Read Zokam 1 Timothy 2 Bible Online

1 Timothy 2 - Zokam bible

1 Timothy 2

¹Tua ciangin, a masa penin mi khempeuh ading ngetnate, thungetnate ngetsakna le lungdamkohnate nei dingin kong kun hi.

²Tua pen eite i pasian-mina le sianthona ah lungmuang tak le kilemtaka i nuntak theih nadingin, kumpite le thuneite khempeuh ading thungen ding cihna ahi hi.

³Hih in hoih a, eite Honpa Pasian a lungkimsak hi.

⁴Amah, mi khempeuh a kihotkhiat ding le thutak a theih ding uh a deih pa ahi hi.

⁵Ahang in, Pasian khat om a, Pasian le mite kikalah palai khat omin tua mipa Christ Jesu ahi hi.

⁶Mi khempeuh tat nadingin amah kipia a, tua teci panna thu a hun lianin kipia hi.

⁷Tua hi-a hih thu ah kei tangko pa le sawltakpi-in hong kiseh hi; ka zuau hi loin ka takpi hi-a, Gentile-te tungah upna mantak a hilh dingin sia in hong kiseh hi.

⁸Mun khempeuh ah pasal khempeuh in hehna le kitotna om loin a khut siangthote uh lamto a thu a nget ding uh ka deih hi.

⁹Numeite zong a zahtak baang dingin, a kilawm a kituaka a kizep ding uh ka deih hi. Samphek ahi zongin, kham, kep manpha le puan mantamte tawh hi loin,

¹⁰Pasian bia numeite adinga kilawm ciang gamtat hoih tawh a kizep ding uh hizaw hi.

¹¹Numei in dai hithiat in, kiniamkhiatna kim tawh sin ta hen.

¹²Numei in pasal tungah thu a hilh ding ahikeh thu a neih ding ka phal kei hi; amah a sip dide kul hi.

¹³Ahang in, Adam kibawl masa a, tua ciangin Eve kibawl hi.

¹⁴A kikhem zo pen Adam ahi kei hi; a kikhem zo pen tua numei hi-a mawhnei a suak hi.

¹⁵Ahi hangin numeite a[2] in a kilawm a kituakin upna, itna le siangthona a neih suak nak uh leh nausuahna tungtawnin kihonkhia b[3] ding hi.