Read Zokam Joshua 15 Bible Online

Joshua 15 - Zokam bible

Joshua 15

¹Judah beh a bawng’bawng’te sehtanh, Edom gam dongah kikhungsuk a, leitaw-lam pekpek Zin sehnel-gam dong ahi hi.

²A gamgi uh leitaw lamah, Ci Tuipi c[40] leitaw-lam mong panin kipana,

³Mom-ai d[41] Ciangpi leitaw lam kantanin Zin ah kizom suaka Kadesh Barnea leitaw lamah a paisuak hi. Tua ciang Hezron dung tawnin Addar lamah kikhungto-a, Karka a kualkhum hi.

⁴Tua ciangin Azmon dungah pai-in Egypt Wadi zoma, tuipi ah tawp hi. Hih in amaute e[42] leitaw-lam gamgi ahi hi.

⁵Nisuahna gamgi pen Ci Tuipi dung Jordan gun tun dong ahi hi. Leilu-lam gamgi, tuipi gei Jordan tun panin kipana,

⁶Beth Hoglah ah paito in Beth Arabah leilu-lam zoma Reuben’ tapa Bohan’ Suangtumpi a sun hi.

⁷Tua ciangin gamgi Achor Kuam panin Debir ah paito-a, Gilgal lam manawhin leilu lamah kihei-a, kuam leitaw lama Adummim Ciangpi a maingat hi. En Shemesh Tuite dungah kizomsuak a En Rogel ah suakkhia hi.

⁸Tua ciangin Ben Hinnom Kuam dong Jebus-te khuapi (tua pen Jerusalem) leitaw-lam dungah zui-in a paito hi. Tua lai panin Rephaim Kuam leilu-lam monga om Hinnom Kuam nitumna-lam mualneu dawnah a kahto hi.

⁹Mualneu dawn panin gamgi, Nephtoah Tuinakte lam maingatin Ephron Vum a khuapite ah suakkhia-a Baalah (tua pen Kiriath Jearim) lam manawhin a paisuk hi.

¹⁰Tua ciangin Baalah panin Seir Vum lamah kawiphei a Jearim Vum (tua pen Keslon) dung leilu lamah paisukin Beth Shemesh zomsuka Timnah ah a galkah hi.

¹¹Tuateh Ekron leilu-lam dung zui a, Shikkeron lamah kihei phei-in Baalah Vum dung kantana Jabneel a ban hi. Tuipi ah gamgi a tawp hi.

¹²A nitumna-lam gamgi Tuipi lian a[43] dungdung ahi hi. Judah mite, a bawng’te uh tawh kizui-in a kimkot ua gamgite hihte ahi hi.

¹³TOPA in Joshua a thupiakna tawh kizui-in amah in Jephunneh’ tapa Caleb tungah Judah - Kiriath Arba tua pen, Hebron sungah tanh khat a pia hi. (Anak pu Arba ahi hi.)

¹⁴Hebron panin Caleb in Anak suante ahi - Anak mite thum - Sheshai, Ahiman, le Talmai a hawlkhia hi.

¹⁵Tua lai panin Debir (a masa in Kiriath Sepher kici) mite do dingin a kuan hi.

¹⁶Tuateh Caleb in, "Kiriath Sepher sim-a, a la zo pa ka tanu Acsah tawh ka tengsak ding hi," a ci hi.

¹⁷Caleb sanggampa Kenaz’ tapa Othniel in a la zo hi; Tua ciangin Caleb in a tanu Acsah tawh amah a kitengsak hi.

¹⁸Ni khat tuanu Othniel kiangah pai-in a pa tungah lo khat a nget dingin amah b[44] a hah sawl hi. Amah laa tung pan a tuahkhiat ciangin Caleb in, "Nang ading bang kong hihsak ding hiam?" ci-in a dong hi.

¹⁹Tuanu in, "Kei hong angvan tuam diak in. Negev ah leitang nong piak khit nungsang, tuikhukte zong hong pia in," ci-in a dawng hi. Tua ciangin Caleb in tuikhuk tungnung le tuikhuk nuainungte a pia hi.

