dong a huam hi.

¹¹Gilead Geshur le Maacah mite gam, Hermon Vum khempeuh le Bashan khempeuh Selecah dong zong huama -

¹²tua in Bashan kumpi Og kumpi-gam bup ahi hi; amah pen Ashtaroth le Edrei ah kumpi a semsa, Rephaim-te laka a suakta lai sun ahi hi. Moses in amaute zo in a gam uh a laksa ahi hi.

¹³Ahi hangin Israel-te in Geshur le Maacah mite nawhkhia lo uh a, tua ahi ciangin tuni dong amaute Israel-te lakah teng den uh hi.

¹⁴Ahi hangin amah in amaute a ciamsa bangin TOPA Israel Pasian tungah mei-a hal biaknate Levi behte goutanh ahi nungsang amaute gouluah a pia kei hi.

¹⁵Moses in Reuben beh abawng’- bawng’te tungah a piakte in:

¹⁶A gamgi uh Arnon Guam siik-a Aroer pan le guam laizanga khua pan, a mualtung zanga

¹⁷Medeba gal panin Heshbon le mualtung zanga khuapite khempeuh, Dibon, Bamoth Baal, Beth Baal Meon,

¹⁸Jahaz, Kedemoth, Mephaath,

¹⁹Kiriathaim, Sibmah, kuam mual tunga Zereth Shahar

²⁰Beth Peor, Pisgah mualdung suk teng le Beth Jeshimoth -

²¹mualtung zanga khua khempeuh le Heshbon a uk Amor-te kumpipa Sihon ukna gam khempeuh ahi hi. Moses in tua gama teng - Sihon a beel ukpite - Midian-te gam-ukte, Evi, Rekem, Zur, Hur le Reba-te amah tawh a zawh khawmsa ahi hi.

²²Gal sunga a kithatte banah Israel-te in Beor’ tapa aisanpa Balaam namsau-in a that uh hi.

²³Reuben-te gamgi, Jordan gun pang ahi hi. Hih khuapite le khuaneute Reuben-te in a bawng’bawng’un a luah uh hi.

²⁴Moses in Gad-te beh a bawng’-bawng’te tungah a piakte in:

²⁵Jazer gam, Gilead khuapi khempeuh, Rabbah kianga Ammon-te gam Aroer dong,

²⁶le Heshbon pan Ramoth Mizpah le Beonim ciang le Mahanaim pan Debir gam ciang,

²⁷le kuam sungah, Beth Haram, Beth Nimrah, Succoth le Zaphon, Heshbon a kumpi Sihon ukna gam om lai teng (Jordan nisuahna-lam panga Kinnereth Tuipi mong ciang) a[38] ahi hi.

²⁸Hih khuapite le a khuaneute Gad-te in a bawng’ bawng’un a luah uh hi.

²⁹Hih in Moses in Manasseh beh a langte tungah a piaksa hi-a, tua pen Manasseh innkuante suan alang, a bawng’bawng’te tungah a piak ahi hi.

³⁰Tua gam Mahanaim panin kikhunga, Bashan huamin, Bashan kumpipa Og ukna - Bashan a Jair-te tenna khempeuh, khua sawmguk,

³¹Gilead kimkhat, le Ashtaroth le Edrei (Bashan a Og kumpipa khuapi) ciang ahi hi. Hih in Manasseh tapa Makir suante ading hi-a - Makir tapate alangte in a bawng’bawng’a a tanh ding uh ahi hi.

³²Hih in Jordan galkhat Jericho nisuahna-lam Moab zanglei ah Moses a om lai-a amaute luah dinga a piak ahi hi.

³³Ahi hangin Moses in Levi behte tungah gouluah a pia kei hi; amah in amaute a khapsa bangin TOPA, Israel Pasian amau gouluah ahi hi.