Read Zokam Titus 1 Bible Online

Titus 1 - Zokam bible

Titus 1

¹Pasian teelte, upna le pasian-mina - a tun thutak theih nadinga -

²tua upna le theihna pen zuau a gen lo Pasian in hun kipat ma-a a ciamsa, nuntak tawntung nading lametna tungah kinga a,

³eite Honpa Pasian thupiakna tawh hun a sak hun lianin, thuhilhna tungtawna ama thu hong kilatsakna Pasian nasem le Jesu Christ sawltakpi keimah Paul in,

⁴Eite in i upkhawm upna sunga ka tapa taktak Titus tungah: Pa Pasian le eite Honpa Christ Jesu pana hehpihna le lemna hong tung ta hen.

⁵Crete a nang kong nusiatna pen, a kizo nai lo a kinusiate na zawhsiang theih nading le nang kong lamlah bangin khuapi kima upate a seh a[1] ding na hi hi.

⁶Upa dingte: a pel loin kawkbaanna om lo ding, zi khat bek a nei, a tate zong thu um mi hi ding a, phengphi-a a thumang lo mi a hi kei ding hi.

⁷Saptuam kem b[2] pen, Pasian na a kikemsak ahi khit nung sangin pel loin kawkbaanna a om lo, a kiliansak lua lo, a heh baih lo, zu a kham lo, a gamhtat lo, met nading zonga a zuautat lo mi hi ding hi.

⁸Tua sangsikin, a pel loin zindo siam mi, a hoih deih mi, ama pumpi ki-uk zo mi, a thutang mi, a siangtho le a kisek zo mi hi ding hi.

⁹Amah in midangte thu-upna maan tawh han thawna a langpante a nial theih nadingin a kihilhsa a muantak, thupuak kiptakin a len pelmawh ding hi.

¹⁰Bang hang hiam cih leh a diakdiakin vunat pawlte sungah a lehdo thei mi, a kamsi le a zuauphuak mi tampi a om hi.

¹¹Amaute kamhum ding uh hi. Ahang in, a hilh loh ding pipi uh hillhin innkuan sung buppi a siasak uh hi; tua zong a maan lo-a metna zonna ahi hi.

¹²Amau kamsangte khat nangawn in, "Crete mite zuauphuak dente, gilo ngongtatte, thadah a anhaite ahi hi," na ci hi.

¹³Hih teci panna a maan ahi hi. Tua ahi manin amaute upna ah a kip theih nading uh le

¹⁴Jew-te phuahtawm tang thute ahikeh thutak a nial mite thupiakte a thudon loh nadingun khauh takin tai in.

¹⁵A siangthote aa in na khempeuh siangtho a, ahi hangin a kisiate le a um lo mite aa in a siangtho khat beek a om kei hi. A taktakin amaute lungsim le a lungsim kitheihna uh a siakhawm hi.

¹⁶Pasian thei kineih uh a, ahi hangin a gamtatna uh tawh a nial uh hi. Amaute mi huathuai, a thumang lo, na hoih sem dinga a cin lo uh ahi hi.