²⁰Judah beh in a bawng’bawng’a, a luah ding uh hih ahi hi:

²¹Negev sunga om, Edom tawh gamgi lampang leitaw-lam a nehpen Judah behte khuapite: Kabzeel, Eder, Jagur,

²²Kinah, Dimonah, Adadah,

²³Kedesh, Hazor, Ithnan,

²⁴Ziph, Telem, Bealoth,

²⁵Hazor Hadattah, Kerioth Hezron (tua pen Hazor)

²⁶Amam, Shema, Moladah,

²⁷Hazar Gaddah, Heshmon, Beth Pelet,

²⁸Hazar Shual, Beersheba, Biziothiah,

²⁹Baalah, Iim, Ezem,

³⁰Eltolad, Kesil, Hormah,

³¹Ziglak, Madmannah, Sansanah,

³²Lebaoth, Shillim, Ain le Rimmon - a vekpi in khuapi sawmnih le kua le a khuaneute ahi hi.

³³Nitumna-lam mualbul ah: Eshtaol, Zorah, Ashnah,

³⁴Zanoah, En Gannim, Tappuah, Enam,

³⁵Jarmuth, Adullam, Socoh, Azekah,

³⁶Shaaraim, Adithaim, le Gederah (ahikeh Gederothaim) c[45] - a khuapi sawm le li le a khuaneute ahi hi.

³⁷Zenan, Hadshah, Migdal Gad,

³⁸Dilean, Mizpah, Joktheel,

³⁹Lachish, Bozkath, Eglon,

⁴⁰Cabbon, Lahmas, Kitlish,

⁴¹Gederoth, Beth Dagon, Naamah le Makkedah - khuapi sawm le guk le a khuaneute ahi hi.

⁴²Libnah, Ether, Ashan,

⁴³Iphtah, Ashnah, Nezib,

⁴⁴Keilah, Aczib le Mereshah - khuapi kua le a khuaneute ahi hi.

⁴⁵Ekron a kimkot a tengte le a khuaneute tawh,

⁴⁶Ekron nitumna lam, Ashdod a khua vengte khempeuh, a khuaneute tawh;

⁴⁷Ashdod a kimkota tengte le a khuaneute le Gaza, a kimkota tengte le a khuaneute, Egypt Wadi dong le Tuipi Lian gei ciang dong ahi hi.

⁴⁸Mualtung gamte: Shamir, Jattir, Socoh,

⁴⁹Dannah, Kiriath Sannah (tua pen Debir),

⁵⁰Anab, Eshtemoh, Anim,

⁵¹Goshen, Holon le Giloh - khuapi sawm le khat le a khuaneute ahi hi.

⁵²Arab, Dumah, Eshan,

⁵³Janim, Beth Tappuah, Aphekah,

⁵⁴Humtah, Kiriath Arba (tua pen Hebron) le Zior - khuapi kua le a khuaneute ahi hi.

⁵⁵Maon, Carmel, Ziph, Juttah,

⁵⁶Jezreel, Jokdeam, Zanoah,

⁵⁷Kain, Gibeah le Timnah - khuapi sawm le a khuaneute ahi hi.

⁵⁸Halhul, Beth Zur, Gedor,

⁵⁹Maarath, Beth Anoth le Eltekon - khuapi guk le a khuaneute ahi hi.

⁶⁰Kiriath Baal (tua pen Kiriath Jearim) le Rabbah - khuapi nih le a khuaneute ahi hi.

⁶¹Sehnel-gam ah: Beth Arabah, Middin, Secacah,

⁶²Nibshan, Ci Khuapi le En Gedi - khuapi guk le a khuaneute ahi hi.

⁶³Judah in Jerusalem a teng Jebus-te a hawlkhia zo kei hi; tuni dongin Jebus-te tua lai-ah Judah mite tawh a tengkhawm uh hi.