Read Zokam 2 Timothy 3 Bible Online

2 Timothy 3 - Zokam bible

2 Timothy 3

¹Ahi hangin hih thu ciamteh in: ni nunungte ah a lauhuai hunte hong piang ding hi.

²Mite in, amau le amau ki-itte, sum deihluate, kisialhhatte, kisa theite, siatgenhatte, nu-le-pa thu amang lote, lungdamna mel thei lote, a siangtho lote,

³itna nei lote, a maisak nuam lote, gensiat-hatte, amah le amah ki-uk zo lote, a ngongtatte, a hoih deih lote,

⁴a zuautatte, a gamhtatte, a kimisakte, Pasian it ding sanga nopsakna a itzawte,

⁵pasian-mina lim nei napi a, a vangliatna a nialte hi ding uh hi. Amaute tawh kisawhkha kei in.

⁶Amaute, kinelnelin mi innah va lut uh a, mawhnate tawh kidim lunggulhna namkim in a suknawk a tonawk,

⁷a sinsin hanga thutak a thei lo numei zulhzaute a va zothawh gawpte ahi uh hi.

⁸Jannes le Jambres-te in Moses a langdo bang tektekun, hih mite in zong thutak langdo uh a, amaute lungsim kisia gawpsa ahi manun upna thu tawh kisai-in a kinilkhiate ahi uh hi.

⁹Ahi hangin amaute in ama uh a sot kei ding uh hi; bang hang hiam cih leh tua mite thu tungtang mah bangin amaute haina zong mikim tungah a kitheitelsak ding hi.

¹⁰Bangbang ahi zongin nang, ka thuhilhna thu khempeuh, ka nuntak zia, ka ngim ka tup, upna, lungduaina, itna, sikdona,

¹¹bawlsiatna, thuaknate - Antioch, Iconium le Lystra-te ah kei tungah bang teng pianga, bang bawl siatnate thuak ka hi hiam, cih a vekpi in na thei khin hi. Tua hi napi Topa in tuate khempeuh panin hong hukhia hi.

¹²A taktakin Christ Jesu sunga pasian-mina tawh a nungta nuam mi peuhmah kibawlsia dinga,

¹³migilo le mi kheltatte, mi khem le khemna thuakin a siat semsem laitak uh hi ding hi.

¹⁴Ahi hangin nang na hileh na sinsa le na kipsansa ah kip den in. Bang hang hiam cih leh nang in tuate na sinna pa na thei-a,

¹⁵Christ Jesu sunga upna tungtawnin hotkhiatna ngah nadingin hong pilsak thei a siangtho Laisiangtho na neu tunga kipan na theihsa ahilam zong na thei hi.

¹⁶Laisiangtho khempeuh Pasian humuap hi-a, thuhilh nading, tai nading, bawlphat nading, thumaan lama pattah nadingin phatuamin manpha hi.

¹⁷Tua in Pasian mipa pen na hoih khempeuh sem dingin kimtaka a kithuam theih nading ahi hi.